campidanesu · LSC · nugoresu
La casa de papel (in sardu: Sa domo de pabilu) est una sèrie de sa televisione ispagnola pensada dae Álex Pina.
Postis sa manna resessida in su canale Antena 3, sa serie est istada acchirida dae Netflix chi at torradu a tasmìtere sa prima istajone modificada, abbasciende sa durada de sos episòdios e dividinde·la gai in duas partes; poi at prodùidu àteras duas istajones, finzas issas divididas in duas partes.
S'istòria contat sos isvilupos de una rapina in manera estremamente ambitziosa e originale. Cominzada cun sa rupida in sa Fábrica Nacional de Moneda y Timbre, in Madrid, pro fàgher istampare mizas de milliones de dinaris, pro poi fuire cun su buttinu. S'autore de custa impresa est un'òmine connoschidu comente "su Professore". Su reclutamentu de ogni membru de s'iscuadra no est casuale pro nudda: su Professore, difattis, isseberada attentamente unu gruppu de indivìduos cun pretzedentes penales, chie, pro motivos de estrassione sotziale, non tenent nudda de pèrdere. Dognunu durante s'assaltiada agit bestidu de ruju cun una mascara de su pintore ispagnolu Salvadòr Dalí.
Cunsideradu sa proibitzione de revelare sa pròpia identidade, dogni membru de s'iscuadra benit assignadu su nùmene de una tzitade: Tòkyo, Mosca, Berlino, Nairobi, Rio, Denver, Hèlsinki e Oslo. No solu sas identidades depent restare cuadas, ma pro preservare sa professionalitade benit fintzas proibidu de esser in relascione de amistade e nemmancu de affettu. Sos protagonistas si cuant pro chimbe meses in d'unu cuile abbandonadu e mannu meda, in sas campagnas de Toledo, pro si preparare in manera adeguada, faghende totu sas simulatziones netzessàrias pro afrontare cale chi siat imprevistu. Sa pizzinna paraluminada Tòkyo est sa boghe narrante chi cummentat sas diferentes dinàmicas de su fattu.
Durante s'acumprimentu de sos eventos, benint in divergentzias tra issos e sun a proa ad arruinare tota s'operatzione in manera costante. Finghende·si politziottos de sa Guàrdia Civil chi iscortan unu tir pienu de bobinas de pabilu pro dinari, sos cumponentes de sa bandha resessint a intrare in sa zecca de Istadu, in un' atzione coordinada dae s'esternu dae su Professore. Dae su momentu chi sos occupantes benint tentos, su mere de sa bandha (Berlino) pro evitare disamistades cun issos tottus, li narat dae subbitu chi non cherent fàgher male a nisciunu. Sa reclusione intro s'edifiitziu dia depper durare 10 dies, su tempus netzessàriu pro istampare sa summa determinada e fuire.
Sa politzia s'organitzat e mandat comente negotziadora s'ispetora Raquel Murillo, una fèmina determinada, mama de una pizzinna e cun una difìtzile situatzione personale. Totu paret protzedire comente pensadu dae su Professore, puru totu sas mossas pro cuntrastare sos tentativos de sa politzia de frimmare sa rapina, ma a unu tzertu puntu, nonostante s'accurada preparatzione, s'istòria cambiat de manera inaisettada, puru sas vidas de sos protagonistas, fintzas sa de s'ispetora Murillo, rischiende de arruinare sos pianos. Sa rapina andat bene e sa bandha fuet in isulas maravigliosas in grupos de duos, girende su mundu pro duos annos.
Sos membros de su gruppu torrana a si riunire cando Rio benit tentu dae sa politzia, e detzident de l'agiudare organizzende un'àtera rapina: custa bolta cheren furare s'oro de sa Banca de Ispagna. Custu pianu fit istadu pensadu 5 annos in antis dae Berlino e Martín, un'amigu sou chi partètzipat cun su nùmene de Palermo comente mere, bidu chi Berlino l'aiant mortu sas Iscuadras Ispetziales in sa Zecca. Sa bandha si reunit in una parte de unu monastèriu fora de Firenze e istùdiat pro circa 5 meses su piano nou e sos mètodos de cuntratatzione pro otènnere sa libertade de Rio, chi in su frattempus benit torturadu e interrogadu in unu logu cuadu. Intrana in sa bandha fintzas Marsìglia, militare meda animalista, e Bogotà, su mezus saldadore de su mundu.
Finghende·si sa VI Armada de sa I Cumpagnia BPAC de s'Esercitu Ispagnolu, bennidu pro garantire sa seguridade de s'edifitziu, dae chi mizas de dinari sunt istados bettados dae calchi dirigìbiles subra Madrid, causende unu caos generalizadu, sa bandha penetrat in sa sede centrale de Madrid de su Bancu de España, inue b'at protestas de su pòpulu in favore de sos rapinadores, sequestrende totu sas personas in su bancu. Arrivende fintzas a 48 metros sutta terra, sos rapinadores s'agatant addainanti a s'impedimentu printzipale a sa bona resessida de su pianu: s'oro e sas cascettas prenas de secretos de Istadu, chi sos rapinadores cherent impreare pro recattare sa forza pubblica, sunt cuadu intro una camera blindata chi, in casu de manomissione, s'allagat in pagos minutos. Ponzende una camera de decompressione e cun s'aggiudu de tutas de sub e bombulas de ossìgenu, sos rapinadores resessint a cumpletare sa missione. Bogotà e Nairobi incominzant subbitu sas operatziones pro fùndere sas 90 tonelladas de oro de sa Riserva Natzionale Ispagnola.
In su frattempus, su Professore e Lisbona (su paranùmene de s'ispetora Murillo), cuntrattant dae unu camper ipertecnològicu sa liberatzione de 40 preadus in càmbiu de Rio, negotziende cun sa disappiedada ispetora de sa Politzia Alicia Sierra, cussa chi at interrogadu e fattu torturare Rio, e cun su Coronellu Luís Tamajo, mere temporaneu de sos Servìtzios segretos de Ispagna, addelantadu a su Coronellu Alfonso Prieto, chi fit malàidu. Sa cuntrattatzione andat bene e s'iscàmbiu est a sas 8 de manzanu. In su frattempus, in su bancu Rio lassat Tòkyo, chi reagit coghende-si, e unu tiradori disparat a Nairobi, mentras abbaidat de una bentana su fizzu sou, battidu foras de su bancu dae Sierra.
Cutemporàneamente su Professore e Lisbona s'abbizzant d' èssere sighidos dae unu drone, ca calchi massajos, chi los aiant aggiudados a bessire dae su fangu in su camper, los aiant denuntziados a sa Guàrdia Civil. Issos duos abbandonant su veìculu e chircant de si cuare in unos àrbores, ma bi resessit solu su Professore. Lisbona si cuat in una fatoria accantu, ma benit agattada dae sos propietàrios e sa Politzia. Suárez, su mere de sas iscuadras, pro òrdine de Sierra, faghet finta de occhire Lisbona, pro fàghere crere a su Professore (connètidu a issa cun un'auricolare) chi siat morta e pro lu fagher arrendhere. Sergio, in su buscu, intimat gherra a s'Iistadu, ordinende a Palermo de si cumportare de cunseguèntzia. S'esercitu chirca de bintrare in su bancu cun unu blindato, ma benit frimmadu dae Rio e Tòkyo chi lanzat duos razos, chi destruent su veìculu.
Istajone | Parte | Episòdios | Prima TV Ispagna | Publicatzione Itàlia |
---|---|---|---|---|
Prima istajone | 1 | 13 (9 in Antena 3) | 2017 | 2017 |
2 | 9 (6 in Antena 3) | 2017 | 2018 | |
Segunda istajone | 3 | 8 | 2019 | 2019 |
4 | 8 | 2020 | 2020 |
Sa sèrie originale est istada trasmìtida dae s'emittente televisiva ispagnola Antena 3 dae su 2 maju a su 23 santandria 2017, dividida in duas partes: sos primos 9 episòdios in su beranu e sos ùrtimos 6 in atòngiu. In Itàlia, sa prima parte est disponìbile dae su 20 nadale 2017 in Netflix, mentras sa segunda dae su 6 abrile 2018. Su 19 trìulas 2019 est essida in sa prataforma de streaming sa terza parte, mentras sa quarta est essida su 3 abrile 2020. Su 28 ghennàrgiu 2020 est istadu cunfirmadu chi at a bènnere prodùida una terza istajone dividida, comente sas pretzedentes, in duas partes, sa quinta e sa sesta.
In orìgine sa prima istajone, dividida in duas partes, fiat formada dae 15 episòdios de 70-75 minutos ognunu; Netflix at da poi reduidu sa durada a 40-50 minutos, publichende gai unu totale de 22 episòdios (13 in sa prima parte e 9 in sa segunda).
This article uses material from the Wikipedia Sardu article La casa de papel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.