Claudia Aru: Cantadora e cantaudora sarda
Articulu in campidanesu
Claudia Aru (...) est una cantadora sarda. Cun sa scritura de cantzonis e mùsica e un'atividadi notàbbili de cuncertus tenit una carriera intensa chi at biu fintzas sa partecipatzioni a acuntessimentus in Osaka, Pechino e Shangai e sa collaboratzioni cun atrus artistas sardus de importu mannu.
| Claudia Aru | |
|---|---|
| Orìgine | Biddacidru, Sardigna |
| Gènere musicale | World Music Jazz Swing Country |
| Etichetas | nootempo Matriota productions |
| Artistas assotziados | Bentesoi Arrogalla Rossella Faa Elena Ledda Joe Perrino Sa Razza Don Leone Varijashree venugopal |
Biografia
A pustis de si laureai in s'Universidadi de Bologna in stòria de s'Arti, at bìviu de su 2002 a su 2005 in Barcellona, innui at studiau mùsica in sa scola "Taller de Musics". A pustis, at bìviu in New York e in Roma e est torrada in Sardìnnia in su 2008, innui at fundau su progetu Bentesoi, cun Arrogalla, chi at pubblicau duus Album, Tripland e Folk You. In su 2012 inghitzas sa carriera sua de solista pubblichendi s'album Aici cun s'eticheta Nootempo chi iat giai prodùsiu is album de is Bentesoi. S'album bessit a pustis de su sìngulu omònimu e in paris cun un'atru sìngulu, Burdu bu. Totus is testus de s'album funt scritus de issa etotu e sa mùsica est cumposta in collaboratzioni cun Marcello Pilleri chi sonat sa ghitarra e su banjo e cun Matteo Marongiu a su contrabbassu. In su 2013 bessit su segundu album, A giru a giru.
In su 2015 bessit su sìngulu Su Tasinanta, sighiu de s'album Momoti, chi pigat su nòmini de sa criadura de fantasia de s'immaginàriu sardu e chi unas cantas pubblicatzionis ant definiu cummenti s'album de sa maduresa de s'artista. In su mesi de ladàmini de su pròpiu annu, bincit su Prèmiu Andrea Parodi po sa mellus interpretatzioni.
In su 2016 at cantau cun su grupu suu in Osaka, Giaponi, in un'acuntessimentu organizau de s'Istituto Italiano di Cultura. S'ocasioni dd'at ispirau sa creatzioni de su vìdeu po sa cantzoni Oi mi scidu chitzi, bessiu in su 2017. Sèmpiri in su 2016 est stètia candidada a sa Targa Tenco.
In su 2019 pubblicat s'album Aru, innui contat cun ironia e crìtica su mundu de provìntzia.
In s'interis de sa Pandemia de COVID-19, cun s'impossibilidadi de fai cuncertus nous, abarrat ativa in lìnia publichendi su sìngulu Arrò du Covid e ghetendi s'idea de cumpartzi òperas de artistas sardus me is arretzas sotzialis cun s'hashtag #adottaunartistasardo comenti sinnu de solidariedadi in su momentu de dificultadi.
Discografia
Album
- 2008 - Tripland, cun is Bentesoi
- 2010 - Folk you!, cun is Bentesoi
- 2012 - Aici
- 2013 - A giru a giru
- 2015 - Momoti
- 2019 - Aru
Sìngulus
- 2012 - Aici
- 2012 - Burdu Bu
- 2015 - Su Tasinanta
- 2016 - La canzone dell'estate
- 2017 - Oi mi scidu chitzi
- 2019 - BHGAI
- 2020 - Arrò du Covid
- 2021 - T'agatu
Riferimentus
Acàpius esternus
- Pàgina de Facebook ufitziali de Claudia Aru, in facebook.com.
| Controllu de autoridade | MusicBrainz 7e2d796b-fad5-4fa9-bf8e-f211bf8ced4b |
|---|
This article uses material from the Wikipedia Sardu article Claudia Aru, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.