Iscritore

Un'iscritore est calesi siat creet unu traballu iscritu, cando chi sa paràula designet in manera usuale cussos chi iscrient pro professione, e chi iscriet in diversas formas e ghèneros belle codificados. Àbiles iscritores podent impreare su limbàgiu (narrativu o nono) pro espressare ideas e immàgines.

Un'iscritore podet assentare in medas diferentes maneras intra de sas cales poesia, prosa o mùsica. De cunsighèntzia, un'iscritore podet èssere classificadu comente a poeta, romanziere, paroliere, commediògrafu, giornalista etc.

S'iscritura, cumprèndida comente a traballu e faina, pro funtzionare si depet basare in unu limbàgiu, issu matessi basadu in unu còdighe gràficu, chi podet èssere ideogrammaticu, est a nàrrere chi rapresentat in manera gràfica sas ideas o fonograficu, est a nàrrere chi riproduit sos sonos de una limba, tràmite un'alfabetu.

De sas iscritziones preistòricas in sas cales si contaiant petzi sas propiedades, a sas imbenientes iscrituras pro cuneos, finas sos manuscritos e a sos datiliscritos, cun s'isvilupu de sas màchinas e de sos elaboradores de paràulas subra ischermu e a sas vàrias iscrituras artifitziales, parallela cun s'istòria de s'iscritura, s'acumprit un'istòria de sos "trastos" impreados pro iscrìere, e de sos "suportos" chi permitent una cunservatzione issoro belle longa.

De su puntu de bista narrativu, s'istòria prus antiga agatada fintzas a como est s'Epopea de Gilgamesh, chi torrat a artziare a su de tres millènnios in antis de Cristu, o si si bolet abarrare in àmbitu otzidentale, cun probabilidade su Libru de sos mortos de s'antigu Egitu.