ᱥᱤᱞᱵᱷᱳᱨᱤᱱ ᱥᱣᱮᱨ
ᱥᱤᱞᱵᱷᱚᱨᱤᱱ ᱥᱣᱮᱨ (᱑᱙᱑᱐–᱒᱐᱑᱔), ᱠᱚᱝᱜ ᱥᱤᱞ (ᱠᱷᱟᱥᱤ ᱯᱟᱹᱨᱥᱤ ᱛᱮ ᱠᱚᱝ ᱨᱮᱱᱟᱜ ᱱᱮᱵᱮᱛ ᱫᱚ ᱫᱟᱹᱭ) ᱢᱮᱱᱛᱮᱫ ᱦᱚᱸ ᱵᱟᱹᱲᱛᱤ ᱦᱚᱲ ᱠᱚ ᱵᱟᱰᱟᱭ ᱦᱟᱠᱟᱫᱮᱭᱟ ᱾ ᱞᱟᱭᱚᱝᱟᱱ/ᱥᱟᱪᱟᱨᱮᱦ,ᱥᱮᱪᱮᱫ ᱟᱨ ᱫᱤᱥᱩᱣᱟᱠᱚ ᱞᱟᱹᱜᱤᱫ ᱦᱩᱞᱟᱜᱟᱨᱤᱭᱟᱭ ᱛᱟᱦᱮᱸ ᱠᱟᱱᱟᱭ ᱾ ᱢᱮᱜᱷᱟᱞᱚᱭ, ᱥᱚᱨᱠᱟᱨᱼᱟ ᱞᱟᱹᱴᱩ ᱢᱟᱪᱤ ᱨᱮ ᱫᱩᱲᱩᱵ ᱦᱟᱠᱟᱱ ᱯᱩᱭᱞᱩ ᱟᱹᱫᱤᱵᱟᱥᱤ ᱠᱟᱱᱟ ᱠᱤᱱ ᱵᱷᱟᱨᱚᱛ ᱥᱠᱟᱩᱴ ᱟᱨ ᱜᱟᱭᱤᱰᱥ ᱨᱮᱱᱟᱜ ᱥᱤᱞᱵᱷᱚᱨ ᱮᱞᱮᱯᱷᱟᱱᱴ ᱢᱮᱰᱟᱞ ᱟᱨ ᱠᱟᱭᱥᱟᱨ ᱼᱤᱼᱦᱤᱱᱫ ᱢᱮᱰᱟᱞ ᱟᱢᱮᱴᱤᱭᱟ ᱠᱟᱱᱟᱭ ᱾ ᱑᱙᱙᱐ ᱥᱟᱞ ᱨᱮ ᱥᱤᱧᱚᱛ ᱨᱤᱱᱤᱡ ᱥᱚᱨᱠᱟᱨ ᱯᱚᱫᱬᱚᱥ ᱯᱚᱫᱽᱢᱚᱥᱷᱨᱤ ᱢᱟᱱ ᱥᱟᱨᱦᱟᱣ ᱠᱤᱱ ᱪᱟᱞ ᱦᱟᱫᱮ ᱛᱟᱦᱮᱸᱫ ᱾ ᱢᱮᱜᱷᱟᱞᱚᱭ.
ᱜᱷᱚᱱ ᱱᱚᱣᱟ ᱢᱟᱱ ᱟᱡ ᱜᱮ ᱯᱩᱭᱞᱩᱛᱮ ᱧᱟᱢ ᱦᱟᱠᱟᱫ ᱟᱭ ᱾
| ᱥᱤᱞᱵᱷᱳᱨᱤᱱ ᱥᱮᱣᱨ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱒ ᱱᱚᱵᱷᱮᱢᱵᱚᱨ ᱑᱙᱙᱐ ᱥᱤᱞᱚᱝ, ᱥᱟᱢᱟᱝ ᱵᱮᱸᱜᱚᱞ ᱟᱨ ᱟᱥᱟᱢ, ᱥᱤᱧᱚᱛ |
| ᱜᱩᱨ | ᱑ ᱯᱷᱮᱵᱨᱩᱣᱟᱨᱤ ᱒᱐᱑᱔ ᱨᱤᱭᱟᱛᱥᱢᱤᱛᱷᱤᱭᱟ, ᱥᱤᱞᱚᱝ, ᱢᱮᱜᱷᱟᱞᱚᱭᱚ, ᱥᱤᱧᱚᱛ |
| ᱵᱟᱭ ᱴᱷᱟᱶ | ᱢᱚᱣᱠᱷᱟᱨ ᱯᱨᱮᱥᱵᱭᱴᱮᱨᱤᱭᱟᱱ ᱪᱚᱨᱪ ᱥᱤᱢᱮᱴᱨᱤ 25°34′47″N 91°52′38″E / 25.57972°N 91.87722°E |
| ᱠᱟᱹᱢᱤ | ᱥᱟᱶᱛᱟ ᱥᱩᱥᱟᱹᱨᱤᱭᱟ ᱥᱮᱪᱮᱫᱤᱭᱟᱹ ᱫᱤᱥᱣᱟᱹ ᱥᱩᱥᱟᱹᱨᱤᱭᱟᱹ |
| ᱥᱤᱨᱯᱷᱟᱹ | ᱯᱚᱫᱽᱢᱚᱥᱷᱨᱤ ᱯᱟᱴᱳᱜᱟᱸ ᱥᱚᱸᱜᱚᱢ ᱥᱤᱨᱯᱟᱹ ᱵᱷᱟᱨᱚᱛ ᱥᱠᱟᱣᱴ ᱟᱨ ᱜᱟᱭᱤᱰ ᱦᱟᱜ ᱥᱤᱞᱵᱷᱚᱨ ᱮᱞᱤᱯᱷᱟᱱᱴ ᱢᱮᱰᱟᱞ ᱠᱚᱭᱥᱟᱨ ᱤ ᱦᱤᱱᱫ ᱟᱨ ᱡᱤ ᱵᱩᱨᱩᱦᱟ ᱥᱢᱨᱩᱛᱤ ᱨᱚᱠᱷᱭᱟ ᱥᱚᱢᱤᱛᱤ |
ᱡᱤᱭᱚᱱ
ᱥᱤᱞᱵᱷᱚᱨᱤᱱ ᱥᱣᱮᱨ ᱥᱤᱞᱚ ᱑᱙᱑᱐ ᱥᱟᱞ ᱱᱚᱵᱷᱮᱢᱵᱚᱨ ᱮᱛᱚᱢ ᱥᱤᱧᱚᱛ ᱯᱚᱱᱚᱛ ᱢᱮᱜᱷᱟᱞᱚᱭ.ᱨᱮᱱᱟᱜ ᱨᱟᱡᱜᱟᱲ ᱥᱤᱞᱚᱝ ᱨᱮᱱᱟᱜ ᱢᱤᱫ ᱠᱤᱨᱤᱚᱥᱛᱟᱱ ᱠᱷᱟᱥᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱣᱮᱞᱥ ᱢᱤᱥᱚᱱ ᱜᱟᱨᱞᱥ ᱥᱠᱩᱞ ,ᱥᱤᱞᱚᱝ ᱜᱷᱚᱱ ᱢᱮᱴᱤᱨᱠᱼᱮ ᱯᱟᱥ ᱠᱮᱫ ᱛᱟᱭᱚᱢ ᱑᱙᱓᱒ ᱥᱟᱞ ᱨᱮ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱛᱟᱹᱨᱤ ᱨᱮ ᱢᱮᱱᱟᱜ ᱥᱠᱳᱛᱤᱥ ᱪᱚᱨᱪ ᱠᱚᱞᱮᱡᱽ ᱜᱷᱚᱱ ᱜᱨᱟᱡᱩᱭᱮᱥᱚᱱ ᱮ ᱯᱟᱥ ᱠᱮᱫᱼᱟ , ᱟᱨ ᱚᱱᱰᱮ ᱠᱷᱚᱱᱜᱮ ᱑᱙᱓᱖ ᱥᱟᱞ ᱨᱮ ᱥᱮᱪᱮᱫ (BT) ᱨᱮ ᱰᱤᱜᱨᱤ ᱞᱟᱹᱜᱤᱫ ᱮ ᱛᱟᱦᱮᱸ ᱮᱱᱟᱭ . ᱡᱟᱦᱟᱸ ᱠᱷᱚᱱ ᱟᱡᱟᱜ ᱯᱚᱲᱟᱦᱟᱣ ᱡᱤᱭᱤᱱ ᱮᱛᱚᱦᱚᱵ ᱞᱮᱱ ᱛᱟᱦᱮᱸᱫ ᱚᱱᱟ ᱣᱮᱞᱥ ᱢᱤᱥᱚᱱ ᱜᱟᱨᱞᱥ ᱦᱟᱭᱤᱥᱠᱩᱞ ᱠᱷᱚᱱ ᱜᱮ ᱟᱡᱽ ᱑᱙᱓᱗ ᱥᱟᱞᱨᱮ ᱟᱡᱟᱜ ᱪᱟᱹᱠᱨᱤ ᱡᱤᱭᱚᱱ ᱮ ᱮᱛᱳᱦᱚᱵ ᱠᱮᱫᱼᱟ ᱾ ᱢᱤᱫ ᱥᱮᱨᱢᱟ ᱛᱟᱭᱚᱢ ᱟᱡ ᱑᱙᱓᱘ ᱨᱮ ᱜᱟᱨᱞᱥ ᱜᱟᱭᱤᱰᱥ ᱢᱩᱵᱷᱢᱮᱱᱴ ᱨᱤᱱᱤᱡ ᱪᱮᱪᱮᱫᱤᱭᱟ/ᱫᱤᱥᱟᱹ ᱮᱢᱚᱜᱤᱡ ᱞᱮᱠᱟ ᱛᱮᱠᱚ ᱵᱟᱦᱟᱞ ᱠᱮᱫᱮᱭᱟ , ᱟᱡᱟᱜ ᱛᱟᱹᱨᱤ ᱨᱮ ᱵᱨᱤᱴᱤᱥ ᱥᱤᱧᱚᱛ ᱨᱮᱱᱟᱜ ᱟᱥᱟᱢ, ᱢᱤᱡᱳᱨᱚᱢ, ᱥᱟᱢᱟᱝ ᱯᱟᱠᱤᱥᱛᱟᱱ (ᱱᱤᱛᱚᱜᱼᱟ ᱵᱟᱝᱞᱟᱫᱮᱥ) ᱛᱟᱦᱮᱸᱠᱟᱱᱟ.
᱑᱙᱔᱔ ᱥᱟᱞ ᱨᱮ ᱵᱨᱤᱴᱤᱥ ᱥᱤᱧᱚᱛ ᱥᱚᱨᱠᱟᱨ ᱛᱟᱹᱨᱤ ᱨᱮ ᱥᱣᱮᱨ ᱟᱥᱤᱥᱴᱟᱱᱴ ᱠᱳᱱᱴᱨᱳᱞᱚᱨ ᱚᱯᱷ ᱨᱮᱥᱚᱱᱤᱝ ᱞᱮᱠᱟᱛᱮᱠᱚ ᱵᱟᱦᱟᱞ ᱠᱮᱫᱮᱭᱟ ᱾ ᱚᱱᱟ ᱴᱷᱟᱶ ᱨᱮ ᱟᱡ ᱑᱙᱔᱙ ᱥᱟᱞ ᱫᱷᱟᱹᱵᱤᱡ ᱮ ᱛᱟᱦᱮᱸ ᱮᱱᱟ ᱾ ᱑᱙᱔᱙ ᱨᱮ ᱚᱱᱰᱮ ᱨᱤᱡᱟᱭᱤᱱ ᱮᱢ ᱠᱟᱛᱮᱫ ᱥᱤᱞᱚᱝ ᱨᱮᱱᱟᱜ ᱯᱟᱭᱤᱱ ᱢᱟᱶᱱᱴ ᱥᱠᱩᱞ ᱨᱮ ᱢᱟᱪᱮᱛᱟᱹᱱᱤ ᱞᱟᱹᱜᱤᱫ ᱮ ᱨᱤᱠᱟᱹ ᱠᱮᱫᱼᱟ ᱾ ᱚᱱᱟ ᱥᱠᱩᱞ ᱨᱮ ᱟᱡ ᱯᱮ ᱥᱮᱨᱢᱟ ᱞᱟᱹᱜᱤᱫ ᱮ ᱛᱟᱦᱮᱸ ᱮᱱᱟᱭ , ᱚᱱᱰᱮ ᱛᱟᱦᱮᱸᱱ ᱵᱮᱲᱟ ᱨᱮ ᱮᱱ ᱠᱮ ᱨᱩᱥᱛᱳᱢᱡᱤ ᱥᱟᱞᱟᱜ ᱮ ᱧᱟᱯᱟᱢ ᱮᱱᱟ ,ᱡᱟᱦᱟᱸᱭ ᱫᱚ ᱨᱟᱡᱭᱚᱯᱟᱲ ᱴᱷᱮᱫ ᱱᱮᱯᱷᱟ(NEFAᱼ North East Frontier Agency) ᱨᱤᱱᱤᱡ ᱫᱤᱥᱟᱹ ᱩᱫᱩᱜᱤᱡ ᱞᱮᱠᱟᱭ ᱛᱟᱦᱮᱸ ᱠᱟᱱᱟᱭ ᱟᱡ ᱥᱣᱮᱨ ᱯᱟᱥᱤᱜᱷᱟᱴ ᱨᱮ ᱢᱮᱱᱟᱜ ᱱᱮᱯᱷᱟ ᱟᱢᱟᱹᱞᱤ ᱨᱮ ᱪᱷᱤᱯᱷ ᱥᱳᱥᱤᱭᱟᱞ ᱮᱡᱩᱠᱮᱥᱚᱱ ᱳᱯᱷᱤᱥᱚᱨ ᱨᱮᱱᱟᱜ ᱵᱷᱟᱹᱨᱤᱭᱟᱹ ᱜᱚᱜ ᱞᱟᱹᱜᱤᱫᱼᱮ ᱢᱮᱛᱟ ᱦᱟᱫᱮ ᱭᱟ ᱿ ᱑᱙᱕᱒ᱼ᱑᱙᱖᱘ ᱫᱷᱟᱵᱤᱡ ᱱᱮᱯᱷᱟ ᱨᱮ ᱥᱮᱨ ᱮ ᱛᱟᱦᱮᱸ ᱮᱱᱟᱭ ᱾ ᱚᱱᱟ ᱥᱮᱨᱢᱟ ᱵᱟᱨ ᱥᱮᱨᱢᱟ ᱞᱟᱹᱜᱤᱫ ᱟᱡᱟᱜ ᱡᱟᱱᱟᱢ ᱫᱤᱥᱚᱢ ᱮ ᱦᱮᱡ ᱮᱱᱟ ᱡᱟᱦᱟᱸ ᱨᱮ ᱟᱡ ᱢᱳᱨᱟᱞ ᱨᱮᱼᱟᱨᱢᱟᱢᱮᱱᱴ (MRA) ᱦᱟᱜ ᱜᱩᱰ ᱣᱤᱞ ᱢᱚᱵᱷᱢᱮᱱᱴ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱗᱐ ᱥᱟᱞ ᱨᱮ ᱥᱣᱮᱰᱮᱱ ᱥᱟᱸᱜᱷᱟᱨ ᱮ ᱪᱟᱞᱟᱣ ᱞᱮᱱᱟ ᱟᱡᱟᱜ ᱢᱩᱪᱟᱹᱫ ᱠᱟᱢᱤ ᱦᱚᱨᱟ ᱚᱠᱛᱚ ᱨᱮ ᱢᱮᱜᱷᱟᱞᱚᱭ ᱯᱚᱱᱚᱛ ᱨᱮᱱᱟᱜ ᱛᱤᱨᱞᱟᱹ ᱞᱟᱹᱜᱤᱫ ᱡᱮᱜᱮᱛᱟᱹᱨᱤ ᱥᱮᱨᱢᱟ ᱟᱨ ᱥᱟᱶᱛᱟ ᱫᱤᱥ ᱦᱩᱫᱤᱥ ᱵᱳᱨᱰ ᱨᱤᱱᱤᱡᱽ ᱪᱟᱭᱨᱮᱛ ᱮ ᱛᱟᱦᱮᱸ ᱞᱮᱱᱟ , ᱚᱱᱟ ᱥᱣᱶ ᱥᱴᱮᱴ ᱜᱟᱭᱤᱰᱥ ᱢᱩᱵᱷᱢᱮᱱᱴ ᱨᱤᱱᱤᱡ ᱠᱚᱢᱤᱥᱱᱚᱨ, ᱮᱛᱚᱢ ᱥᱟᱢᱟᱝ ᱦᱤᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱮᱠᱡᱩᱠᱩᱴᱤᱵᱷ ᱞᱮᱠᱟ ᱦᱚᱸᱭ ᱛᱟᱦᱮᱸ ᱠᱟᱱᱟᱭ ᱿
ᱥᱤᱨᱯᱟᱹ ᱟᱨ ᱥᱟᱨᱦᱟᱣ
- ᱑᱙᱔᱐ ᱨᱮ ᱵᱨᱤᱴᱤᱥ ᱥᱚᱨᱠᱟᱨ ᱯᱟᱦᱟᱴᱟ ᱠᱷᱚᱱ ᱠᱟᱭᱥᱮᱨᱼ ᱤᱼᱦᱤᱱᱫ ᱥᱤᱨᱯᱟ
- ᱑᱙᱗᱖ ᱨᱮ ᱵᱷᱟᱨᱚᱛ ᱥᱠᱟᱣᱴᱥ ᱟᱨ ᱜᱟᱭᱤᱰ ᱯᱟᱦᱴᱟ ᱠᱷᱚᱱ ᱥᱤᱞᱵᱷᱚᱨ ᱮᱞᱤᱯᱷᱟᱱᱴ ᱢᱮᱰᱟᱞ
- ᱥᱟᱶᱛᱟ ᱥᱩᱥᱟᱨ ᱞᱟᱜᱤᱫ ᱯᱟᱴᱳᱜᱟᱸ ᱥᱚᱱᱜᱚᱢ ᱥᱤᱨᱯᱟᱹ ᱟᱨ ᱥᱢᱩᱨᱩᱛᱤ ᱨᱚᱠᱷᱭᱟ ᱥᱚᱢᱤᱛᱤ ᱥᱤᱨᱯᱟᱹ
- ᱑᱙᱙᱐ ᱥᱟᱞ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚᱥᱷᱨᱤ
ᱱᱚᱣᱟ ᱦᱚᱸ ᱧᱮᱞ ᱢᱮ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱥᱤᱞᱵᱷᱳᱨᱤᱱ ᱥᱣᱮᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.