ᱟᱨᱚᱵᱤᱠ ᱦᱚᱨᱚᱯ
ᱟᱨᱚᱵᱤᱠ ᱦᱚᱨᱚᱯ ᱫᱚ ᱢᱤᱫ ᱚᱵᱽᱡᱚᱰᱽ ᱠᱟᱱᱟ, ᱡᱟᱦᱟᱸ ᱫᱚ ᱛᱟᱞᱟᱼᱥᱟᱢᱟᱝ(ᱢᱤᱰᱤᱞ ᱤᱥᱴ) ᱨᱮᱱᱟᱜ ᱛᱤᱢᱤᱱ ᱜᱟᱱ ᱯᱟᱹᱨᱥᱤ ᱠᱚ ᱚᱞ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ ᱾ ᱟᱨᱚᱵᱤᱠ ᱦᱚᱨᱚᱯ ᱵᱮᱵᱷᱟᱨᱚᱜ ᱠᱟᱱ ᱯᱟᱹᱨᱥᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱟᱨᱚᱵᱤᱠ ᱯᱟᱹᱨᱥᱤ, ᱯᱚᱨᱥᱤᱭᱟᱱ, ᱯᱟᱛᱷᱚ ᱟᱨ ᱩᱨᱫᱩ ᱯᱟᱹᱨᱥᱤ ᱮᱢᱟᱱ ᱠᱚ ᱾ ᱟᱠᱚᱣᱟᱜ ᱯᱟᱹᱨᱥᱤ ᱯᱩᱥᱴᱟᱣ ᱞᱟᱹᱜᱤᱫ ᱚᱱᱟ ᱠᱚ ᱱᱟᱥᱮ ᱠᱚ ᱵᱚᱫᱚᱞ ᱟᱠᱟᱫᱼᱟ ᱾ ᱟᱨᱚᱵᱤᱠ ᱦᱚᱨᱚᱯ ᱫᱚ ᱡᱮᱜᱮᱛ ᱨᱮᱱᱟᱜ ᱛᱮᱥᱟᱨ ᱵᱟᱹᱲᱛᱤ ᱵᱮᱵᱷᱟᱨᱚᱜ ᱠᱟᱱᱟᱜ ᱦᱚᱨᱚᱯ ᱠᱟᱱᱟ ᱾ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱫᱚ ᱞᱟᱴᱤᱱ ᱦᱚᱨᱚᱯ ᱟᱨ ᱚᱱᱟ ᱛᱟᱭᱚᱢ ᱪᱟᱭᱱᱤᱡᱽ ᱦᱚᱨᱚᱯ ᱡᱮᱜᱮᱛ ᱨᱮᱵᱟᱹᱲᱛᱤ ᱵᱮᱵᱷᱟᱨᱚᱜ ᱠᱟᱱᱟ ᱾
| غ | ظ | ض | ذ | خ | ث | ت | ش | ر | ق | ص | ف | ع | س | ن | م | ل | ك | ي | ط | ح | ز | و | ه | د | ج | ب | ا |
| gh | ẓ | ḍ | dh | kh | th | t | sh | r | q | ṣ | f | ‘ | s | n | m | l | k | y | ṭ | ḥ | z | w | h | d | j | b | ā |
| 28 | 27 | 26 | 25 | 24 | 23 | 22 | 21 | 20 | 19 | 18 | 17 | 16 | 15 | 14 | 13 | 12 | 11 | 10 | 09 | 08 | 07 | 06 | 05 | 04 | 03 | 02 | 01 |
ᱵᱟᱨᱯᱚᱫᱽ
ᱱᱚᱶᱟ ᱦᱚᱨᱚᱯ ᱫᱚ ᱡᱚᱡᱚᱢ ᱠᱷᱚᱱ ᱞᱮᱸᱜᱟ ᱥᱮᱫ ᱠᱚ ᱚᱞ ᱟᱹᱜᱩᱭᱟ ᱾ ᱡᱚᱠᱷᱚᱱ ᱱᱚᱶᱟ ᱛᱮ ᱟᱨᱚᱵᱤᱠ ᱯᱟᱹᱨᱥᱤ ᱠᱚ ᱚᱞ ᱮᱫᱼᱟ, ᱩᱱ ᱡᱚᱦᱚᱜ ᱫᱚ ᱒᱘ ᱜᱚᱴᱟᱝ ᱵᱦᱜᱮᱜᱟᱨ ᱵᱷᱮᱜᱟᱨ ᱪᱤᱠᱤ ᱠᱚ ᱛᱟᱦᱮᱸᱱᱟ ᱾ ᱚᱵᱽᱡᱚᱫᱽ ᱨᱮ ᱫᱚ ᱥᱩᱢᱩᱝ ᱠᱮᱪᱮᱫ ᱟᱲᱟᱝ ᱪᱤᱠᱤ ᱜᱮ ᱠᱚ ᱵᱮᱵᱷᱟᱨᱚᱜᱼᱟ ᱾ ᱵᱟᱹᱲᱛᱤ ᱚᱠᱛᱚ ᱨᱮ ᱨᱟᱦᱟ ᱟᱲᱟᱝ(Vowels) ᱫᱚ ᱠᱚ ᱪᱷᱟᱱᱚᱜᱼᱟ ᱾ ᱟᱨᱚᱵᱤᱠ ᱦᱚᱨᱚᱯ ᱫᱚ ᱩᱥᱟᱹᱨᱟ (cursive) ᱦᱚᱨᱚᱯ ᱠᱟᱱᱟ, ᱢᱮᱱᱫᱚ ᱢᱤᱫ ᱟᱹᱲᱟᱹ ᱨᱤᱱ ᱪᱤᱠᱤ ᱠᱚᱫᱚ ᱵᱷᱤᱲᱟᱹᱣ ᱵᱷᱤᱲᱟᱹᱣ ᱜᱮ ᱠᱚ ᱚᱞᱚᱜᱼᱟ ᱛᱤ ᱛᱮ ᱚᱞ ᱡᱚᱠᱷᱟᱜ ᱦᱚᱸ ᱟᱨ ᱪᱷᱟᱯᱟ ᱚᱞ ᱡᱚᱠᱷᱟᱜ ᱦᱚᱸ ᱾ ᱡᱚᱛᱚ ᱪᱤᱠᱤ ᱨᱮᱱᱟᱝ ᱜᱮ ᱯᱩᱱ ᱜᱚᱴᱟᱝ ᱜᱩᱱ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱜᱩᱱ ᱫᱚ ᱢᱟᱲᱟᱝ ᱪᱤᱠᱤ ᱟᱨ ᱛᱟᱭᱚᱢ ᱨᱮᱱᱟᱜ ᱪᱤᱠᱤ ᱞᱮᱠᱟᱛᱮ ᱵᱚᱫᱚᱞᱚᱜᱼᱟ ᱾
ᱟᱨᱚᱵᱤᱠ ᱮᱞᱮᱞ ᱠᱚ
ᱟᱨᱚᱵᱤᱠ ᱦᱚᱨᱚᱯ ᱠᱚ ᱫᱚ ᱮᱞ ᱞᱮᱠᱟᱛᱮ ᱦᱚᱸ ᱠᱚ ᱵᱮᱵᱷᱟᱨᱚᱜ ᱜᱮᱭᱟ ᱾ ᱱᱚᱝᱠᱟ ᱫᱚ ᱛᱟᱞᱟ ᱡᱩᱜᱽ ᱨᱮ ᱟᱹᱰᱤ ᱛᱮᱫ ᱧᱮᱞᱚᱜ ᱠᱟᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱮᱛᱟᱨ ᱫᱚ ᱚᱱᱠᱟ ᱵᱟᱝᱟ ᱾ ᱱᱮᱛᱟᱨ ᱫᱚ ᱵᱟᱹᱲᱛᱤ ᱠᱟᱛᱮ ᱞᱟᱴᱤᱱ ᱮᱞᱮᱞ ᱠᱚ ᱜᱮ ᱠᱚ ᱵᱮᱵᱷᱟᱨᱮᱫ ᱠᱚᱣᱟ ᱾
ᱡᱚᱠᱷᱚᱱ ᱦᱚᱨᱚᱯ ᱫᱚ ᱮᱞ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ, ᱪᱤᱠᱤ أ ᱫᱚ ᱑ ᱠᱟᱱᱟᱭ, ب ᱫᱚ ᱒, ج ᱫᱚ ᱓ ᱮᱢᱟᱱ ᱮᱢᱟᱱ ᱚᱞᱚᱜᱼᱟ ᱾ ᱚᱱᱠᱟ ᱜᱮ ي yāʼ = 10, ك kāf = 20, ل lām = 30, …, ر rāʼ = 200, …, غ ġayn = 1000 ᱮᱢᱟᱱ ᱞᱮᱠᱟ ᱦᱩᱭᱩᱜᱼᱟ ᱾
| ᱮᱞᱮᱞᱠᱚ | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 30 | 40 | 50 | 60 | 70 | 80 | 90 | 100 | 200 | 300 | 400 | 500 | 600 | 700 | 800 | 900 |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ᱨᱟᱭ ᱑ | أ | ب | جـ | د | ه | و | ز | حـ | ط | ي | يا | يب | يجـ | يد | يه | يو | يز | يحـ | يط | ک | ل | م | ن | س | ع | ف | ص | ق | ر | ش | ت | ث | خ | ذ | ض | ظ |
| ᱚᱱᱟ ᱛᱟᱭᱚᱢ | ا | ٮ | حـ | د | ه | و | ر | ح | ط | ے | ىا | ىٮ | ىحـ | ىد | ىه | ىو | ىر | ىح | ىط | ک | ل | مـ | ن | س | ع | ف | ص | ق | ر | ش | ت | ث | خ | ذ | ض | ظ |
ᱱᱟᱜᱟᱢ
ᱤᱥᱞᱟᱢ ᱦᱚᱲ ᱠᱚ ᱛᱟᱞᱟ ᱥᱟᱢᱟᱝ, ᱮᱛᱚᱢ ᱟᱯᱷᱨᱤᱠᱟ ᱟᱨ ᱮᱥᱤᱭᱟ ᱮᱢᱟᱱ ᱠᱚᱨᱮ ᱠᱚ ᱯᱟᱥᱱᱟᱣᱮᱱ ᱛᱟᱭᱚᱢ ᱟᱨᱚᱵᱤᱠ ᱯᱟᱹᱨᱥᱤ ᱦᱚᱸ ᱚᱱᱠᱟ ᱜᱮ ᱯᱟᱥᱱᱟᱣ ᱤᱫᱤᱭᱮᱱᱟ ᱾ ᱤᱥᱞᱟᱢ ᱫᱷᱚᱨᱚᱢ ᱯᱟᱧᱡᱟᱭᱮᱫ ᱦᱚᱲ ᱠᱚ ᱱᱚᱶᱟ ᱪᱮᱫ ᱦᱩᱭ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱟᱨᱚᱵᱤᱠ ᱯᱟᱹᱨᱥᱤ ᱫᱚ ᱢᱩᱥᱞᱤᱢ ᱠᱚᱣᱟᱜ ᱨᱟᱭᱨᱤᱛ ᱡᱮᱢᱚᱱ ᱚᱦᱬᱮ ᱟᱨ ᱟᱪᱟᱨ ᱵᱮᱵᱷᱟᱨ ᱨᱮ ᱵᱮᱦᱟᱨᱚᱜ ᱠᱟᱱᱟ ᱾ ᱤᱥᱞᱟᱢ ᱯᱟᱹᱨᱥᱤ ᱯᱟᱥᱱᱟᱣᱮᱱ ᱛᱟᱭᱚᱢ ᱟᱨᱚᱵᱤᱠ ᱦᱚᱨᱚ ᱛᱮ ᱠᱳᱨᱟᱱ ᱫᱚ ᱠᱚ ᱚᱞ ᱠᱮᱫᱼᱟ ᱾ ᱟᱨᱚᱵᱤᱠ ᱦᱚᱨᱚᱯ ᱯᱟᱦᱞᱟᱵᱤ ᱚᱞ ᱛᱚᱦᱚᱨ ᱮ ᱚᱪᱚᱜ ᱠᱮᱫᱼᱟ ᱡᱤᱛᱠᱟᱹᱨ ᱯᱚᱨᱥᱤᱭᱟ ᱠᱷᱚᱱ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱟᱨᱚᱵᱤᱠ ᱦᱚᱨᱚᱯ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.