ᱚᱠᱠᱤᱱᱮᱱᱤ ᱱᱟᱜᱟᱨᱡᱩᱱ
ᱚᱠᱠᱤᱱᱮᱱᱤ ᱱᱟᱜᱟᱨᱡᱩᱱ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱨᱤᱱᱤᱡ ᱢᱤᱫ ᱯᱟᱯᱟᱴᱤᱭᱟᱹ (actor), ᱯᱨᱚᱰᱩᱥᱚᱨ (producer) ᱟᱨ ᱴᱤᱵᱷᱤ ᱨᱤᱯᱨᱮᱥᱮᱱᱴᱮᱴᱤᱵᱽ (representative) ᱠᱟᱱᱟᱭ ᱾ ᱱᱩᱭ ᱫᱚ ᱵᱟᱹᱲᱛᱤ ᱠᱟᱛᱮ ᱛᱮᱞᱩᱜᱩ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱼᱟᱭ ᱾ ᱢᱮᱱᱠᱷᱟᱱ ᱱᱤᱛ ᱦᱟᱹᱵᱤᱡ ᱩᱱᱤ ᱫᱚ ᱙᱐ ᱜᱚᱴᱟᱝ ᱠᱷᱚᱱ ᱵᱟᱹᱲᱛᱤ ᱦᱤᱱᱫᱤ, ᱛᱟᱢᱤᱞ ᱟᱨ ᱛᱮᱞᱩᱜᱩ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱼᱟᱭ ᱾ ᱩᱱᱤ ᱫᱚ ᱙ ᱜᱚᱴᱟᱝ ᱯᱚᱱᱚᱛ ᱱᱚᱱᱫᱤ ᱥᱤᱨᱯᱷᱟᱹ, ᱓ ᱜᱚᱴᱟᱝ ᱠᱚᱧᱮ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱷᱟᱹ ᱟᱨ ᱢᱤᱫᱴᱟᱹᱝ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱮ ᱧᱟᱢ ᱟᱠᱟᱫᱼᱟ ᱾ ᱑᱙᱙᱖ ᱨᱮ ᱩᱪᱷᱟᱹᱱ ᱞᱮᱱ ᱱᱟᱜᱟᱨᱡᱩᱱᱟᱜ ᱯᱨᱚᱰᱚᱠᱥᱚᱱ ᱦᱚᱛᱮᱛᱮ ᱵᱮᱱᱟᱣ ᱞᱮᱱ ᱱᱤᱱᱱᱮ ᱯᱮᱞᱞᱟᱫᱟᱛᱟ ᱯᱷᱤᱞᱢ ᱫᱚ ᱚᱱᱟ ᱥᱮᱨᱢᱟ ᱨᱮᱱᱟᱜ ᱥᱚᱨᱮᱥ ᱛᱮᱞᱩᱜᱩ ᱯᱷᱤᱞᱢ ᱞᱮᱠᱟᱛᱮ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱫᱼᱟ ᱾
ᱱᱟᱜᱟᱨᱡᱩᱱ ᱫᱚ ᱑᱙᱘᱖ ᱨᱮ ᱵᱤᱠᱨᱚᱢ ᱯᱷᱤᱞ ᱦᱚᱛᱮᱛᱮ ᱛᱮᱞᱩᱜᱩ ᱯᱷᱤᱞᱢ ᱫᱩᱱᱤᱭᱟᱹ ᱨᱮ ᱵᱚᱞᱚ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱛᱟᱭᱚᱢ ᱑᱙᱘᱙ ᱨᱮ ᱢᱚᱬᱤᱨᱚᱛᱱᱚᱢ ᱭᱟᱭ ᱫᱤᱥᱟᱹᱫᱩᱜ ᱢᱤᱫ ᱨᱚᱢᱟᱱᱴᱤᱠ ᱯᱷᱤᱞᱢ ᱜᱤᱛᱟᱧᱡᱚᱞᱤ ᱨᱮ ᱠᱟᱹᱢᱤ ᱞᱮᱫᱼᱟᱭ, ᱡᱟᱦᱟᱸ ᱫᱚ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱟᱹᱰᱤ ᱛᱮᱫ ᱢᱚᱱᱮ ᱵᱷᱩᱞᱟᱹᱣ ᱞᱮᱫᱼᱟ ᱾ ᱱᱚᱶᱟ ᱯᱷᱤᱞᱢ ᱫᱚ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ ᱯᱟᱨᱟᱵᱽ ᱨᱮ ᱥᱚᱨᱮᱥ ᱯᱷᱤᱞᱢ ᱞᱮᱠᱟᱛᱮ ᱵᱟᱪᱷᱚᱱ ᱞᱮᱱᱟ ᱾ ᱚᱱᱟ ᱥᱮᱨᱢᱟ ᱜᱮ ᱱᱟᱜᱟᱨᱡᱩᱱ ᱨᱟᱢ ᱜᱚᱯᱟᱞ ᱵᱚᱨᱢᱟ ᱦᱟᱜ ᱫᱤᱥᱟᱹᱫᱩᱜ ᱛᱮ ᱥᱤᱵᱟ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ, ᱟᱨ ᱚᱱᱟ ᱯᱷᱤᱞᱢ ᱑᱓ ᱟᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱯᱟᱨᱟᱵᱽ ᱨᱮ ᱩᱫᱩᱜ ᱥᱚᱫᱚᱨ ᱨᱮᱱᱟᱜ ᱫᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱟᱨ ᱚᱱᱟ ᱯᱷᱤᱞᱢ ᱨᱮᱱᱟᱜ ᱦᱤᱱᱫᱤ ᱨᱤᱢᱮᱠ ᱵᱮᱱᱟᱣ ᱠᱟᱛᱮ ᱑᱙᱙᱐ ᱨᱮ ᱦᱤᱱᱫᱤ ᱯᱷᱤᱞᱢ ᱡᱮᱜᱮᱛ ᱨᱮᱭ ᱵᱚᱞᱚ ᱞᱮᱱ ᱛᱟᱦᱮᱸᱫ ᱾
ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ
ᱚᱠᱠᱤᱱᱮᱱᱤ ᱱᱟᱜᱟᱨᱡᱩᱱ ᱫᱚ ᱒᱙ ᱚᱜᱚᱥᱴ ᱑᱙᱕᱙ ᱨᱮ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱪᱮᱱᱱᱟᱭ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱫᱚ ᱛᱮᱞᱩᱜᱩ ᱯᱷᱤᱞᱢ ᱨᱤᱱᱤᱡ ᱧᱩᱛᱩᱢᱟᱱ ᱤᱯᱤᱞ ᱚᱠᱠᱤᱱᱮᱱᱤ ᱱᱟᱜᱮᱥᱚᱨ ᱨᱟᱣ ᱟᱨ ᱮᱸᱜᱟᱛ ᱫᱚ ᱚᱱᱱᱚᱯᱩᱨᱱᱟ ᱚᱠᱠᱤᱱᱮᱱᱟ ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱱᱚᱶᱟ ᱛᱟᱭᱚᱢ ᱟᱠᱚ ᱜᱷᱟᱨᱚᱸᱡᱽ ᱫᱚ ᱦᱟᱭᱫᱽᱨᱟᱵᱟᱫᱽ ᱠᱚ ᱩᱪᱟᱹᱲ ᱞᱮᱱ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱟᱡ ᱦᱟᱭᱫᱽᱨᱟᱵᱟᱫᱽ ᱯᱚᱵᱽᱞᱤᱠ ᱟᱥᱲᱟ ᱟᱨ ᱞᱤᱴᱤᱞ ᱯᱷᱞᱟᱣᱟᱨ ᱡᱩᱱᱤᱭᱚᱨ ᱠᱚᱞᱮᱡᱽ ᱨᱮᱭ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ ᱠᱚᱞᱮᱡᱽ ᱚᱯᱷ ᱤᱧᱡᱤᱱᱤᱭᱟᱹᱨ ᱠᱷᱚᱱ ᱢᱮᱠᱟᱱᱤᱠᱟᱞ ᱨᱮ ᱥᱚᱱᱮᱨ ᱮ ᱥᱤᱫ ᱞᱮᱫ ᱛᱟᱦᱮᱸᱫ ᱾ ᱱᱟᱜᱟᱨᱡᱩᱱ ᱫᱚ ᱢᱤᱪᱤᱜᱟᱶ ᱡᱮᱜᱮᱛᱵᱤᱨᱫᱟᱹᱜᱟᱲ ᱠᱷᱚᱱ ᱚᱴᱚᱢᱚᱵᱟᱭᱤᱞ ᱢᱮᱠᱟᱱᱤᱠ ᱨᱮ ᱢᱟᱥᱴᱚᱨ ᱰᱤᱜᱽᱨᱤᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱱᱟᱜᱟᱨᱡᱩᱱ ᱫᱚ ᱑᱙᱘᱔ ᱨᱮ ᱛᱮᱞᱩᱜᱩ ᱯᱷᱤᱞᱢ ᱨᱤᱱᱤᱡ ᱯᱟᱯᱟᱴᱤᱭᱟᱹ ᱵᱷᱮᱝᱠᱚᱴᱮᱥ ᱫᱚᱜᱩᱯᱚᱛᱤ ᱭᱤᱡ ᱢᱤᱥᱨᱟ ᱞᱚᱠᱥᱢᱤ ᱫᱚᱜᱩᱯᱚᱛᱤ ᱥᱟᱶ ᱛᱮᱭ ᱵᱟᱯᱞᱟ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱑᱙᱙᱐ ᱨᱮ ᱟᱹᱠᱤᱱᱟᱜ ᱵᱟᱯᱟᱜᱽ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱹᱠᱤᱱᱤᱡ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱚᱠᱠᱤᱱᱮᱱ ᱱᱟᱜᱽ ᱪᱚᱭᱛᱚᱱᱤᱭᱚ ᱢᱮᱱᱟᱭᱟ ᱾ ᱚᱱᱟ ᱛᱟᱭᱚᱢ ᱑᱙᱙᱒ ᱨᱮ ᱮᱠᱴᱨᱮᱥ ᱟᱢᱞᱟ ᱚᱠᱠᱤᱱᱮᱱᱤ ᱥᱟᱶ ᱵᱟᱯᱞᱟ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱠᱤᱱᱤᱡ ᱟᱨ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱭᱟ ᱚᱠᱷᱤᱞ ᱚᱠᱠᱤᱱᱮᱱᱤ ᱾
ᱵᱟᱦᱨᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱚᱠᱠᱤᱱᱮᱱᱤ ᱱᱟᱜᱟᱨᱡᱩᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.