ᱵᱷᱩᱨᱠᱟᱹ ᱤᱯᱤᱞ: ᱵᱷᱩᱨᱠᱟ.ᱜ ᱤᱯᱤᱞ ᱥᱩᱱᱟ.ᱨᱟᱢ ᱥᱚᱨᱮᱱ
ᱵᱷᱩᱨᱠᱟᱹ ᱤᱯᱤᱞ
ᱵᱷᱩᱨᱠᱟ ᱤᱯᱤᱞ, (ᱵᱷᱩᱨᱠᱟ.ᱜ ᱤᱯᱤᱞ), (ᱵᱦᱩᱨᱠᱟᱹᱜ ᱤᱯᱤᱞ), ᱡᱟᱦᱟᱸ ᱵᱟᱭᱟᱨ ᱧᱩᱛᱩᱢ "ᱟᱞᱯᱷᱟ ᱩᱨᱥᱟᱭ ᱢᱟᱭᱤᱱᱚᱨᱤᱥ" (α Ursae Minoris ᱥᱮ α UMi) ᱠᱟᱱᱟ, ᱤᱯᱤᱞ ᱢᱚᱛᱥᱭᱚ ᱤᱯᱤᱞ ᱢᱟᱸᱰᱟᱞ ᱨᱤᱱᱤᱡ ᱥᱟᱱᱟᱢ ᱠᱷᱚᱱ ᱢᱟᱨᱥᱟᱞ ᱟᱱ ᱤᱯᱤᱞ ᱠᱟᱱᱟᱭ᱾ ᱱᱩᱭ ᱤᱯᱤᱞ ᱫᱚ ᱚᱛ ᱠᱷᱚᱱ ᱧᱮᱞᱚᱜ ᱟᱱᱤᱡ ᱨᱮ ᱔᱕ ᱨᱮᱱᱤᱡ ᱨᱮ ᱥᱟᱱᱟᱢ ᱠᱷᱚᱱ ᱢᱟᱨᱥᱟᱞ ᱟᱱ ᱤᱯᱤᱞ ᱠᱟᱱᱟᱭ᱾ ᱱᱩᱭ ᱫᱚ ᱤᱯᱤᱞ ᱫᱚ ᱚᱛ ᱠᱷᱚᱱ ᱞᱟᱜᱵᱷᱟᱜ ᱕᱓᱕ ᱢᱟᱨᱥᱟᱞ ᱥᱟᱞᱮ ᱠᱷᱚᱱ ᱥᱟᱸᱜᱤᱱ ᱨᱮ ᱢᱮᱱᱟᱭᱟ᱾ ᱟᱭᱥᱮ ᱛᱚ ᱱᱩᱭ ᱫᱚ ᱚᱛ ᱠᱷᱚᱱ ᱢᱤᱫ ᱤᱯᱤᱞ ᱮ ᱟᱹᱭᱠᱟᱹᱜ ᱠᱟᱱᱟ, ᱢᱮᱱᱠᱷᱟᱱ ᱥᱟᱸᱨᱤ ᱛᱮᱢᱟ ᱱᱚᱶᱟ ᱢᱤᱫ ᱢᱟᱨᱟᱝ ᱤᱯᱤᱞ ᱢᱟᱸᱰᱟᱞ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱨᱟ ᱤᱯᱤᱞ (ᱵᱷᱩᱨᱠᱟᱹ "ᱮ") F7 ᱦᱟᱹᱴᱤᱧ ᱨᱤᱱᱤᱡ ᱡᱩᱞᱩᱜ ᱫᱟᱹᱱᱢᱤ ᱤᱯᱤᱞ ᱠᱟᱱᱟᱭ ᱥᱮ ᱢᱟᱦᱟ ᱫᱟᱹᱱᱢᱤ ᱤᱯᱤᱞ ᱠᱟᱱᱟᱭᱮ᱾ ᱱᱤᱛᱟᱝ ᱡᱩᱜ ᱨᱮ ᱠᱷᱟᱜᱚᱞᱤᱭ ᱜᱩᱱᱦᱟᱬ ᱪᱮᱛᱟᱱᱨᱮ ᱮᱛᱚᱢ ᱵᱷᱩᱨᱠᱟᱹ ᱟᱲᱮ ᱛᱟᱦᱮᱱᱟᱭ, ᱢᱮᱱᱠᱷᱟᱱ ᱫᱩᱱᱤᱭᱟᱹ ᱨᱮ ᱵᱟᱬᱛᱤ ᱮᱴᱟᱜ ᱡᱟᱭᱜᱟ ᱠᱷᱚᱱ ᱫᱷᱟᱹᱨᱛᱤ ᱚᱛ ᱠᱷᱚᱱ ᱮᱛᱚᱢ ᱪᱮᱛᱟᱱ ᱟᱲᱮ ᱯᱟᱦᱴᱟ ᱨᱮ ᱛᱟᱦᱮᱱ ᱮ ᱧᱮᱞᱚᱜᱼᱟ᱾ ᱟᱱᱟ ᱠᱷᱟᱹᱛᱤᱨ ᱛᱮ ᱡᱟᱦᱟᱸᱭ ᱦᱚᱲ ᱤᱯᱤᱞ ᱠᱟᱛᱮᱜ ᱪᱟᱞᱟᱜ ᱦᱚᱨ ᱥᱟᱹᱢᱩᱫ ᱥᱮ ᱨᱮᱜᱤᱥᱛᱟᱱ ᱞᱮᱠᱟᱱ ᱡᱟᱭᱟᱜᱟᱨᱮ ᱥᱮ ᱚᱸᱰᱮ ᱠᱷᱚᱱ ᱚᱰᱚᱜ ᱟᱱᱤᱡ ᱫᱟᱲᱟᱱ ᱦᱚᱲ ᱡᱟᱦᱟᱸ ᱫᱚ ᱧᱮᱞ ᱠᱟᱛᱮᱜ ᱠᱚ ᱪᱟᱞᱟᱜᱼᱟ ᱥᱮ ᱟᱨ ᱫᱤᱥᱟᱹ ᱦᱚᱨ ᱛᱟᱦᱮᱱ ᱛᱟᱠᱚᱣᱟ ᱠᱟᱱ ᱛᱟᱦᱮᱱᱟ᱾ ᱚᱛ ᱟᱹᱪᱩᱨᱚᱜ (ᱨᱚᱴᱮᱥᱟᱱ) ᱞᱮᱱᱠᱷᱟᱱ ᱧᱤᱫᱟᱹ ᱥᱮᱫ ᱥᱮᱨᱢᱟ ᱨᱤᱱᱤᱡ ᱞᱟᱜᱵᱷᱟᱜ ᱥᱟᱱᱟᱢ ᱤᱯᱤᱞ ᱵᱟᱹᱭ-ᱵᱟᱹᱭ ᱛᱮ ᱟᱹᱪᱩᱨᱚᱜ ᱞᱮᱠᱟᱠᱚ ᱠᱚ ᱟᱹᱭᱠᱟᱹᱣᱜ ᱟ᱾ ᱢᱮᱱᱠᱷᱟᱱ ᱤᱯᱤᱞ ᱮᱛᱚᱢ ᱥᱮᱫ ᱜᱮ ᱮ ᱧᱮᱞᱚᱜᱼᱟ ᱾ ᱡᱩᱫᱤ ᱡᱟᱦᱟᱸᱭ ᱠᱮᱢᱨᱟ ᱨᱮᱱᱟᱜ ᱞᱮᱸᱥ ᱡᱮᱞᱮᱝ ᱟᱨᱥᱮ ᱦᱟᱹᱵᱤᱡ ᱡᱷᱤᱡ ᱤᱠᱟ ᱫᱚᱦᱚ ᱠᱟᱛᱮᱜ ᱧᱤᱫᱟᱹ ᱥᱮᱫ ᱥᱮᱨᱢᱟ ᱨᱮᱱᱟᱜ ᱯᱷᱚᱴᱚ ᱦᱟᱛᱟᱣ ᱞᱮᱠᱷᱟᱱ ᱫᱚ, ᱯᱷᱚᱴᱚ ᱨᱮᱮ ᱩᱱᱠᱟ ᱧᱮᱞᱚᱜᱼᱟ ᱡᱮ ᱥᱟᱱᱟᱢ ᱤᱯᱤᱞ ᱟᱲᱮ ᱯᱟᱥᱮᱡ ᱠᱚ ᱟᱹᱪᱩᱨᱚᱜᱼᱟ᱾
ᱮᱴᱟᱜ ᱯᱟᱹᱨᱥᱤ ᱛᱮ
ᱤᱝᱜᱽᱨᱟᱡᱤ ᱛᱮᱫᱚ "ᱯᱚᱞᱟᱨᱤᱥ" (Polaris), "ᱯᱚᱞᱥᱴᱟᱨ" (ᱯᱚᱞᱥᱴᱟᱨ), "ᱱᱚᱨᱛᱷ ᱥᱴᱟᱨ" (North Star) ᱥᱮ ᱞᱚᱰᱥᱴᱟᱨ (lodestar) ᱠᱚ ᱢᱮᱛᱟᱠᱚᱣᱟ᱾ ᱟᱨᱵᱤ ᱯᱟᱹᱨᱥᱤ ᱱᱩᱭ ᱫᱚ "ᱱᱟᱡᱩᱢ ᱟᱞ-ᱥᱷᱩᱢᱟᱱ" (نجم الشمال) ᱠᱚ ᱢᱮᱛᱟᱠᱚᱣᱟ᱾ ᱡᱟᱦᱟᱸ ᱫᱚ ᱱᱟᱶᱟ ᱨᱮᱱᱟᱜ ᱢᱟᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱮᱛᱚᱢ ᱨᱤᱱᱤᱡ ᱤᱯᱤᱞ᱾ ᱯᱷᱟᱹᱨᱥᱤ ᱛᱮ ᱫᱚ "ᱠᱩᱛᱵᱤ ᱥᱤᱛᱟᱨᱟ" (قطبی ستارہ) ᱠᱚ ᱢᱮᱱᱟᱜᱼᱟ᱾
ᱣᱤᱣᱨᱟᱱ
ᱵᱷᱩᱨᱠᱟᱹ ᱢᱟᱸᱰᱟᱞ ᱨᱮ ᱤᱯᱤᱞ ᱱᱚᱸᱠᱟ ᱢᱮᱱᱟᱜ ᱠᱚᱣᱟ-᱑
- ᱵᱷᱩᱨᱠᱟᱹ ᱮ (α UMi A) - ᱱᱚᱶᱟ ᱥᱮ ᱵᱟᱝᱠᱷᱟᱱ F7 II ᱦᱟᱹᱴᱤᱧ ᱨᱤᱱᱤᱡ ᱟᱹᱰᱤ ᱟᱸᱴ ᱢᱟᱮᱥᱟᱞ ᱟᱱ ᱫᱟᱹᱱᱢᱤ ᱤᱯᱤᱞ ᱠᱟᱱᱟᱠᱚ, ᱥᱮ ᱟᱨᱦᱚᱸ F7 Ib ᱦᱟᱹᱴᱤᱧ ᱨᱤᱱᱤᱡ ᱢᱟᱨᱟᱝ ᱫᱟᱹᱱᱢᱤ ᱤᱯᱤᱞ ᱠᱟᱱᱟᱠᱚ ᱱᱩᱠᱩ ᱪᱟᱢᱠᱟᱜ ᱜᱮ ᱵᱮᱨ ᱠᱷᱚᱱ ᱒,᱒᱐᱐ ᱜᱟᱵᱟᱬ ᱢᱮᱱᱟᱜᱼᱟ᱾ ᱱᱚᱶᱟ ᱨᱮ ᱦᱟᱢᱟᱞ ᱢᱟᱨᱥᱟᱞ ᱵᱮᱨ ᱠᱷᱚᱱ ᱵᱷᱩᱡᱷᱟᱹᱣ ᱢᱮ ᱗.᱕ ᱜᱟᱵᱟᱬ ᱟᱨ ᱵᱭᱟᱥ ᱨᱮ ᱵᱮᱨ ᱠᱷᱚᱱ ᱵᱟᱬᱛᱤ ᱵᱭᱟᱥ ᱨᱮ ᱓᱐ ᱜᱟᱵᱟᱬ ᱢᱮᱱᱟᱜ ᱠᱚᱣᱟ᱾ ᱱᱩᱭᱟᱜ ᱨᱮᱱᱟᱜ ᱥᱟᱦᱴᱟ ᱵᱷᱩᱡᱷᱟᱹᱣ ᱞᱮᱠᱟᱛᱮ ᱗,᱒᱐᱐ ᱠᱮᱞᱣᱤᱱ ᱢᱮᱱᱟᱜᱼᱟ᱾ ᱱᱚᱶᱟ ᱢᱤᱫ ᱥᱚᱶᱟ ᱢᱤᱫ ᱥᱚᱯᱷᱟᱭᱤ ᱡᱷᱟᱞᱠᱟᱣ ᱤᱯᱤᱞ ᱠᱟᱱᱟ᱾
- ᱵᱷᱩᱨᱠᱟᱹ ᱵᱤ (α UMi B) - ᱵᱮᱨᱟᱜ ᱫᱨᱣᱭᱟᱢᱟᱱ ᱠᱷᱚᱱ ᱵᱟᱰᱟᱭᱠᱟᱜ ᱢᱮ ᱑.᱔ ᱜᱟᱵᱟᱬ ᱫᱨᱣᱭᱟᱢᱟᱱ ᱟᱱᱤᱡ ᱱᱚᱶᱟ F3V ᱦᱟᱹᱴᱤᱧ ᱨᱤᱱᱤᱡ ᱥᱤᱨᱟ ᱞᱮᱠᱷᱟ ᱨᱮ ᱤᱯᱤᱞ ᱵᱷᱩᱨᱠᱟᱹ "ᱮ" ᱨᱤᱱᱤᱡ ᱒,᱔᱐᱐ ᱠᱷᱟᱜᱚᱞᱤᱭ ᱢᱤᱫ ᱥᱟᱸᱜᱤᱱ ᱨᱮ ᱯᱟᱨᱤᱟᱹᱪᱩᱨᱚ ᱛᱮᱜᱮ ᱛᱟᱦᱮᱱᱟ᱾
- ᱵᱷᱩᱨᱠᱟᱹ ᱮ ᱵᱤᱨ (α UMi Ab) - ᱱᱩᱭ ᱫᱚ ᱜᱟᱵᱨᱩ ᱤᱯᱤᱞ ᱵᱷᱩᱨᱠᱟᱹ "ᱮ" ᱨᱮ ᱯᱟᱨᱤᱟᱹᱪᱩᱨᱚᱜ ᱒᱘.᱕ ᱠᱷᱟᱜᱚᱞᱤᱭ ᱢᱤᱫ ᱨᱤᱱᱤᱡ ᱟᱹᱰᱤ ᱜᱮ ᱥᱩᱨ ᱠᱟᱪᱷᱟ ᱨᱮ ᱟᱹᱪᱩᱨᱚᱜ ᱛᱮᱜᱮ ᱛᱟᱦᱮᱱᱟᱭ᱾
- ᱵᱷᱩᱨᱠᱟᱹ ᱥᱤ (α UMi C) ᱟᱨ ᱵᱷᱩᱨᱠᱟᱹ ᱰᱤ (α UMi D) - ᱱᱩᱠᱤᱱ ᱵᱟᱱᱟᱨᱮ ᱤᱯᱤᱞ ᱵᱷᱩᱨᱠᱟᱹ ᱮ ᱠᱷᱚᱱ ᱠᱟᱹᱴᱤᱡ ᱥᱟᱸᱜᱤᱱ ᱨᱮ ᱠᱤᱱ ᱛᱟᱦᱮᱱᱟ᱾
ᱫᱷᱟᱹᱨᱛᱤ ᱭᱟᱜ ᱟᱪᱷ ᱟᱭᱱᱟᱸᱥᱷ
ᱫᱷᱟᱹᱨᱛᱤ ᱭᱟᱜ ᱟᱪᱷ ᱢᱤᱫ ᱵᱟᱹᱭ ᱧᱚᱜ ᱢᱮᱱᱠᱷᱟᱱ ᱱᱤᱡᱮᱨᱟᱜ ᱫᱚᱲ ᱛᱮ ᱰᱟᱜᱢᱟᱜᱟᱜ ᱟᱭ᱾ ᱚᱱᱟ ᱠᱷᱟᱹᱛᱤᱨ ᱛᱮ ᱡᱟᱦᱟᱸᱭ ᱴᱟᱜ ᱤᱯᱤᱞ ᱜᱮ ᱛᱷᱤᱨᱚᱜ ᱞᱟᱹᱜᱤᱫ ᱛᱮ ᱵᱷᱩᱨᱠᱟᱹ ᱟᱲᱮ ᱨᱮ ᱛᱷᱤᱨ ᱞᱮᱠᱟ ᱵᱟᱝ ᱠᱚ ᱛᱟᱦᱮᱱᱟ ᱢᱮᱱᱠᱷᱟᱱ ᱱᱩᱠᱩ ᱜᱮᱥᱟᱭ ᱥᱮᱨᱢᱟ ᱵᱷᱤᱛᱨᱤ ᱛᱮ ᱠᱚ ᱵᱚᱫᱚᱞᱚᱜᱼᱟ ᱾ ᱫᱷᱟᱹᱨᱛᱤ ᱨᱮᱱᱟᱜ ᱱᱚᱶᱟ ᱟᱪᱷ ᱨᱮ ᱨᱩᱡᱷᱟᱱ ᱨᱮ ᱵᱚᱫᱚᱞ ᱩᱱᱠᱟ ᱢᱮᱱᱟᱜᱼᱟ ᱡᱮ ᱥᱟᱱᱟᱢ ᱒᱖,᱐᱐᱐ ᱥᱟᱞᱮ ᱛᱮ ᱱᱩᱠᱩᱣᱟᱜ ᱥᱟᱱᱟᱢ ᱪᱟᱠᱟᱨ ᱪᱟᱵᱟᱜ ᱛᱟᱠᱚᱣᱟ᱾ ᱫᱷᱟᱹᱨᱛᱤ ᱭᱟᱜ ᱟᱪᱷ ᱵᱟᱹᱭ ᱧᱚᱜ ᱪᱟᱞᱟᱜ ᱢᱮᱱᱠᱷᱟᱱ ᱱᱤᱨᱫᱷᱟᱨᱤᱛ ᱜᱟᱛᱤ ᱛᱮ᱾ ᱱᱚᱶᱟ ᱨᱮᱱᱟᱜ ᱢᱮᱱᱮᱛ ᱫᱚ ᱱᱚᱶᱟ ᱠᱟᱱᱟ ᱡᱮ ᱡᱟᱦᱟᱸ ᱫᱷᱟᱹᱨᱛᱤ ᱠᱷᱚᱱ ᱵᱷᱩᱨᱠᱟᱹᱣ ᱟᱲᱮ ᱠᱷᱚᱱ ᱚᱪᱚᱜ ᱞᱮᱠᱟᱭ ᱧᱮᱞᱚᱜᱼᱟ, ᱢᱮᱱᱠᱷᱟᱱ ᱛᱤᱦᱤᱱ ᱠᱷᱚᱱ ᱒᱖,᱐᱐᱐ ᱥᱮᱨᱢᱟ ᱛᱟᱭᱚᱢ ᱟᱨ ᱦᱚᱸ ᱫᱚᱦᱲᱟ ᱛᱮ ᱵᱷᱩᱡᱷᱟᱹᱣ ᱠᱷᱚᱱ ᱞᱟᱜᱵᱷᱟᱜ ᱦᱩᱭᱩᱜᱼᱟ᱾ ᱱᱤᱭᱟ ᱚᱠᱛᱚ ᱱᱚᱶᱟ ᱟᱪᱷ ᱟᱭᱱᱟᱸᱥᱷ ᱫᱚ ᱮᱛᱚᱢ ᱟᱲᱮ ᱥᱮᱫ ᱟᱨᱚ ᱥᱟᱢᱟᱝ ᱥᱮᱫ ᱦᱤᱡᱩᱜ ᱟᱭ᱾ ᱥᱟᱞᱮ ᱑᱒᱐᱐ ᱨᱮ ᱱᱩᱭ ᱟᱡᱟᱜ ᱥᱟᱱᱟᱢ ᱠᱷᱚᱱ ᱥᱟᱢᱟᱝ ᱡᱟᱭᱜᱟ ᱨᱮ ᱛᱟᱦᱮᱱᱟᱭ ᱟᱨ ᱟᱸᱰᱮ ᱠᱷᱚᱱ ᱥᱟᱦᱟ ᱤᱫᱤᱜ ᱟᱭ᱾
ᱱᱚᱸᱰᱮ ᱦᱚᱸ ᱧᱮᱞᱢᱮ
•ᱫᱟᱹᱱᱢᱤ ᱤᱯᱤᱞ
• ᱡᱚᱱᱚᱜ ᱤᱯᱤᱞ
• ᱯᱟᱨᱠᱚᱢ ᱤᱯᱤᱞ
•ᱪᱩᱢᱠᱟᱜ ᱤᱯᱤᱞ
•ᱟᱨᱟᱬ ᱤᱯᱤᱞ
•ᱯᱟᱸᱡᱟᱯ ᱰᱟᱦᱟᱨ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱵᱷᱩᱨᱠᱟᱹ ᱤᱯᱤᱞ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.