ᱯᱟᱨᱛᱷ: ᱯᱟᱪᱮ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱥᱚᱦᱚᱨ
ᱯᱟᱨᱛᱷ ᱫᱚ ᱯᱟᱪᱮ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱟᱨ ᱚᱥᱴᱨᱮᱞᱤᱭᱟ ᱟᱨ ᱳᱥᱤᱱᱤᱭᱟ ᱨᱮ ᱯᱩᱱᱭᱟᱹ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱦᱚᱲ ᱮᱞ ᱟᱱ ᱥᱚᱦᱚᱨ ᱠᱟᱱᱟ ᱾ ᱒.᱑ ᱢᱤᱞᱤᱭᱚᱱ (ᱯᱚᱱᱚᱛ ᱨᱮᱱᱟᱜ ᱘᱐%) ᱦᱚᱲ ᱮᱞ ᱜᱨᱮᱴᱟᱨ ᱯᱟᱨᱛᱷ ᱨᱮ ᱠᱚ ᱛᱟᱦᱮᱸᱱᱟ ᱾ ᱯᱟᱨᱛᱷ ᱫᱚ ᱯᱟᱪᱮ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱮᱛᱚᱢ ᱯᱟᱪᱮ ᱚᱛ ᱦᱟᱥᱟ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱡᱟᱹᱥᱛᱤ ᱜᱟᱱ ᱢᱟᱦᱟᱱᱚᱜᱚᱨ ᱴᱚᱴᱷᱟ ᱫᱚ ᱥᱤᱧᱚᱛ ᱢᱟᱦᱟᱫᱚᱨᱭᱟ ᱟᱨ ᱰᱟᱨᱞᱤᱝ ᱥᱠᱟᱨᱯᱷ ᱛᱟᱞᱟ ᱨᱮ ᱢᱮᱱᱟᱜ ᱥᱣᱟᱱ ᱫᱚᱨᱭᱟ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾ ᱥᱚᱦᱚᱨ ᱫᱚ ᱢᱩᱬᱩᱛ ᱵᱨᱤᱴᱤᱥ ᱜᱤᱨᱟᱹᱵᱟᱥᱤ ᱠᱷᱚᱱ ᱵᱟᱦᱨᱮ ᱨᱮ ᱯᱟᱥᱱᱟᱣ ᱟᱠᱟᱱᱟ ᱥᱣᱟᱱ ᱱᱟᱹᱭ ᱡᱟᱦᱟᱸ ᱨᱮ ᱥᱚᱦᱚᱨ ᱨᱮᱱᱟᱜ ᱛᱟᱞᱢᱟ ᱵᱮᱯᱟᱨ ᱦᱚᱱᱚᱛ ᱟᱨ ᱯᱷᱨᱮᱢᱮᱱᱴᱟᱞ ᱨᱮᱱᱟᱜ ᱡᱟᱦᱟᱡᱽ ᱜᱷᱟᱴ ᱢᱮᱱᱟᱜᱼᱟ ᱾ ᱯᱟᱨᱛᱷ ᱣᱟᱰᱡᱩᱠ ᱱᱩᱝᱜᱟᱨ ᱦᱚᱲ ᱠᱚᱣᱟᱜ ᱟᱹᱨᱤᱪᱟᱹᱞᱤ ᱚᱛ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱟᱹᱫᱤᱵᱟᱹᱥᱤ ᱚᱥᱴᱨᱮᱞᱤᱭᱟᱱ ᱠᱚᱢ ᱠᱷᱚᱱ ᱠᱚᱢ ᱔᱕,᱐᱐᱐ ᱥᱮᱨᱢᱟ ᱠᱷᱚᱱ ᱠᱚ ᱛᱟᱦᱮᱸᱱ ᱠᱟᱱᱟ ᱾
| ᱯᱟᱨᱛᱷ ᱯᱟᱪᱮ ᱚᱥᱴᱨᱮᱞᱤᱭᱟ | |||||||||
|---|---|---|---|---|---|---|---|---|---|
 .jpg) ,_Elizabeth_Quay_Bridge_--_2019_--_0375-9.jpg)   .jpg) ,_Kings_Park,_State_War_Memorial_--_2019_--_0433.jpg) Clockwise from top: Perth's skyline viewed from Kings Park; Elizabeth Quay bridge; Perth Stadium; State War Memorial; Cottesloe Beach; WA Museum Boola Bardip and the Crawley Edge Boatshed | |||||||||
  ᱯᱟᱨᱛᱷ | |||||||||
| ᱚᱛᱱᱚᱜ ᱴᱷᱟᱶ | 31°57′21″S 115°51′35″E / 31.9558°S 115.8597°E 115°51′35″E / 31.9558°S 115.8597°E | ||||||||
| ᱦᱚᱲᱮᱞ | ᱒,᱑᱙᱒,᱒᱒᱙ (᱒᱐᱒᱑) (᱔ ᱟᱱᱟᱜ) | ||||||||
| • ᱰᱮᱱᱥᱤᱴᱤ | ᱓᱔᱑.᱕᱘᱐᱔/km2 (᱘᱘᱔.᱖᱘᱙/sq mi) | ||||||||
| ᱛᱷᱟᱯᱚᱱ ᱢᱟᱹᱦᱤᱛ | ᱔ ᱡᱩᱱ ᱑᱘᱒᱙ | ||||||||
| ᱮᱨᱤᱭᱟ | ᱖,᱔᱑᱗.᱙ km2 (᱒,᱔᱗᱘�0 sq mi)(GCCSA) | ||||||||
| ᱚᱠᱛᱚ ᱴᱚᱴᱷᱟ | AWST (ᱭᱩᱴᱤᱥᱤ+᱐᱘:᱐᱐) | ||||||||
| ᱴᱷᱟᱶ |
| ||||||||
| ᱯᱚᱱᱚᱛ ᱵᱟᱪᱷᱱᱟᱣ ᱮᱞᱟᱠᱟ | Perth (and 41 others) | ||||||||
| ᱛᱟᱞᱢᱟ ᱦᱟᱹᱴᱤᱧ | Perth (and 11 others) | ||||||||
| |||||||||
Error: unknown |type= value (help) | |||||||||
ᱠᱮᱯᱴᱮᱱ ᱡᱮᱢᱥ ᱥᱴᱚᱨᱞᱤᱝ ᱑᱘᱒᱙ ᱥᱟᱞᱮ ᱨᱮ ᱥᱣᱟᱱ ᱱᱟᱹᱭ ᱠᱚᱞᱳᱱᱤ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱛᱟᱞᱢᱟ ᱞᱮᱠᱟᱛᱮ ᱯᱟᱨᱛᱷ ᱫᱚᱭ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱥᱴᱚᱨᱞᱤᱝ ᱨᱤᱱᱤᱡ ᱜᱚᱲᱦᱚᱱᱤᱭᱟᱹ ᱥᱚᱨ ᱡᱚᱨᱡᱽ ᱢᱩᱨᱮᱭ, ᱡᱟᱦᱟᱸᱭ ᱫᱚ ᱚᱱᱟ ᱡᱟᱭᱜᱟ ᱥᱟᱶ ᱡᱩᱲᱟᱹᱭ ᱛᱟᱦᱮᱸ ᱠᱟᱱᱟᱭ, ᱩᱱᱤᱭᱟᱜ ᱫᱩᱞᱟᱹᱲ ᱠᱷᱟᱹᱛᱤᱨ ᱩᱱᱤ ᱫᱚ ᱥᱴᱚᱨᱞᱤᱝ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱑᱘᱕᱖ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱥᱚᱦᱚᱨ ᱨᱮᱱᱟᱜ ᱢᱟᱹᱱ ᱮ ᱧᱟᱢ ᱞᱮᱫᱼᱟ, ᱢᱮᱱᱠᱷᱟᱱ ᱯᱟᱨᱛᱷ ᱥᱚᱦᱚᱨ ᱠᱟᱣᱩᱱᱥᱤᱞ ᱱᱤᱛᱚᱜ ᱫᱚ ᱱᱚᱣᱟ ᱨᱮᱱᱟᱜ ᱛᱟᱞᱢᱟ ᱵᱮᱯᱟᱨ ᱦᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱠᱟᱹᱴᱤᱡ ᱴᱚᱴᱷᱟ ᱜᱮ ᱪᱟᱪᱞᱟᱣ ᱟᱠᱟᱫᱟᱭ ᱾ ᱑᱙ ᱥᱟᱭ ᱥᱮᱨᱢᱟ ᱢᱩᱪᱟᱹᱫ ᱨᱮ ᱯᱟᱪᱮ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱜᱳᱞᱰ ᱨᱮᱥ ᱨᱮᱱᱟᱜ ᱠᱷᱟᱹᱛᱤᱨ ᱛᱮ ᱥᱚᱦᱚᱨ ᱨᱮᱱᱟᱜ ᱦᱚᱲ ᱮᱞ ᱟᱹᱰᱤ ᱜᱮ ᱵᱟᱹᱲᱛᱤ ᱞᱮᱱᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱛᱟᱭᱚᱢ ᱠᱷᱚᱱ ᱱᱚᱣᱟ ᱫᱚ ᱟᱹᱰᱤ ᱩᱥᱩᱞ ᱦᱮᱡ ᱥᱮᱴᱮᱨᱚᱜ ᱠᱷᱟᱹᱛᱤᱨ ᱟᱹᱰᱤ ᱜᱮ ᱵᱟᱹᱲᱛᱤ ᱩᱥᱩᱞ ᱮᱱᱟ ᱾ ᱯᱟᱪᱮ ᱤᱭᱩᱨᱳᱯ ᱨᱤᱱ ᱦᱚᱲ ᱠᱚᱫᱚ ᱵᱨᱤᱴᱤᱥ ᱤᱭᱩᱨᱳᱯ ᱟᱨ ᱠᱚᱧᱮ ᱤᱭᱩᱨᱳᱯ ᱨᱤᱱ ᱠᱟᱱᱟ ᱠᱚ ᱾ ᱒᱐ ᱥᱟᱭ ᱥᱮᱨᱢᱟ ᱢᱩᱪᱟᱹᱫ ᱟᱨ ᱒᱑ ᱥᱟᱭ ᱥᱮᱨᱢᱟ ᱢᱟᱲᱟᱝ ᱨᱮ ᱯᱟᱪᱮ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱠᱚᱨᱮ ᱟᱹᱰᱤ ᱜᱟᱱ ᱢᱟᱭᱱᱤᱝ ᱵᱩᱢ ᱧᱮᱞ ᱞᱮᱱᱟ, ᱡᱟᱦᱟᱸ ᱨᱮ ᱯᱟᱨᱛᱷ ᱢᱟᱨᱟᱝ ᱢᱟᱭᱱᱤᱝ ᱚᱥᱴᱨᱮᱥᱤᱱᱟ ᱨᱮᱱᱟᱜ ᱴᱚᱴᱷᱟᱠᱤᱭᱟᱹ ᱦᱮᱰᱠᱩᱣᱟᱴᱚᱨ ᱵᱮᱱᱟᱣ ᱮᱱᱟ ᱾
ᱯᱟᱨᱛᱷ ᱨᱮ ᱟᱭᱢᱟ ᱜᱟᱱ ᱧᱩᱛᱩᱢᱟᱱ ᱦᱚᱲ ᱠᱚᱣᱟᱜ ᱚᱲᱟᱜ ᱥᱟᱶ ᱥᱟᱶᱛᱮ ᱞᱟᱠᱪᱟᱨ ᱟᱨ ᱥᱮᱨᱣᱟ ᱟᱱᱟᱜ ᱴᱷᱟᱶ ᱢᱮᱱᱟᱜᱼᱟ ᱾ ᱧᱩᱛᱩᱢᱟᱱ ᱥᱚᱨᱠᱟᱨᱟᱜ ᱚᱲᱟᱜ ᱠᱚ ᱢᱩᱫᱽᱨᱮ ᱢᱮᱱᱟᱜᱼᱟ ᱯᱟᱨᱞᱤᱭᱟᱢᱮᱱᱴ ᱚᱲᱟᱜ, ᱥᱚᱨᱠᱟᱨᱟᱜ ᱚᱲᱟᱜ, ᱥᱩᱯᱨᱤᱢ ᱠᱳᱨᱴ ᱚᱲᱟᱜ ᱟᱨ ᱯᱟᱨᱛᱷ ᱢᱤᱱᱴ ᱥᱮᱞᱮᱫ ᱢᱮᱱᱟᱜᱼᱟ ᱾ ᱯᱷᱨᱤᱢᱮᱱᱴᱚᱞ ᱦᱚᱨᱵᱟᱨ ᱟᱨ ᱯᱟᱨᱛᱷ ᱩᱰᱟᱹᱱ ᱟᱰᱟ ᱥᱚᱦᱚᱨ ᱨᱮ ᱯᱚᱨᱤᱥᱮᱵᱟ ᱠᱚ ᱮᱢ ᱟᱠᱟᱫᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱱᱚᱣᱟ ᱫᱚ ᱜᱟᱛᱮ ᱠᱚ ᱞᱟᱹᱜᱤᱫ ᱢᱤᱫᱴᱟᱹᱝ ᱞᱟᱹᱣᱠᱟᱹ ᱴᱮᱠᱟᱣ ᱛᱟᱦᱮᱸ ᱠᱟᱱᱟ ᱟᱨ ᱛᱮᱦᱮᱧ ᱨᱚᱭᱮᱞ ᱚᱥᱴᱨᱮᱞᱤᱭᱟᱱ ᱱᱟᱵᱷᱤ ᱨᱮᱱᱟᱜ ᱯᱷᱞᱤᱴ ᱵᱮᱹᱥ ᱣᱮᱥᱴ ᱫᱚ ᱜᱟᱨᱰᱮᱱ ᱫᱤᱯ ᱨᱮ ᱢᱮᱱᱟᱜᱼᱟ ᱾ ᱯᱟᱪᱮ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱜᱮ ᱯᱟᱨᱛᱷ ᱨᱮ ᱢᱮᱱᱟᱜᱼᱟ ᱾
ᱱᱚᱣᱟ ᱥᱚᱦᱚᱨ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱛᱟᱦᱮᱸᱱ ᱞᱮᱠᱟᱱ ᱥᱚᱦᱚᱨ ᱠᱚ ᱢᱩᱫᱽᱨᱮ ᱢᱤᱫᱴᱟᱹᱝ ᱞᱮᱠᱟᱛᱮ ᱢᱟᱹᱱᱮ ᱧᱟᱢ ᱟᱠᱟᱫᱟ ᱟᱨ ᱒᱐᱒᱐ ᱥᱮᱨᱢᱟ ᱨᱮ ᱜᱳᱵᱟᱞᱤᱡᱮᱥᱚᱱ ᱟᱨ ᱣᱟᱞᱰ ᱥᱤᱴᱤᱡᱽ ᱨᱤᱥᱟᱨᱪ ᱱᱮᱴᱳᱣᱟᱨᱠ ᱫᱟᱨᱟᱭ ᱛᱮ ᱵᱤᱴᱟ ᱡᱮᱜᱮᱛ ᱨᱮᱱᱟᱜ ᱥᱚᱦᱚᱨ ᱞᱮᱠᱟᱛᱮ ᱦᱟᱹᱴᱤᱧ ᱠᱚᱨᱟᱣ ᱦᱩᱭ ᱟᱠᱟᱱᱟ ᱾
ᱱᱟᱜᱟᱢ
ᱚᱛᱱᱚᱜ
ᱛᱟᱞᱢᱟ ᱵᱮᱯᱟᱨᱤ ᱦᱚᱱᱚᱛ
ᱯᱟᱨᱛᱷ ᱨᱮᱱᱟᱜ ᱛᱟᱞᱢᱟ ᱵᱮᱯᱟᱨᱤ ᱦᱚᱱᱚᱛ ᱮᱛᱚᱢ ᱟᱨ ᱥᱟᱢᱟᱝ ᱨᱮ ᱥᱣᱟᱱ ᱱᱟᱹᱭ ᱛᱮ ᱜᱷᱮᱨᱟᱣ ᱟᱠᱟᱱᱟ, ᱯᱟᱪᱮ ᱥᱮᱫ ᱨᱮ ᱠᱤᱝᱥ ᱯᱟᱨᱠ ᱟᱨ ᱠᱚᱧᱮ ᱥᱮᱫ ᱨᱮ ᱨᱮᱞᱣᱮ ᱨᱤᱡᱟᱨᱵᱽ ᱢᱮᱱᱟᱜᱼᱟ ᱾ ᱯᱟᱨᱛᱷ ᱥᱤᱴᱤ ᱞᱤᱝᱠ ᱫᱚ ᱧᱩᱛᱩᱢᱟᱱ ᱢᱤᱫ ᱯᱚᱱᱚᱛ ᱟᱨ ᱥᱚᱱᱛᱷᱟᱱ ᱯᱨᱚᱡᱮᱠᱴ ᱛᱮ ᱯᱷᱚᱸᱰ ᱟᱠᱟᱱ ᱯᱨᱚᱡᱮᱠᱴ ᱫᱚ ᱱᱚᱨᱛᱷ ᱵᱨᱤᱡᱽ ᱟᱨ ᱥᱤ.ᱵᱤ.ᱰᱤ. ᱛᱟᱞᱟ ᱨᱮ ᱟᱞᱜᱟ ᱛᱮ ᱥᱮᱱᱚᱜ ᱞᱟᱹᱜᱤᱫ ᱛᱮ ᱨᱮᱞᱣᱮ ᱞᱟᱭᱤᱱ ᱨᱮᱱᱟᱜ ᱢᱤᱫ ᱴᱷᱟᱶ ᱫᱟᱜ ᱨᱮ ᱵᱷᱮᱡᱟ ᱠᱮᱫᱼᱟ ᱾ ᱯᱟᱨᱛᱷ ᱮᱨᱤᱱᱟ ᱥᱚᱦᱚᱨ ᱨᱮᱱᱟᱜ ᱞᱤᱝᱠ ᱴᱚᱴᱷᱟ ᱨᱮ ᱢᱤᱫ ᱢᱚᱡᱽ ᱟᱨ ᱠᱷᱮᱞᱚᱸᱰ ᱴᱟᱺᱰᱤ ᱠᱟᱱᱟ, ᱡᱟᱦᱟᱸ ᱫᱚ ᱰᱤᱡᱟᱭᱤᱱ ᱤᱱᱥᱴᱤᱴᱭᱩᱴ ᱚᱯᱷ ᱚᱥᱴᱨᱮᱞᱤᱭᱟ, ᱚᱥᱴᱨᱮᱞᱤᱭᱟᱱ ᱤᱱᱥᱴᱤᱴᱭᱩᱴ ᱚᱯᱷ ᱟᱨᱠᱤᱴᱮᱠᱴᱥ ᱟᱨ ᱠᱚᱞᱚᱨᱵᱚᱸᱰ ᱞᱮᱠᱟᱱ ᱤᱱᱥᱴᱤᱴᱭᱩᱴ ᱠᱷᱚᱱ ᱟᱹᱰᱤ ᱜᱟᱱ ᱟᱨᱠᱤᱴᱮᱠᱪᱟᱨ ᱥᱤᱨᱯᱷᱟᱹᱭ ᱧᱟᱢ ᱟᱠᱟᱫᱟ ᱾ ᱥᱮᱱᱴ ᱡᱚᱨᱡᱽ ᱴᱮᱨᱮᱥ ᱫᱚ ᱱᱚᱣᱟ ᱴᱚᱴᱷᱟ ᱨᱮᱱᱟᱜ ᱢᱩᱬᱩᱛ ᱥᱚᱲᱚᱠ ᱠᱟᱱᱟ, ᱡᱟᱦᱟᱸ ᱨᱮ ᱥᱤ.ᱵᱤ.ᱰᱤ. ᱨᱮ ᱟᱹᱰᱤ ᱜᱟᱱ ᱚᱯᱷᱤᱥ ᱡᱟᱭᱜᱟ ᱢᱮᱱᱟᱜᱼᱟ ᱾ ᱦᱮ ᱥᱴᱨᱤᱴ ᱟᱨ ᱟᱨ ᱢᱩᱨᱨᱮ ᱥᱴᱨᱤᱴ ᱨᱮ ᱡᱟᱹᱥᱛᱤ ᱜᱟᱱ ᱠᱷᱩᱫᱽᱨᱟᱹ ᱟᱨ ᱢᱚᱱᱩᱨᱚᱱᱡᱚᱱ ᱨᱮᱱᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱚᱲᱟᱜ ᱫᱚ ᱥᱮᱱᱴᱨᱟᱞ ᱯᱟᱨᱠ ᱠᱟᱱᱟ, ᱚᱥᱴᱨᱮᱞᱤᱭᱟ ᱨᱮᱱᱟᱜ ᱑᱒ ᱟᱱᱟᱜ ᱩᱥᱩᱞ ᱚᱲᱟᱜ ᱠᱟᱱᱟ ᱾ ᱒᱐᱑᱒ ᱥᱮᱨᱢᱟ ᱦᱟᱹᱵᱤᱡ, ᱥᱤᱵᱤᱰᱤ ᱫᱚ ᱢᱟᱭᱱᱤᱝ-ᱯᱨᱳᱡᱮᱠᱴ ᱨᱮᱱᱟᱜ ᱛᱟᱞᱢᱟ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱟᱭᱢᱟ ᱵᱮᱯᱟᱨᱤᱭᱟᱹ ᱟᱨ ᱛᱟᱦᱮᱸᱱ ᱴᱷᱟᱶ ᱨᱮᱭᱟᱜ ᱯᱟᱱᱛᱷᱟ ᱵᱮᱱᱟᱣ ᱦᱩᱭ ᱮᱱᱟ, ᱡᱟᱦᱟᱸ ᱨᱮ ᱒᱔᱔ ᱢᱤᱴᱚᱨ (᱘᱐᱑ ᱯᱷᱩᱴ) ᱚᱯᱷᱤᱥ ᱵᱤᱞᱰᱤᱝ, ᱵᱨᱩᱠᱯᱷᱤᱞᱰ ᱯᱞᱮᱥ, ᱟᱸᱜᱽᱞᱳ-ᱚᱥᱴᱨᱮᱞᱤᱭᱟᱱ ᱢᱟᱭᱱᱤᱝ ᱠᱚᱢᱯᱟᱱᱤ ᱵᱤᱹᱮᱪᱹᱯᱤᱹ ᱞᱟᱹᱜᱤᱫ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾
.jpg)
ᱢᱟᱦᱟᱱᱚᱜᱚᱨ ᱴᱚᱴᱷᱟ
ᱯᱟᱨᱛᱷ ᱨᱮᱱᱟᱜ ᱢᱟᱦᱟᱱᱚᱜᱚᱨ ᱴᱚᱴᱷᱟ ᱫᱚ ᱠᱚᱧᱮ ᱨᱮ ᱵᱟᱨᱭᱟ ᱨᱚᱠᱥ ᱟᱨ ᱮᱛᱚᱢ ᱨᱮ ᱥᱤᱝᱜᱚᱞᱴᱚᱱ ᱫᱷᱟᱹᱨᱤᱡ ᱑᱒᱕ ᱠᱤᱞᱚᱢᱤᱴᱚᱨ (᱘᱐ ᱢᱟᱭᱤᱞ) ᱥᱟᱺᱜᱤᱧ ᱫᱷᱟᱹᱨᱤᱡ ᱯᱟᱥᱱᱟᱣ ᱟᱠᱟᱱᱟ ᱾ ᱯᱟᱪᱮ ᱨᱮ ᱫᱚᱨᱭᱟ ᱠᱷᱚᱱ ᱥᱟᱢᱟᱝ ᱨᱮ ᱢᱩᱱᱫᱚᱨᱤᱝ ᱫᱷᱟᱹᱨᱤᱡ ᱕᱐ ᱠᱤᱞᱚᱢᱤᱴᱚᱨ (᱓᱐ ᱢᱤᱞ) ᱥᱟᱺᱜᱤᱧ ᱢᱮᱱᱟᱜᱼᱟ ᱾ ᱯᱟᱨᱛᱷ ᱢᱟᱦᱟᱱᱚᱜᱚᱨ ᱴᱚᱴᱷᱟ ᱫᱚ ᱖,᱔᱑᱘ ᱜᱟᱺᱴ ᱠᱤᱞᱚᱢᱤᱴᱚᱨ (᱒,᱔᱗᱘ ᱜᱟᱺᱴ ᱢᱤᱞ) ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱯᱟᱨᱛᱷ ᱨᱮᱱᱟᱜ ᱵᱮᱱᱟᱣ ᱟᱠᱟᱱ ᱥᱚᱦᱨᱤ ᱴᱚᱴᱷᱟ ᱫᱚ ᱑,᱗᱒᱒ ᱜᱟᱺᱴ ᱠᱤᱞᱚᱢᱤᱴᱟᱨ (᱖᱖᱕ ᱜᱟᱺᱴ ᱢᱤᱞ) ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱣᱩᱦᱟᱱ ᱥᱮ ᱥᱟᱞᱴ ᱞᱮᱠ ᱥᱤᱴᱤ ᱞᱮᱠᱟ ᱜᱮ ᱢᱮᱱᱟᱜᱼᱟ ᱟᱨ ᱞᱚᱱᱰᱚᱱ ᱠᱷᱚᱱ ᱠᱤᱪᱷᱩ ᱦᱩᱰᱤᱧ ᱜᱮᱭᱟ, ᱡᱟᱦᱟᱸ ᱫᱚ ᱯᱟᱨᱛᱷ ᱫᱚ ᱡᱮᱜᱮᱛ ᱨᱮᱱᱟᱜ ᱖᱗ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱨᱤ ᱴᱚᱴᱷᱟ ᱠᱟᱱᱟ ᱾ ᱕᱐,᱐᱐᱐ ᱠᱷᱚᱱ ᱰᱮᱦᱮᱨ ᱦᱚᱲ ᱮᱞ ᱥᱟᱶᱛᱮ ᱯᱮᱨᱛᱷ ᱫᱚ ᱡᱮᱜᱮᱛ ᱨᱮᱱᱟᱜ ᱙᱙᱐ ᱥᱚᱦᱚᱨᱤ ᱴᱚᱴᱷᱟ ᱠᱷᱚᱱ ᱕᱐ ᱟᱱᱟᱜ ᱟᱹᱰᱤ ᱠᱚᱢ ᱦᱚᱲ ᱮᱞ ᱟᱜ ᱴᱚᱴᱷᱟ ᱠᱟᱱᱟ ᱾
ᱦᱚᱲ ᱞᱮᱠᱷᱟ
ᱪᱟᱪᱞᱟᱣ
ᱠᱟᱹᱣᱰᱤ ᱟᱹᱨᱤ
ᱥᱮᱪᱮᱫ
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
- Watch historical footage of Perth and Western Australia from the National Film and Sound Archive of Australia's collection.
- Historical photos of Perth from the State Library of Western Australia
- Tourism Australia Page
- Metropolitan Region Scheme Archived ᱒᱔ ᱥᱮᱯᱴᱮᱢᱵᱚᱨ ᱒᱐᱒᱑ at the Wayback Machine. – The Department of Planning, Lands and Heritage
- Metropolitan Perth LGA boundaries Archived ᱒᱙ ᱰᱤᱥᱮᱢᱵᱚᱨ ᱒᱐᱒᱑ at the Wayback Machine. – The Department of Primary Industries and Regional Development
This article uses material from the Wikipedia ᱥᱟᱱᱛᱟᱲᱤ article ᱯᱟᱨᱛᱷ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.