Perth (IPA ) a l'è la capitala del Stat federad de l'Australia Ocidental.
Quest articol chì l'è scrivud in lombard, con la Noeuva Ortografia Lombarda |
A l'è la quarta cità pussee popolosa d'Australia dop de Sydney, Melbourne e Brisbane e la pussee popolosa de la costa ocidentala del Paes con 2.1 milion (80% del stat) in de la Greater Perth, el so nom a l'è un omagg a la cità de Perth in Scozzia.
Perth la se spantega longh el fium Swan, ciamad inscì per i nativ cign negher del Willem de Vlamingh, capitan de una spedizzion olandesa; a ovest la gh'ha l'Ocean Indian e a est i antighe Darling Ranges.
El sit indova incoeu la gh'è Perth a l'è stad abitad per miara de agn di grup de la tribù Nyoongar. In del dicember del 1696 tre nav comandade del Willem de Vlamingh - el Nijptangh, el Geelvinck e l'Het Weseltje - s'inn fermad denanz de Rottnest Island. El 5 de sgenar del 1697 un grup el riva in su la terra-ferma, arent a quella che incoeu l'è Cottesloe Beach e la va vers est in direzzion del fium Swan vesin a Freshwater Bay. Perth la vegn fondada in del 1829 'me colonia in sul fium Swan, ma la cress adasi in fina al 1850, quand che i presoner inn stad portad chì per havé pussee de manodopera. Però el desvilup de Perth a l'è stad inferior a quell di olter cità de l'est, in fina a la descoverta de l'or in di agn 90 del Vot-cent che la fa andà su la popolazzion de quater voeulte pussee in domà un deceni.
This article uses material from the Wikipedia Lumbaart article Perth, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.