ᱥᱚᱠᱨᱮᱴᱤᱥ(en.Socrates) (ᱡᱟᱱᱟᱢ– ᱡᱤᱥᱩ ᱡᱟᱱᱟᱢ ᱕᱗᱐ ᱥᱮᱨᱢᱟ ᱞᱟᱦᱟ, ᱜᱚᱡ– ᱡᱤᱥᱩ ᱡᱟᱱᱟᱢ ᱓᱙᱙ ᱥᱮᱨᱢᱟ) ᱫᱚ ᱥᱮᱫᱟᱭ ᱜᱨᱤᱠ ᱫᱟᱨᱥᱚᱱᱤᱠ ᱠᱟᱱᱟᱭ᱾ ᱱᱩᱭ ᱫᱟᱨᱥᱚᱱᱤᱠ ᱵᱮᱯᱟᱨ ᱛᱮ ᱫᱚ ᱠᱷᱟᱹᱞᱤ ᱩᱱᱤ ᱨᱮᱱ ᱪᱮᱞᱟ ᱯᱞᱮᱴᱚ ᱭᱟᱜ ᱰᱟᱭᱟᱞᱚᱜ ᱟᱨ ᱥᱳᱭᱱᱤᱠ ᱡᱮᱱᱳᱯᱷᱚᱱ ᱟᱜ ᱚᱞ ᱠᱚ ᱨᱮ ᱜᱮ ᱵᱟᱰᱟᱭᱚᱜᱼᱟ᱾ ᱤᱱᱟᱹ ᱚᱠᱛᱮ ᱨᱮᱱ ᱥᱟᱥᱚᱠ ᱩᱱᱤ ᱫᱚ ᱦᱮᱢᱞᱚᱠ ᱵᱤᱥ ᱡᱚᱢ ᱟᱪᱚ ᱠᱟᱛᱮᱜ ᱠᱚ ᱜᱚᱡ ᱠᱟᱫᱮᱭᱟ᱾ ᱩᱱᱤ ᱫᱚ ᱯᱷᱟᱹᱪᱷᱤᱢ ᱫᱟᱨᱥᱚᱱᱤᱠ ᱨᱮᱱ ᱵᱩᱴᱟᱹ ᱠᱚ ᱢᱮᱛᱟᱭᱟ᱾ ᱩᱱᱤ ᱫᱚ ᱱᱚᱠᱟᱱ ᱟᱹᱫᱟᱨᱥᱚᱱᱤᱠ ᱪᱤᱱᱛᱟᱹ ᱠᱚ ᱨᱮᱱᱟᱜᱼᱮ ᱪᱟᱞ ᱞᱮᱫᱟ ᱚᱠᱟ ᱫᱚ ᱒᱐᱐᱐ ᱥᱮᱨᱢᱟ ᱦᱟᱵᱤᱡ ᱯᱟᱪᱷᱤᱥ ᱫᱤᱥᱟᱹᱢ ᱠᱚ ᱨᱮᱱᱟᱜ ᱞᱟᱠᱪᱟᱨ, ᱫᱚᱨᱥᱚᱱ ᱟᱨ ᱥᱚᱵᱵᱷᱚᱛᱟᱭ ᱤᱱᱯᱷᱞᱩᱭᱮᱱᱥ ᱞᱮᱫᱟ᱾ ᱥᱚᱠᱨᱮᱴᱤᱥ ᱫᱚ ᱟᱰᱤ ᱱᱟᱯᱟᱭ ᱢᱤᱫ ᱢᱟᱪᱮᱫ ᱮ ᱛᱟᱦᱮ ᱠᱟᱱᱟ᱾ ᱩᱱᱤ ᱫᱚ ᱠᱷᱟᱞᱤ ᱤᱥᱠᱩᱞ ᱠᱚ ᱨᱮ ᱯᱟᱲᱦᱟᱜ ᱫᱚ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮ ᱠᱟᱱᱟ᱾ ᱡᱟᱸᱦᱟᱸ ᱨᱮ ᱜᱮ ᱡᱟᱸᱦᱟᱸᱭᱮ ᱧᱟᱢᱮᱜ ᱠᱚ ᱛᱟᱦᱮᱱ ᱚᱸᱰᱮ ᱜᱮ ᱯᱷᱟᱱᱰᱟᱢᱮᱱᱴᱟᱞ ᱠᱩᱠᱞᱤ ᱠᱚᱭ ᱵᱩᱡᱽᱦᱟᱹᱣ ᱟᱠᱚ ᱠᱟᱱ ᱛᱟᱦᱮᱱᱟ᱾
ᱥᱚᱢᱨᱮᱴᱤᱥ ᱚᱡ ᱡᱟᱷᱟᱱᱟᱜᱼᱮ ᱚᱞ ᱟᱴᱚ ᱟᱠᱟᱫᱟ ᱱᱚᱠᱟᱱ ᱡᱟᱦᱟᱱᱟᱜ ᱫᱚ ᱵᱟᱹᱱᱩᱜᱼᱟ᱾ ᱮᱨᱤᱥᱴᱚᱯᱷᱮᱱᱤᱥᱟᱜ ᱱᱟᱴᱚᱠ ᱫᱚ ᱠᱞᱟᱣᱰ ᱨᱮ ᱥᱚᱠᱨᱮᱴᱤᱥ ᱫᱚ ᱢᱤᱫ ᱴᱮᱱ ᱵᱷᱟᱲ ᱦᱤᱥᱟᱹᱵ ᱛᱮᱭ ᱧᱮᱞᱚᱜ ᱠᱟᱱᱟ ᱚᱠᱚᱭ ᱫᱚ ᱟᱡ ᱨᱮᱱ ᱪᱮᱞᱟ ᱠᱚ ᱪᱮᱫ ᱟᱠᱚ ᱠᱟᱱᱟ ᱪᱮᱠᱟᱛᱮ ᱵᱩᱫᱫᱷᱤ ᱠᱷᱟᱴᱟᱣ ᱠᱟᱛᱮᱜ ᱯᱟᱧᱪᱟ ᱠᱷᱚᱱ ᱢᱩᱠᱛᱤ ᱧᱟᱢᱚᱜᱼᱟ᱾ ᱮᱨᱤᱥᱴᱚᱯᱷᱮᱱᱤᱥᱟᱜ ᱚᱞ ᱫᱚ ᱰᱷᱤᱨᱵᱷᱟᱜ ᱜᱮ ᱞᱟᱸᱫᱟᱭ ᱞᱟᱹᱜᱤᱫ ᱚᱞ ᱟᱠᱟᱱᱟ᱾ ᱚᱱᱟᱛᱮ ᱱᱤᱭᱟᱹ ᱡᱚᱛᱚ ᱴᱷᱤᱠ ᱚᱞ ᱢᱮᱱᱟᱜᱼᱟ ᱵᱟᱝ ᱢᱮᱱᱚᱜ ᱠᱟᱱᱟ᱾
ᱯᱞᱮᱴᱚᱭᱟᱜ ᱚᱞ ᱨᱮ ᱫᱚ ᱥᱚᱠᱨᱮᱴᱤᱥ ᱟᱡ ᱵᱟᱵᱟᱣᱟᱜ ᱧᱤᱛᱩᱢ ᱫᱚ ᱥᱚᱯᱷᱨᱚᱱᱤᱥᱠᱟᱥ ᱟᱨ ᱜᱚᱜᱚᱣᱟᱜ ᱧᱤᱛᱩᱢ ᱫᱚ ᱯᱷᱤᱱᱟᱨᱤᱴᱤ ᱩᱱ ᱫᱚ ᱫᱟᱹᱨᱜᱷᱤᱱ ᱵᱩᱰᱽᱦᱤᱭ ᱛᱟᱷᱮ ᱠᱟᱱᱟ᱾ ᱥᱚᱠᱨᱮᱴᱤᱥ ᱨᱮᱱ ᱵᱟᱹᱦᱩ ᱥᱮ ᱮᱨᱟᱣᱟᱜ ᱧᱤᱛᱩᱢ ᱫᱚ ᱡᱟᱱᱛᱷᱤᱯᱤ, ᱩᱱᱤ ᱫᱚ ᱥᱚᱠᱨᱮᱴᱤᱥ ᱠᱷᱚᱱ ᱩᱢᱮᱞ ᱛᱮ ᱟᱹᱰᱤ ᱠᱟᱹᱴᱤᱡ ᱮ ᱛᱟᱦᱮ ᱠᱟᱱᱟ᱾ ᱜᱷᱟᱨᱚᱡᱽ ᱨᱮ ᱯᱮᱭᱟ ᱠᱚᱲᱟ ᱜᱤᱫᱽᱨᱟᱹ ᱠᱚ ᱛᱟᱦᱮᱠᱟᱱ ᱛᱟᱹᱠᱤᱱᱟ᱾ ᱩᱝᱠᱩᱣᱟᱜ ᱧᱤᱛᱩᱢ ᱫᱚ ᱞᱟᱢᱯᱨᱚᱠᱞᱤᱥ, ᱥᱚᱯᱷᱨᱳᱱᱤᱥᱠᱟᱥ ᱟᱨ ᱢᱮᱱᱮᱡᱮᱱᱟᱥ᱾ ᱥᱚᱠᱨᱮᱴᱤᱥ ᱟᱭᱟᱜ ᱥᱟᱥᱛᱤ ᱦᱩᱭᱩᱜ ᱞᱟᱦᱟᱨᱮ ᱫᱟᱹᱲᱡᱚᱝ ᱫᱚ ᱵᱟᱝ ᱟᱸᱡᱚᱢ ᱞᱮᱫ ᱛᱟᱷᱮᱱᱟ᱾ ᱟᱡ ᱨᱮᱱ ᱜᱤᱫᱽᱨᱟᱹ ᱠᱚᱭ ᱵᱟᱜᱤᱭᱟᱜ ᱠᱚ ᱛᱟᱦᱮᱱ ᱛᱮ ᱜᱟᱛᱮ ᱛᱟᱭ ᱠᱨᱤᱴᱚ ᱫᱚ ᱟᱹᱰᱤᱥ ᱮᱜᱮᱨ ᱞᱤᱫᱤᱭᱟ᱾ ᱥᱚᱠᱨᱮᱴᱤᱥ ᱫᱚ ᱡᱤᱥᱩ ᱡᱟᱱᱟᱢᱚᱜ ᱔᱗᱐ ᱥᱮᱨᱢᱟ ᱞᱟᱷᱟᱨᱮ ᱜᱨᱤᱠ ᱨᱮᱱᱟᱜ ᱮᱛᱷᱮᱱᱥ ᱱᱚᱜᱚᱨ ᱨᱮ ᱮᱞᱚᱯᱟᱠᱤ ᱠᱷᱚᱸᱰ ᱨᱮᱭ ᱡᱟᱱᱟᱢ ᱞᱮᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱥᱚᱠᱨᱮᱴᱤᱥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.