ᱞᱟᱛᱟᱨ ᱨᱮ ᱞᱟᱹᱭ ᱟᱠᱟᱱ ᱞᱮᱜᱽ ᱠᱟᱱ ᱵᱮᱵᱷᱟᱨ ᱟᱨ ᱢᱟᱱᱟᱣ ᱵᱟᱛᱟᱣ ( Code of Conduct ) ᱫᱚ ᱣᱤᱠᱤᱢᱮᱰᱤᱭᱟ ᱜᱟᱞᱚᱪ ᱫᱩᱯᱲᱩᱵ, ᱣᱤᱠᱤᱢᱮᱰᱤᱭᱟ ᱩᱫᱩᱜ ᱥᱚᱫᱚᱨ ᱟᱨ ᱣᱤᱠᱤᱢᱮᱰᱤᱭᱟ ᱢᱤᱫᱩᱱ ᱵᱮᱲᱟ ᱨᱮᱭᱟᱜ ᱨᱟᱭᱨᱤᱛ ᱠᱟᱱᱟ ᱾
ᱢᱤᱫ ᱨᱟᱲᱟ ᱟᱨ ᱟᱛᱟᱝ ᱫᱟᱨᱟᱢ ᱞᱮᱠᱟᱱ ᱜᱩᱴ ᱵᱟᱝᱢᱟ ᱠᱚᱢᱩᱱᱤᱴᱤ (Community) ᱩᱫᱽᱜᱟᱹᱣ ᱞᱟᱹᱜᱤᱫ ᱛᱮ, ᱡᱟᱹᱛ, ᱫᱷᱚᱨᱚᱢ, ᱡᱟᱱᱟᱝ, ᱵᱚᱭᱚᱥ, ᱨᱩᱯ, ᱨᱚᱝ, ᱦᱚᱲᱢᱚ ᱜᱚᱲᱦᱚᱱ, ᱩᱭᱦᱟᱹᱨ ᱵᱷᱟᱵᱽᱱᱟ, ᱴᱚᱴᱷᱟ, ᱫᱤᱥᱚᱢ ᱢᱩᱞᱩᱠ, ᱟᱯᱟᱱ ᱟᱹᱯᱤᱱ ᱪᱟᱹᱭᱪᱚᱞᱚᱱ, ᱩᱥᱩᱞ ᱯᱷᱮᱰ ᱦᱩᱰᱤᱧ ᱢᱟᱨᱟᱝ ᱵᱟᱝ ᱢᱚᱱᱮ ᱠᱟᱛᱮ ᱥᱟᱱᱟᱢ ᱠᱚ ᱜᱮ ᱜᱩᱱ ᱢᱟᱱ ᱛᱮ ᱵᱚᱱ ᱵᱮᱵᱷᱟᱨ ᱠᱚᱣᱟ ᱾ ᱡᱮᱢᱚᱱ ᱚᱠᱚᱭ ᱦᱚᱸ ᱢᱚᱱᱮᱨᱮ ᱵᱚᱛᱚᱨ, ᱦᱟᱞᱠᱟᱯ (harassment), ᱟᱹᱲᱤᱥ ᱟᱨ ᱠᱩᱪᱤᱛ ᱟᱞᱚ ᱠᱚ ᱵᱩᱡᱷᱟᱹᱣ ᱢᱟ ᱾
ᱱᱟᱶᱟ ᱡᱚᱯᱚᱲᱟᱣ ᱟᱠᱟᱱᱟ ᱟᱨᱵᱟᱝ ᱢᱟᱬᱟᱝ ᱠᱷᱚᱱ ᱡᱚᱯᱚᱲᱟᱣ ᱢᱮᱱᱟᱜ ᱵᱚᱱ ᱥᱟᱱᱟᱢ ᱠᱚ ᱥᱚᱢᱟᱱ ᱜᱮ ᱢᱤᱫ ᱜᱮ ᱢᱚᱱᱮᱨᱮ ᱠᱷᱟᱴᱚ ᱵᱟᱝ ᱩᱭᱦᱟᱹᱨ ᱠᱟᱛᱮ ᱥᱟᱱᱟᱢ ᱠᱚ ᱢᱤᱫ ᱵᱟᱨ ᱡᱟᱦᱟᱸ ᱛᱤᱱᱟᱹᱜ ᱜᱮ ᱵᱚᱱ ᱵᱟᱰᱟᱭ ᱡᱚᱛᱚ ᱜᱮ ᱵᱚᱱ ᱞᱟᱹᱯᱟᱹᱭ ᱪᱮᱯᱮᱫ ᱦᱟᱹᱯᱟᱹᱴᱤᱧᱟ ᱾ ᱥᱟᱶᱛᱮ ᱱᱟᱶᱟ ᱮᱱᱮᱢᱤᱭᱟᱹ ᱠᱚ ᱡᱚᱛᱚ ᱜᱮ ᱵᱚᱱ ᱟᱛᱟᱝ ᱫᱟᱨᱟᱢ ᱟᱨ ᱥᱟᱨᱦᱟᱣ ᱠᱚᱣᱟ, ᱡᱮᱢᱚᱱ ᱟᱵᱚᱣᱟᱜ ᱜᱩᱴ ᱵᱟᱝᱢᱟ ᱠᱚᱢᱩᱱᱤᱴᱤ ᱞᱟᱹᱜᱤᱫ ᱥᱚᱨᱮᱥ ᱮᱱᱮᱢ ᱠᱚ ᱮᱢ ᱫᱟᱲᱮᱭᱟᱜ ᱢᱟ ᱾
ᱱᱚᱶᱟ ᱫᱩᱯᱩᱲᱩᱵ ᱨᱮ ᱢᱤᱫ ᱦᱚᱲ ᱵᱷᱟᱫᱮᱥ ᱟᱨᱵᱟᱝ ᱵᱟᱹᱲᱤᱡ ᱵᱮᱵᱷᱟᱨ ᱞᱮᱠᱟᱱ ᱯᱟᱹᱣᱲᱤ ᱟᱞᱚᱵᱚᱱ ᱞᱟᱦᱟᱭ ᱢᱟ ᱾ ᱣᱤᱠᱤᱢᱮᱰᱤᱭᱟ ᱴᱮᱠᱱᱤᱠᱟᱞ ᱜᱟᱞᱚᱪᱚᱜ ᱠᱟᱱ ᱚᱠᱛᱚ ᱨᱮ ᱫᱟᱹᱭᱠᱟᱹ ᱞᱮᱠᱟ ᱛᱮ ᱵᱚᱱ ᱞᱟᱹᱭᱟ, ᱢᱮᱱᱠᱷᱟᱱ ᱚᱱᱟ ᱫᱟᱹᱭᱠᱟᱹ ᱠᱚᱫᱚ ᱱᱚᱝᱠᱟ ᱟᱞᱚ ᱦᱩᱭᱩᱜ ᱢᱟ ᱾ ᱡᱮᱞᱮᱠᱟ :-
ᱡᱟᱦᱟᱸᱭ ᱦᱚᱲ ᱵᱟᱝ ᱟᱯᱱᱟᱨᱚᱜ ᱠᱟᱱ ᱞᱮᱠᱟᱱ ᱵᱮᱵᱷᱟᱨ ᱮ ᱥᱟᱢᱟᱝ ᱠᱮᱫᱼᱟ ᱟᱨᱵᱟᱝ ᱮ ᱟᱹᱭᱠᱟᱹᱣ ᱧᱟᱢ ᱠᱮᱫᱼᱟ, ᱩᱱᱤ ᱫᱚ ᱱᱚᱣᱟ ᱞᱟᱛᱟᱨ ᱨᱮᱭᱟᱜ ᱛᱤᱱᱟᱹᱝ ᱜᱟᱱ ᱛᱟᱲᱟᱢ ᱦᱚᱨ ᱮ ᱯᱟᱸᱡᱟᱭ ᱢᱟ ᱾
᱑ᱹ ᱚᱠᱚᱭ ᱠᱚᱵᱚᱱ ᱵᱟᱰᱟᱭ ᱠᱮᱫᱼᱟ ᱟᱨᱢᱤᱫ ᱦᱚᱲ ᱤᱫᱤ ᱠᱟᱛᱮ ᱵᱟᱹᱲᱤᱡ ᱠᱚ ᱨᱚᱲ ᱠᱟᱱᱟ ᱩᱱᱠᱩ ᱫᱚ ᱩᱥᱟᱹᱨᱟ ᱛᱮᱜᱮ ᱚᱱᱟ ᱨᱚᱲ ᱫᱚᱠᱚ ᱛᱷᱩᱠᱟᱹᱢ ᱢᱟ ᱾ ᱟᱨ ᱩᱱᱠᱩ ᱫᱚ ᱞᱮᱜᱽ ᱠᱟᱱ ᱵᱮᱵᱷᱟᱨ ᱟᱨ ᱢᱟᱱᱟᱣ ᱵᱟᱛᱟᱣ ᱨᱤᱛ ᱪᱮᱛᱟᱱ ᱨᱮ ᱪᱤᱨᱜᱟᱹᱞ ᱠᱚᱢᱟ ᱾
᱒ᱹ ᱢᱤᱫᱩᱱ ᱟᱨᱵᱟᱝ ᱫᱩᱯᱲᱩᱵ ᱪᱟᱞᱟᱜ ᱠᱟᱱ ᱚᱠᱛᱚ ᱨᱮ ᱱᱚᱝᱠᱟᱱ ᱵᱟᱹᱲᱤᱡ ᱵᱮᱵᱷᱟᱨ ᱠᱚ ᱵᱟᱰᱟᱭ ᱠᱟᱛᱮ ᱫᱚᱦᱲᱟᱜ ᱠᱷᱟᱱ ᱚᱱᱟ ᱠᱟᱛᱷᱟ ᱫᱚ ᱜᱟᱞᱚᱪ ᱥᱟᱯᱲᱟᱣᱤᱭᱟᱹ ᱴᱷᱮᱱ ᱞᱟᱹᱭ ᱥᱚᱫᱚᱨ ᱞᱟᱹᱠᱛᱤᱜ ᱠᱟᱱᱟ ᱾
᱓ᱹ ᱵᱟᱹᱲᱤᱡ ᱮ ᱵᱮᱵᱷᱟᱨ ᱮᱫ ᱦᱚᱲ ᱡᱩᱫᱤ ᱵᱟᱭ ᱵᱩᱡᱷᱟᱹᱣᱜ ᱠᱟᱱᱟ, ᱮᱱᱠᱷᱟᱱ ᱟᱡᱟᱜ ᱵᱟᱹᱲᱤᱡ ᱵᱮᱵᱷᱟᱨ ᱤᱫᱤ ᱠᱟᱛᱮ ᱥᱤᱫᱷᱟᱹ Code of Conduct Committee via [email protected]. ᱴᱷᱮᱱ ᱵᱷᱮᱡᱟ ᱦᱩᱭᱩᱜᱼᱟ ᱾
ᱨᱤᱯᱳᱴ ᱫᱚ ᱦᱩᱰᱤᱧ ᱫᱷᱟᱨᱟ ᱜᱮ ᱵᱮᱥᱼᱟ ᱾ ᱮᱱ ᱦᱚᱸ ᱢᱟᱱᱟᱣ ᱵᱟᱛᱟᱣ ᱠᱩᱢᱩᱴ ᱵᱩᱡᱷᱟᱹᱣ ᱞᱟᱹᱜᱤᱫ ᱛᱮ ᱯᱟᱨᱦᱟᱲ ᱫᱷᱟᱨᱟ ᱚᱞ ᱟᱹᱰᱤ ᱡᱟᱹᱨᱩᱲ ᱜᱮᱭᱟ ᱾
ᱞᱮᱠ ᱠᱟᱱ ᱵᱮᱵᱷᱟᱨ ᱟᱨ ᱢᱟᱱᱟᱣ ᱵᱟᱛᱟᱣ ᱨᱟᱭᱨᱤᱛ ᱠᱚᱫᱚ ᱞᱟᱛᱟᱨ ᱨᱮ ᱠᱷᱚᱸᱡᱟ ᱟᱠᱟᱱ ᱡᱚᱱᱚᱲ ᱠᱷᱚᱱ ᱟᱹᱜᱩ ᱟᱠᱟᱱᱟ ᱾
ᱣᱤᱠᱤᱢᱮᱰᱤᱭᱟ ᱠᱩᱢᱩᱴ ᱫᱚ ᱡᱚᱛᱚ ᱦᱚᱲᱟᱜ ᱮᱱᱮᱢ ᱜᱮᱭ ᱟᱯᱱᱟᱨᱟ ᱾ ᱟᱨ ᱮᱱᱮᱢᱤᱭᱟᱹ ᱠᱚ ᱨᱟᱹᱥᱠᱟᱹ ᱚᱪᱚ ᱠᱚ ᱞᱟᱹᱜᱤᱫ ᱛᱮ ᱱᱚᱝᱠᱟᱱ ᱫᱩᱯᱲᱩᱵ ᱠᱚᱭ ᱫᱩ~ᱫᱮᱞᱟᱭᱟ ᱾ ᱮᱱᱮᱢᱤᱭᱟᱹ ᱠᱚ ᱩᱫᱽᱜᱟᱹᱣ ᱠᱟᱛᱮ ᱣᱤᱠᱤᱢᱮᱰᱤᱭᱟ ᱵᱟᱠᱚ ᱵᱮᱵᱷᱟᱨ ᱨᱮᱦᱚᱸ ᱚᱱᱟ ᱨᱮ ᱵᱟᱠᱚ ᱠᱟᱹᱢᱤ ᱨᱮᱦᱚᱸ ᱱᱚᱣᱟ ᱵᱮᱵᱷᱟᱨ ᱟᱨ ᱢᱟᱱᱟᱣ ᱵᱟᱛᱟᱣ ᱟᱹᱱᱟᱹᱨᱤ ᱠᱚᱫᱚ ᱠᱚ ᱟᱯᱱᱟᱨ ᱢᱟ ᱜᱮ ᱢᱮᱱᱛᱮ ᱣᱤᱠᱤᱢᱮᱰᱤᱭᱟ ᱠᱩᱢᱩᱴ ᱯᱟᱦᱴᱟ ᱠᱷᱚᱱ ᱟᱸᱥ ᱠᱚ ᱫᱚᱦᱚ ᱠᱮᱫᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱣᱤᱠᱤᱯᱤᱰᱤᱭᱟ:ᱞᱮᱜᱽ ᱠᱟᱱ ᱵᱮᱵᱷᱟᱨ ᱟᱨ ᱢᱟᱱᱟᱣ ᱵᱟᱛᱟᱣ ( Code of Conduct ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.