ᱡᱚᱝᱠᱷᱟ, ᱥᱮ ᱵᱷᱩᱴᱟᱱᱤᱥ (རྫོང་ཁ་, ), ᱫᱚ ᱢᱤᱫ ᱴᱮᱱ ᱪᱤᱱᱟᱼᱛᱤᱵᱵᱛᱤ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱵᱷᱩᱴᱟᱱ ᱫᱤᱥᱚᱢ ᱨᱮ ᱢᱚᱬᱮ ᱞᱟᱠᱷ ᱜᱟᱱ ᱦᱚᱲ ᱠᱚ ᱨᱚᱲᱼᱮᱫ ᱠᱟᱱᱟ ᱾ ᱱᱚᱣᱟ ᱜᱮ ᱵᱷᱩᱴᱟᱱ ᱨᱟᱡᱽ ᱨᱮᱭᱟᱜ ᱮᱠᱞᱟ ᱢᱤᱫ ᱥᱚᱨᱠᱟᱨᱤ ᱟᱨ ᱡᱟᱹᱛᱤᱭᱟᱹᱨᱤ ᱯᱟᱹᱨᱥᱤ ᱠᱟᱱᱟ ᱾ ᱛᱤᱵᱵᱽᱛᱤ ᱪᱤᱠᱤ ᱛᱮ ᱡᱚᱝᱠᱷᱟ ᱯᱟᱹᱨᱥᱤ ᱫᱚ ᱚᱞᱚᱜ ᱠᱟᱱᱟ ᱾
ᱡᱚᱝᱠᱷᱟ | |
---|---|
ᱵᱷᱩᱴᱟᱱᱤᱥ | |
རྫོང་ཁ་ | |
ᱡᱟᱱᱟᱢ ᱴᱷᱟᱶ | ᱵᱷᱩᱴᱟᱱ |
ᱡᱟᱹᱛ | ᱵᱷᱩᱴᱟᱱᱤᱥ |
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ | ᱑᱗᱑,᱐᱘᱐ (᱒᱐᱑᱓) ᱞᱮᱠᱷᱟᱜᱩᱴ ᱨᱚᱲᱼᱦᱚᱲ: ᱖᱔᱐,᱐᱐᱐ |
ᱪᱤᱱᱟᱼᱛᱤᱵᱵᱚᱛᱤ
| |
ᱵᱮᱵᱷᱟᱨ ᱮᱦᱚᱵ | |
Dialects | |
ᱚᱞ ᱛᱚᱦᱚᱨ | ᱛᱤᱵᱵᱚᱛᱤ ᱦᱚᱨᱚᱯ ᱡᱚᱝᱠᱷᱟ ᱵᱽᱨᱮᱭᱤᱞ |
ᱥᱚᱨᱠᱟᱨᱤ ᱢᱟᱱᱚᱛ | |
ᱟᱹᱢᱟᱹᱞᱮᱛ ᱯᱟᱹᱨᱥᱤ ᱴᱚᱴᱷᱟ | ᱵᱷᱩᱴᱟᱱ |
ᱥᱟᱢᱵᱽᱲᱟᱣᱤᱭᱟᱹ | ᱡᱚᱝᱠᱷᱟ ᱩᱛᱷᱱᱟᱹᱣ ᱠᱚᱢᱤᱥᱚᱱ |
ᱯᱟᱹᱨᱥᱤ ᱠᱳᱰ | |
ISO 639-1 | dz |
ISO 639-2 | dzo |
ISO 639-3 | dzo – inclusive codeIndividual codes: lya – Layaluk – Lunanaadp – Adap |
ᱜᱞᱳᱴᱳᱞᱳᱜᱽ | nucl1307 |
ᱯᱟᱹᱨᱥᱤ ᱴᱚᱴᱷᱟ | 70-AAA-bf |
ᱟᱭᱚ ᱟᱲᱟᱝ ᱞᱮᱠᱟᱛᱮ ᱡᱚᱝᱠᱷᱟ ᱨᱚᱲᱼᱮᱫ ᱠᱟᱱ ᱦᱚᱱᱚᱛ ᱠᱚ ᱥᱟᱥᱟᱝ ᱨᱚᱝ ᱛᱮ ᱩᱫᱩᱜ ᱦᱩᱭᱟᱠᱟᱱᱟ ᱾ | |
ᱡᱚᱝᱠᱷᱟ ᱟ.ᱲᱟ. ᱨᱮᱭᱟᱜ ᱢᱮᱱᱮᱫ ᱫᱚ ᱦᱩᱭᱩᱜ ᱠᱟᱱᱟ ᱴᱚᱴᱷᱟ (ᱫᱤᱥᱚᱢ) ᱨᱮᱭᱟᱜ ᱯᱟᱹᱨᱥᱤ; ᱠᱷᱟ ᱢᱮᱱᱮᱫ ᱯᱟᱹᱨᱥᱤ, ᱟᱨ ᱡᱚᱝ ᱨᱮᱭᱟᱜ ᱢᱮᱱᱮᱫ ᱫᱚ ᱴᱚᱴᱷᱟ ᱥᱮ ᱫᱤᱥᱚᱢ ᱾ ᱒᱐᱑᱓ ᱨᱮᱭᱟᱜ ᱦᱚᱲ ᱞᱮᱠᱷ ᱞᱮᱠᱟ ᱛᱮ ᱑᱖᱑,᱐᱘᱐ ᱜᱟᱱ ᱦᱚᱲ ᱡᱚᱝᱠᱷᱟ ᱯᱟᱹᱨᱥᱤ ᱟᱭᱚ ᱟᱲᱟᱝ ᱞᱮᱠᱟ ᱛᱮ ᱠᱚ ᱨᱚᱲᱼᱟ, ᱟᱨ ᱥᱟᱱᱟᱢ ᱨᱮ ᱞᱮᱠᱷᱟᱜᱩᱴ ᱕᱔᱐,᱐᱐᱐ ᱜᱟᱱ ᱦᱚᱲ ᱡᱚᱝᱠᱷᱟ ᱯᱟᱹᱨᱥᱤ ᱠᱚ ᱨᱚᱲᱼᱟ ᱾
ᱡᱚᱝᱠᱷᱟ ᱟᱨ ᱚᱱᱟ ᱨᱮᱭᱟᱜ ᱪᱟᱸᱜᱟ ᱯᱟᱹᱨᱥᱤ ᱯᱟᱪᱮ ᱵᱷᱩᱴᱟᱱ ᱨᱮᱭᱟᱜ ᱤᱨᱟᱹᱞ ᱜᱚᱴᱟᱝ ᱦᱚᱱᱚᱛ (ᱣᱟᱝᱰᱩ ᱯᱷᱚᱫᱽᱨᱟᱝ, ᱯᱩᱱᱠᱷᱟ, ᱛᱷᱤᱢᱯᱩ, ᱜᱟᱥᱟ, ᱯᱟᱨᱳ, ᱦᱟ, ᱫᱟᱜᱟᱱᱟ ᱟᱨ ᱪᱩᱠᱷᱟ) ᱨᱮᱭᱟᱜ ᱛᱷᱟᱱᱤᱛ ᱯᱟᱹᱨᱥᱤ ᱠᱟᱱᱟ ᱾ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱠᱟᱞᱤᱢᱯᱚᱝ ᱨᱮᱦᱚᱸ ᱡᱚᱝᱠᱷᱟ ᱨᱚᱨᱚᱲ ᱦᱚᱲ ᱠᱚ ᱧᱟᱢᱚᱜ ᱜᱮᱭᱟ ᱾ ᱡᱟᱦᱟᱸ ᱫᱚ ᱯᱟᱹᱦᱤᱞ ᱵᱷᱩᱴᱟᱱ ᱨᱮ ᱛᱟᱦᱮᱸ ᱠᱟᱱᱟ, ᱱᱮᱛᱟᱨ ᱫᱚ ᱠᱚᱸᱭᱮ ᱵᱟᱝᱞᱟ ᱨᱮ ᱯᱟᱲᱟᱣ ᱟᱠᱟᱱᱟ ᱾
ᱡᱚᱝᱠᱷᱟ ᱫᱚ ᱑᱙᱗᱑ ᱥᱮᱨᱢᱟ ᱨᱮ ᱵᱷᱩᱴᱟᱱ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱯᱟᱹᱨᱥᱤ ᱞᱮᱠᱟᱛᱮ ᱩᱪᱷᱟᱹᱱ ᱟᱠᱟᱱᱟ ᱾ ᱡᱚᱝᱠᱷᱟ ᱯᱟᱹᱨᱥᱤ ᱫᱚ ᱵᱷᱩᱴᱟᱱ ᱨᱮᱭᱟᱜ ᱡᱚᱛᱚ ᱟᱥᱲᱟ ᱠᱚ ᱨᱮᱜᱮ ᱯᱟᱲᱦᱟᱣ ᱛᱮ ᱜᱮ ᱡᱟᱹᱨᱩᱲᱟ, ᱟᱨ ᱱᱚᱣᱟ ᱫᱚ ᱮᱛᱚᱢ-ᱯᱟᱪᱮ ᱦᱚᱱᱚᱛ ᱠᱚᱨᱮᱱᱟᱜ ᱞᱤᱝᱜᱩᱣᱟ ᱯᱷᱨᱟᱝᱠᱟ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱᱟ, ᱡᱟᱦᱟᱸ ᱨᱮ ᱱᱚᱣᱟ ᱫᱚ ᱫᱚ ᱚᱸᱰᱮ ᱱᱟᱜ ᱟᱭᱚ ᱟᱲᱟᱝ ᱵᱟᱝ ᱠᱟᱱᱟ ᱾ ᱒᱐᱐᱓ ᱨᱮᱭᱟᱜ ᱵᱷᱩᱴᱟᱱᱤᱥ ᱥᱤᱱᱮᱢᱟ Travellers and Magicians ᱫᱚ ᱯᱩᱨᱟᱹ ᱜᱮ ᱡᱚᱝᱠᱷᱟ ᱯᱟᱹᱨᱥᱤ ᱛᱮ ᱵᱮᱱᱟᱣ ᱟᱠᱟᱱᱟ ᱾
ᱡᱚᱝᱠᱷᱟ ᱯᱟᱹᱨᱥᱤ ᱫᱚ ᱛᱤᱵᱵᱚᱛᱤ ᱪᱤᱠᱤ ᱨᱮᱛᱟᱜ ᱯᱮ ᱜᱮᱞ ᱜᱟᱱ ᱢᱩᱞ ᱪᱤᱠᱤ ᱠᱚ ᱛᱮ ᱚᱞᱚᱜ ᱠᱟᱱᱟ, ᱚᱠᱟ ᱚᱠᱟ ᱫᱚ ᱱᱚᱣᱟ "ᱠᱚᱴᱴᱚᱨᱯᱚᱱᱛᱷᱤ" ᱠᱮᱪᱮᱫ ᱟᱲᱟᱝ ᱞᱮᱠᱟ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱᱟ ᱾ᱡᱚᱝᱠᱷᱟ ᱯᱟᱹᱨᱥᱤ ᱫᱚ ᱥᱟᱫᱷᱟᱨᱚᱱ ᱛᱮ ᱵᱷᱩᱴᱟᱱᱤᱥ ᱨᱩᱯ ᱨᱮᱭᱟᱜ ᱩᱪᱮᱱ ᱪᱤᱠᱤ ᱛᱮ ᱚᱞᱚᱜᱚᱜ ᱠᱟᱱᱟ, ᱛᱤᱵᱵᱚᱛᱤ ᱪᱤᱠᱤ ᱨᱮᱭᱟᱜ ᱨᱩᱯ ᱫᱚ ᱵᱟᱰᱟᱭᱚᱜ ᱠᱟᱱᱟ ᱡᱚᱭᱤ ᱢᱮᱱᱛᱮ "cursive longhand" ᱟᱨ ᱡᱳᱛᱥᱷᱩᱢ "formal longhand"ᱞᱮᱠᱟ ᱛᱮᱦᱚᱸ ᱾ ᱪᱷᱟᱯᱟᱜ ᱨᱩᱯ ᱫᱚ ᱵᱟᱰᱟᱭᱚᱜ ᱠᱟᱱᱟ ᱥᱟᱫᱷᱟᱨᱚᱱ Tshûm ᱞᱮᱠᱟ ᱛᱮ ᱾
ᱡᱚᱝᱠᱷᱟ ᱛᱮ ᱡᱮᱜᱮᱛᱟᱹᱨᱤ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱩᱪᱟᱹᱱ ᱨᱮᱭᱟᱜ ᱟᱨᱴᱤᱠᱮᱞ ᱑ :
ᱛᱤᱵᱵᱚᱛᱤ ᱪᱤᱠᱤ ᱛᱮ ᱡᱚᱝᱠᱷᱟ ᱚᱞ ༄༅། །འགྲོ་བ་མི་རིགས་ག་ར་དབང་ཆ་འདྲ་མཉམ་འབད་སྒྱེཝ་ལས་ག་ར་གིས་གཅིག་གིས་གཅིག་ལུ་སྤུན་ཆའི་དམ་ཚིག་བསྟན་དགོས།
ᱦᱚᱲ ᱛᱮ ᱚᱞ ᱟᱹᱨᱩ
ᱥᱟᱱᱟᱢ ᱢᱟᱱᱣᱟ ᱦᱚᱯᱚᱱ ᱜᱮ ᱢᱚᱥᱛᱮ ᱛᱮ ᱟᱨ ᱵᱟᱨᱟᱵᱟᱹᱨᱤ ᱢᱟᱱᱚᱛ ᱟᱨ ᱟᱹᱭᱫᱟᱹᱨᱤ ᱭᱟᱱ ᱛᱮᱠᱚ ᱡᱟᱱᱟᱢᱚᱜ ᱠᱟᱱᱟ ᱾ ᱩᱱᱠᱩ ᱫᱚ ᱡᱚᱛᱷᱟᱛ ᱠᱟᱛᱷᱟ ᱟᱨ ᱫᱤᱥᱼᱦᱩᱫᱤᱥᱟᱱ ᱛᱮ ᱠᱚ ᱪᱟᱞᱟᱣ ᱵᱟᱱᱟᱣᱚᱜᱼᱟ, ᱟᱨ ᱢᱤᱫ ᱮᱴᱟᱜᱤᱡ ᱛᱩᱞᱩᱡ ᱵᱚᱭᱦᱟ ᱥᱟᱹᱜᱟᱹᱭ ᱞᱮᱠᱟ ᱠᱚ ᱵᱮᱵᱷᱟᱨᱟ ᱾
ᱣᱤᱠᱤᱯᱤᱰᱤᱭᱟ ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱨᱮᱭᱟᱜ Dzongkha ᱮᱰᱤᱥᱟᱱ |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱡᱚᱝᱠᱷᱟ ᱯᱟᱹᱨᱥᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱣᱤᱠᱤᱥᱟᱸᱜᱷᱟᱨ ᱨᱮ ᱡᱚᱝᱠᱷᱟ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
This article uses material from the Wikipedia ᱥᱟᱱᱛᱟᱲᱤ article ᱡᱚᱝᱠᱷᱟ ᱯᱟᱹᱨᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.