ᱟᱵᱩᱡᱟ (/əˈbuːdɪdə/′ ᱦᱩᱭᱩᱜ ᱠᱟᱱᱟ ᱱᱟᱭᱡᱮᱨᱤᱭᱟ ᱨᱮᱭᱟᱜ ᱨᱟᱡᱽᱜᱟᱲ ᱟᱨ ᱤᱨᱟᱹᱞ ᱟᱱᱟᱜ ᱦᱚᱲ ᱞᱮᱠᱷᱟ ᱟᱱ ᱥᱟᱦᱟᱨ᱾ ᱫᱤᱥᱚᱢ ᱨᱮᱭᱟᱜ ᱛᱟᱞᱟ ᱨᱮ ᱯᱷᱮᱰᱟᱨᱮᱞ ᱠᱮᱯᱤᱴᱮᱞ ᱴᱨᱮᱴᱨᱤ ᱾(ᱮᱯᱷ.ᱥᱤ.ᱴᱤ) ᱢᱩᱫᱨᱮ ᱢᱮᱱᱟᱜ ᱱᱚᱣᱟ ᱫᱚ ᱢᱤᱫᱴᱟᱝ ᱩᱭᱦᱟᱹᱨ ᱟᱱ ᱥᱟᱦᱟᱨ ᱡᱟᱦᱟᱸ ᱫᱚ ᱢᱩᱲᱩᱫ ᱞᱮᱠᱟᱛᱮ ᱑᱙᱘᱐ ᱜᱮᱞ ᱥᱮᱨᱢᱟ ᱨᱮ ᱤᱱᱴᱟᱨᱱᱮᱥᱱᱮᱞ ᱯᱞᱮᱱᱤᱝ ᱮᱥᱳᱥᱤᱭᱮᱴ (ᱟᱭ.ᱯᱤ.ᱮ) ᱳᱭᱟᱞᱮᱥ, ᱨᱚᱯᱟᱨᱴᱥ, ᱢᱮᱠᱦᱟᱨᱜ ᱟᱨ ᱴᱳᱰ (ᱰᱞᱤᱭᱩᱭ ᱟᱨ ᱮᱢ ᱴᱤᱼ ᱢᱩᱲᱩᱫ ᱞᱮᱠᱟᱛᱮ ᱢᱤᱫ ᱜᱟᱫᱮᱞ ᱵᱮᱱᱟᱣ ᱠᱟᱹᱨᱤ, ᱟᱨᱪᱤ ᱥᱤᱥᱴᱮᱢᱥ ᱤᱱᱴᱟᱨᱱᱮᱥᱱᱟᱞ (ᱦᱟᱣᱟᱨᱰ ᱦᱩᱭᱡᱽ ᱠᱳᱨᱯᱳᱨᱮᱥᱚᱱ ᱟᱨ ᱯᱞᱮᱱᱤᱝ ᱨᱤᱥᱟᱨᱪ ᱠᱳᱨᱯᱳᱨᱮᱥᱚᱱ ᱨᱮᱭᱟᱜ ᱢᱤᱫᱴᱟᱝ ᱩᱯᱟᱹᱭᱟᱱ ᱛᱟᱞᱢᱟ) ᱫᱟᱨᱟᱭ ᱛᱮ ᱵᱮᱱᱟᱣ ᱯᱮᱭᱟ ᱢᱟᱨᱠᱤᱱ ᱩᱭᱦᱟᱹᱨ ᱟᱱ ᱟᱨ ᱵᱮᱱᱟᱣ ᱠᱟᱹᱨᱤ ᱜᱟᱶᱛᱟ ᱨᱮᱭᱟᱜ ᱢᱤᱫᱴᱟᱝ ᱡᱳᱴ᱾
ᱟᱵᱩᱡᱟ | |||
---|---|---|---|
ᱡᱩᱢᱤᱫᱽ ᱨᱟᱡᱽᱜᱟᱲ ᱥᱚᱦᱚᱨ and local government area | |||
| |||
ᱮᱴᱟᱜ ᱧᱩᱛᱩᱢ: ABJ | |||
ᱱᱟᱭᱡᱮᱨᱤᱭᱟ ᱨᱮ ᱟᱵᱩᱡᱟ ᱨᱮᱭᱟᱜ ᱴᱷᱟᱶ | |||
Coordinates: 9°4′N 7°29′E / 9.067°N 7.483°E 7°29′E / 9.067°N 7.483°E | |||
ᱫᱤᱥᱚᱢ | ᱱᱟᱭᱡᱮᱨᱤᱭᱟ | ||
ᱯᱚᱱᱚᱛ | ᱡᱩᱢᱤᱫᱽ ᱨᱟᱡᱽᱜᱟᱲ l | ||
Settled | 1828 | ||
Incorporated | 1 October 1984 | ||
Declared capital | 12 December 1991 | ||
ᱥᱚᱨᱠᱟᱨ | |||
• ᱞᱮᱠᱟᱱ | City management | ||
• ᱪᱟᱪᱞᱟᱣ | Abuja Metropolitan Management Council | ||
• Minister of the Federal Capital Territory | Nyesom Wike | ||
ᱮᱨᱤᱭᱟ | |||
• ᱡᱩᱢᱤᱫᱽ ᱨᱟᱡᱽᱜᱟᱲ ᱥᱚᱦᱚᱨ and local government area | 1476 ᱠᱤᱢᱤ২ (570 ᱜᱟᱺᱴ ᱢᱟᱭᱤᱞ) | ||
ᱥᱟᱦᱟᱨ • ᱱᱟᱜᱟᱨ | 927 ᱠᱤᱢᱤ২ (358 ᱜᱟᱺᱴ ᱢᱟᱭᱤᱞ) | ||
ᱩᱥᱩᱞ | 360 ᱢᱤᱴᱚᱨ (1180 ᱯᱷᱩᱴ) | ||
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2022 estimate) | ||
• ᱡᱩᱢᱤᱫᱽ ᱨᱟᱡᱽᱜᱟᱲ ᱥᱚᱦᱚᱨ and local government area | ᱑,᱖᱙᱓,᱔᱐᱐ | ||
• ᱫᱷᱟᱹᱲ ᱮᱞ | 7th | ||
• ᱰᱮᱱᱥᱤᱴᱤ | 1100/ᱠᱤᱢᱤ2 (3000/ᱜᱟᱺᱴ ᱢᱟᱹᱭᱤᱞ) | ||
• ᱱᱟᱜᱟᱨ | ᱓,᱗᱗᱐,᱐᱐᱐ | ||
• ᱱᱟᱜᱟᱨ ᱰᱮᱱᱥᱤᱴᱤ | 4066/ᱠᱤᱢᱤ2 (10530/ᱜᱟᱺᱴ ᱢᱟᱹᱭᱤᱞ) | ||
• ᱢᱟᱦᱟᱱᱟᱜᱟᱨ | ᱖,᱐᱐᱐,᱐᱐᱐ (estimated) | ||
ᱯᱤᱱ ᱠᱳᱰ | 900211–900288 | ||
ᱣᱮᱵᱽᱥᱟᱭᱤᱴ | fcta |
ᱟᱵᱩᱡᱟ ᱨᱮᱭᱟᱜ ᱛᱟᱞᱢᱟ ᱵᱮᱯᱟᱨ ᱦᱚᱱᱚᱛ ᱫᱚ ᱡᱟᱯᱟᱱᱤᱥ ᱵᱮᱱᱟᱣᱤᱡ ᱠᱮᱱᱡᱳ ᱴᱟᱝᱜᱮ ᱮ ᱰᱤᱡᱟᱭᱤᱱ ᱞᱮᱫᱟ᱾ ᱑᱒ ᱰᱤᱥᱮᱢᱵᱚᱨ ᱑᱙᱙᱑ ᱨᱮ ᱫᱤᱥᱚᱢ ᱨᱮᱭᱟᱜ ᱡᱚᱛᱚᱠᱷᱚᱱ ᱢᱟᱨᱟᱝ ᱦᱚᱲ ᱞᱮᱠᱷᱟ ᱟᱱ ᱥᱟᱦᱟᱨ ᱞᱮᱜᱳᱥ ᱵᱚᱫᱚᱞ ᱠᱟᱛᱮ ᱱᱚᱣᱟ ᱨᱟᱡᱽᱜᱟᱲ ᱞᱮᱠᱟᱛᱮ ᱛᱷᱟᱯᱚᱱ ᱞᱮᱱᱟ᱾
᱒᱐᱐᱖ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱟᱵᱩᱡᱟ ᱥᱟᱦᱟᱨ ᱨᱮᱱ ᱦᱚᱲ ᱞᱮᱠᱷᱟ ᱗,᱗᱖,᱒᱙᱘ ᱟᱨ ᱑,᱗᱙,᱖᱗᱔ ᱚᱲᱟᱜ ᱢᱮᱱᱟᱜᱼᱟ ᱱᱚᱣᱟ ᱫᱚ ᱱᱟᱭᱡᱮᱨᱤᱭᱟ ᱨᱮᱭᱟᱜ ᱜᱮᱞ ᱜᱚᱴᱟᱝ ᱦᱚᱲ ᱞᱮᱠᱷᱟ ᱥᱟᱦᱟᱨ ᱠᱚ ᱢᱩᱫᱨᱮ ᱢᱤᱫᱴᱟᱝ ᱠᱟᱱᱟ (᱒᱐᱐᱖ ᱥᱮᱨᱢᱟ ᱞᱮᱠᱟᱛᱮ ᱤᱨᱟᱹᱞ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ) ᱾ ᱡᱟᱹᱛᱤ ᱜᱟᱫᱮᱞ ᱟᱜ ᱨᱤᱯᱳᱨᱴ ᱞᱮᱠᱟᱛᱮ, ᱒᱐᱐᱐ ᱠᱷᱚᱱ ᱒᱐᱑᱐ ᱥᱮᱨᱢᱟ ᱢᱩᱫᱨᱮ ᱚᱵᱩᱡᱟ ᱑᱓᱙.᱑% ᱵᱟᱹᱲᱛᱤ ᱟᱠᱟᱱᱟ, ᱡᱟᱦᱟᱸ ᱱᱚᱶᱟ ᱫᱚ ᱡᱮᱜᱮᱫ ᱨᱮᱭᱟᱜ ᱞᱚᱜᱚᱱ ᱩᱛᱱᱟᱹᱣ ᱥᱟᱦᱟᱨ ᱨᱮ ᱵᱮᱱᱟᱣ ᱟᱠᱟᱱᱟ᱾ ᱒᱐᱑᱕ ᱥᱮᱨᱢᱟ ᱨᱮᱭᱟᱜ ᱞᱮᱠᱷᱟ ᱞᱮᱠᱟᱛᱮ, ᱥᱟᱦᱟᱨ ᱫᱚ ᱠᱚᱢ ᱠᱷᱚᱱ ᱠᱚᱢ ᱓᱕% ᱥᱮᱨᱢᱟ ᱨᱮᱭᱟᱜ ᱵᱟᱹᱲᱛᱤ ᱧᱮᱞ ᱟᱠᱟᱱᱟ, ᱡᱟᱦᱟᱸ ᱫᱚ ᱟᱯᱷᱨᱤᱠᱟ ᱢᱟᱦᱟ ᱫᱤᱥᱚᱢ ᱨᱮᱭᱟᱜ ᱞᱚᱜᱚᱱᱼᱵᱟᱹᱲᱚᱜ ᱥᱟᱦᱟᱨ ᱟᱨ ᱡᱮᱜᱮᱫ ᱨᱮᱭᱟᱜ ᱩᱥᱟᱹᱨᱟ ᱩᱛᱱᱟᱹᱣᱚᱜ ᱥᱟᱦᱟᱨ ᱠᱚ ᱢᱩᱫᱨᱮ ᱢᱤᱫᱴᱟᱝ ᱞᱮᱠᱟᱛᱮ ᱟᱡᱟᱜ ᱴᱷᱟᱶ ᱮ ᱫᱚᱦᱚ ᱟᱠᱟᱫᱟ᱾ ᱒᱐᱑᱖ ᱥᱮᱨᱢᱟ ᱨᱮᱭᱟᱜ ᱞᱮᱠᱷᱟ ᱞᱮᱠᱟᱛᱮ, ᱟᱵᱩᱡᱟ ᱨᱮᱭᱟᱜ ᱢᱟᱨᱟᱝ ᱴᱚᱴᱷᱟ ᱨᱮ ᱟᱭᱩᱢᱟᱹᱱ ᱖᱐ ᱞᱟᱠᱷ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸ ᱫᱚ ᱱᱟᱭᱡᱤᱨᱟ ᱨᱮᱭᱟᱜ ᱡᱚᱛᱚᱠᱷᱚᱱ ᱦᱚᱲᱜᱟᱹᱱ ᱢᱮᱴᱨᱳ ᱴᱚᱴᱷᱟ ᱞᱮᱠᱟᱛᱮ ᱥᱩᱢᱩᱝ ᱞᱟᱜᱚᱥ ᱛᱟᱭᱚᱢ ᱨᱮ ᱢᱮᱱᱟᱜᱼᱟ᱾
ᱟᱵᱩᱡᱟ ᱫᱚ ᱦᱩᱭᱩᱜ ᱠᱟᱱᱟ ᱱᱟᱭᱡᱮᱨᱤᱭᱟ ᱨᱮᱭᱟᱜ ᱥᱟᱥᱚᱱᱟᱱ ᱟᱨ ᱨᱟᱡᱽ ᱟᱹᱨᱤ ᱨᱟᱡᱽᱜᱟᱲ᱾ ᱴᱚᱴᱷᱟᱠᱤᱭᱟ. ᱢᱟᱢᱞᱟ ᱨᱮ ᱱᱟᱭᱡᱮᱨᱤᱭᱟ ᱨᱮᱭᱟᱜ ᱮᱥᱮᱨ ᱚᱡᱮᱛᱮ ᱱᱚᱶᱟ ᱫᱚ ᱚᱯᱷᱨᱤᱠᱟ ᱢᱟᱦᱟ ᱫᱤᱥᱚᱢ ᱨᱮᱭᱟᱜ ᱢᱤᱫᱴᱟᱝ ᱢᱩᱲᱩᱫ ᱚᱛᱱᱚᱼᱨᱟᱡᱽᱟᱹᱨᱤ ᱨᱟᱡᱽᱜᱟᱲ ᱦᱚᱸ ᱠᱟᱱᱟ᱾ ᱢᱤᱫᱴᱟᱝ ᱥᱟᱹᱜᱟᱹᱭ ᱛᱟᱞᱢᱟ ᱞᱮᱠᱟᱛᱮ ᱒᱐᱐᱓ ᱥᱮᱨᱢᱟ ᱨᱮ ᱠᱚᱢᱚᱱᱳᱭᱮᱞᱛᱷ ᱦᱮᱰᱥ ᱚᱯᱷ ᱜᱚᱵᱷᱚᱨᱢᱮᱱᱴ ᱨᱮᱭᱟᱜ ᱦᱮᱞᱢᱮᱞ ᱟᱨ ᱒᱐᱑᱔ ᱥᱮᱨᱢᱟ ᱨᱮᱭᱟᱜ ᱡᱮᱜᱮᱛ ᱠᱟᱹᱣᱰᱤᱭᱟᱹᱨᱤ ᱯᱷᱚᱨᱟᱢ (ᱟᱯᱷᱨᱤᱠᱟ) ᱨᱮᱭᱟᱜ ᱦᱮᱞᱢᱮᱞ ᱞᱮᱠᱟᱱ ᱟᱭᱢᱟ ᱦᱮᱞᱢᱮᱞ ᱠᱚ ᱥᱟᱯᱲᱟᱣ ᱟᱠᱟᱱᱟ᱾ ᱒᱐᱑᱖ ᱥᱮᱨᱢᱟ ᱨᱮ ᱲᱵᱩᱡᱟ ᱤᱭᱩᱱᱮᱥᱠᱳ ᱜᱞᱳᱵᱟᱞ ᱱᱮᱴᱳᱣᱟᱨᱠ ᱚᱯᱷ ᱞᱟᱨᱱᱤᱝ ᱥᱤᱴᱤ ᱨᱮ ᱥᱮᱞᱮᱫ ᱞᱮᱱᱟ᱾
᱒᱐ ᱟᱱ ᱥᱚᱛᱟᱵᱫᱤ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱥᱩᱨ ᱥᱟᱦᱟᱨ ᱨᱮᱭᱟᱜ ᱧᱩᱛᱩᱢ "ᱟᱵᱩᱡᱟ" ᱛᱟᱦᱮᱸ ᱠᱟᱱᱟ ᱡᱟᱦᱟᱸᱫᱚ ᱱᱤᱛ ᱥᱩᱞᱮᱡᱟ ᱧᱩᱛᱩᱢ ᱛᱮ ᱩᱯᱨᱩᱢᱟ᱾
ᱟᱵᱩᱡᱟ ᱨᱮᱱ ᱛᱷᱟᱭᱤ ᱜᱤᱨᱟᱹᱵᱟᱥᱤ ᱠᱚ ᱦᱩᱭᱩᱜ ᱠᱟᱱᱟ ᱜᱳᱣᱟᱱᱫᱨᱟ,ᱜᱳᱵᱟᱜᱤᱭ (ᱜᱳᱭᱟᱨᱟ), ᱡᱟᱦᱟᱸ ᱴᱚᱴᱷᱟ ᱨᱮ ᱡᱟᱹᱥᱛᱤ ᱦᱚᱲ ᱠᱚ ᱢᱮᱱᱟᱜ ᱠᱚᱣᱟ᱾ ᱱᱚᱶᱟ ᱴᱚᱴᱷᱟ ᱨᱮᱭᱟᱜ ᱮᱴᱟᱜ ᱮᱴᱟᱜ ᱜᱟᱫᱮᱞ ᱠᱚ ᱢᱩᱫᱽᱨᱮ ᱢᱮᱱᱟᱜᱼᱟ ᱵᱟᱥᱥᱟ,ᱜᱚᱫᱮ,ᱰᱤᱵᱳ, ᱮᱜᱽᱵᱩᱨᱩᱨᱟ, ᱱᱩᱯᱮ ᱟᱨ ᱠᱳᱨᱳ ᱮᱢᱟᱱ᱾
ᱨᱮᱭᱟᱜ ᱯᱷᱮᱰᱟᱨᱮᱞ ᱯᱷᱟᱹᱫᱽ ᱥᱚᱨᱠᱟᱨ, ᱑᱙᱗᱖ ᱥᱮᱨᱢᱟ ᱨᱮᱭᱟᱜ ᱔ ᱯᱷᱮᱵᱨᱩᱭᱟᱹᱨᱤ ᱨᱮ ᱖ ᱱᱚᱢᱵᱚᱨ ᱨᱮᱭᱟᱜ ᱫᱟᱠᱨᱤ ᱩᱪᱷᱟᱹᱱ ᱞᱮᱫᱟ, ᱡᱟᱦᱟᱸ ᱫᱚ ᱞᱟᱜᱚᱥ ᱠᱷᱚᱱ ᱟᱵᱩᱡᱟ ᱨᱮ ᱯᱷᱮᱰᱟᱨᱮᱞ ᱨᱟᱡᱽᱜᱟᱲ ᱠᱚ ᱚᱪᱚᱜ ᱨᱮᱭᱟᱜ ᱮ ᱯᱟᱹᱣᱲᱤ ᱨᱟᱠᱟᱵᱽ ᱞᱮᱱᱟ᱾ ᱟᱵᱩᱡᱟ ᱨᱮᱱᱟᱜ ᱩᱭᱦᱟᱹᱨ ᱟᱨ ᱠᱟᱹᱢᱤ ᱞᱮᱠᱟᱛᱮ ᱮᱛᱚᱦᱚᱵ ᱠᱟᱹᱢᱤ ᱡᱮᱱᱟᱨᱮᱞ ᱨᱮᱱ ᱢᱩᱨᱛᱚᱞᱟ ᱢᱚᱦᱚᱢᱢᱚᱫ ᱟᱨ ᱳᱞᱩᱥᱮᱜᱩᱱ ᱳᱵᱟᱥᱟᱱᱡᱳ ᱟᱜ ᱯᱷᱟᱹᱫᱽ ᱥᱚᱨᱠᱟᱨ ᱫᱟᱨᱟᱭ ᱛᱮ ᱠᱚᱨᱟᱣ ᱦᱳᱭ ᱞᱮᱱᱟ᱾ ᱛᱚᱵᱮ, ᱑᱙᱗᱙ ᱥᱮᱨᱢᱟ ᱨᱮ ᱥᱮᱦᱩ ᱥᱟᱜᱟᱨᱤ ᱥᱟᱥᱚᱱ ᱟᱶᱛᱟ ᱨᱮ ᱟᱵᱩᱡᱟ ᱛᱷᱟᱯᱚᱱ ᱞᱮᱱᱟ᱾ ᱑᱙᱗᱙ ᱥᱮᱨᱢᱟ ᱨᱮ ᱵᱮᱱᱟᱣ ᱮᱦᱚᱵ ᱞᱮᱱᱟ ᱢᱮᱱᱠᱷᱟᱱ, ᱠᱟᱹᱣᱰᱤ ᱟᱹᱨᱤ ᱟᱨ ᱨᱟᱡᱽ ᱟᱹᱨᱤ ᱨᱮᱭᱟᱜ ᱵᱟᱝ ᱛᱷᱟᱭᱤ ᱚᱡᱮᱛᱮ, ᱥᱟᱦᱟᱨ ᱨᱮᱭᱟᱜ ᱮᱛᱚᱦᱚᱵ ᱯᱚᱨᱤᱢᱟᱱ ᱑᱙᱘᱐ ᱜᱮᱞ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱦᱟᱹᱵᱤᱡ ᱢᱩᱪᱟᱹᱫ ᱵᱟᱝ ᱦᱩᱭ ᱞᱮᱱᱟ᱾
ᱮᱯᱷ.ᱥᱤ.ᱴᱤ ᱫᱚ ᱡᱩᱢᱤᱫᱽ ᱨᱟᱡᱽᱜᱟᱲ ᱴᱚᱴᱷᱟ ᱪᱟᱪᱞᱟᱣ (ᱮᱯ.ᱥᱤ.ᱴᱤ.ᱮ) ᱫᱟᱨᱟᱭ ᱛᱮ ᱪᱟᱪᱟᱞᱟᱣᱚᱜ ᱠᱟᱱᱟ ᱡᱟᱦᱟᱸ ᱫᱚ ᱫᱤᱥᱚᱢ ᱜᱚᱢᱠᱮ ᱫᱟᱨᱟᱭ ᱛᱮ ᱵᱟᱪᱷᱱᱟᱣ ᱢᱤᱫ ᱢᱚᱱᱛᱨᱤ ᱫᱟᱨᱟᱭ ᱛᱮ ᱪᱟᱪᱞᱟᱣ ᱦᱩᱭᱩᱜᱼᱟ᱾ ᱥᱟᱦᱟᱨ ᱴᱚᱴᱷᱟ ᱨᱮᱭᱟᱜ ᱵᱮᱱᱟᱣ ᱟᱨ ᱵᱮᱼᱵᱟᱹᱛᱤᱞ ᱩᱛᱱᱟᱹᱣ ᱨᱮᱭᱟᱜ ᱪᱟᱪᱟᱞᱟᱣ ᱯᱷᱮᱰᱟᱨᱮᱞ ᱠᱮᱯᱤᱴᱮᱞ ᱰᱮᱵᱷᱮᱞᱚᱵᱷᱢᱮᱱᱴ ᱚᱛᱷᱚᱨᱤᱴᱤ (ᱮᱯᱷ.ᱥᱤ.ᱰᱤ.ᱮ) ᱫᱟᱨᱟᱭ ᱛᱮ ᱪᱟᱪᱟᱞᱟᱣ ᱦᱩᱭᱩᱜᱼᱟ᱾ ᱜᱟᱰᱟ ᱠᱚ ᱨᱮᱱ ᱢᱟᱨᱮᱱ ᱪᱟᱪᱞᱟᱣᱤᱡ ᱢᱤᱥᱴᱟᱨ ᱱᱟᱭᱮᱥᱚᱢ ᱩᱭᱤᱠ ᱱᱤᱛ ᱮᱯᱷ.ᱥᱤ.ᱴᱤ ᱢᱚᱱᱛᱨᱤ ᱞᱮᱠᱟᱛᱮ ᱢᱮᱱᱟᱭᱟ᱾
ᱮᱯᱷ.ᱥᱤ.ᱴᱤ ᱵᱮᱱᱟᱣ ᱨᱮ ᱛᱩᱨᱩᱭ ᱜᱚᱴᱟᱝ ᱴᱚᱴᱷᱟ ᱯᱚᱨᱤᱥᱚᱫᱽ ᱢᱮᱱᱟᱜᱼᱟ, ᱚᱱᱟᱠᱚ ᱫᱚ ᱦᱩᱭᱩᱜ ᱠᱟᱱᱟ:
ᱟᱵᱩᱡᱟ ᱥᱠᱟᱭᱟᱭᱤᱱ ᱡᱟᱹᱥᱛᱤᱜᱮ ᱛᱟᱞᱟᱼᱩᱥᱩᱞ ᱟᱨ ᱠᱤᱪᱷᱩᱜᱟᱱ ᱩᱥᱩᱞ ᱚᱲᱟᱜ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱠᱷᱟᱹᱞᱤ ᱱᱟᱦᱟᱜ ᱚᱠᱛᱚ ᱨᱮ ᱩᱥᱩᱞ ᱚᱲᱟᱜ ᱠᱚ ᱧᱮᱞ ᱧᱟᱢᱚᱜ ᱮᱦᱚᱵ ᱟᱠᱟᱱᱟ᱾ ᱟᱭᱢᱟᱜᱟᱱ ᱚᱲᱟᱜ ᱜᱮ ᱱᱟᱦᱟᱜ ᱠᱟᱱᱟ, ᱡᱟᱦᱟᱸ ᱱᱚᱣᱟ ᱫᱚ ᱢᱤᱫᱴᱟᱝ ᱱᱟᱣᱟ ᱥᱟᱦᱟᱨ ᱢᱮᱱᱛᱮ ᱩᱫᱩᱜᱚᱜ ᱠᱟᱱᱟ᱾
ᱢᱤᱞᱮᱱᱤᱭᱟᱢ ᱴᱟᱣᱟᱨ ᱞᱮᱠᱟ ᱥᱮᱨᱢᱟ ᱩᱥᱩᱞ ᱵᱤᱞᱰᱤᱝ ᱵᱮᱱᱟᱣ ᱨᱮᱭᱟᱜ ᱩᱭᱦᱟᱹᱨ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱛᱟᱭᱚᱢ ᱛᱮᱱᱟᱜ ᱠᱤᱪᱷᱩ ᱥᱮᱨᱢᱟ ᱠᱷᱚᱱ ᱠᱟᱹᱢᱤ ᱛᱷᱩᱠᱟᱹᱢ ᱠᱷᱟᱹᱛᱤᱨ ᱛᱮ ᱱᱟᱥᱮ ᱵᱮᱱᱟᱣ ᱠᱟᱛᱮ ᱢᱩᱪᱟᱹᱫ ᱟᱠᱟᱱᱟ᱾ ᱱᱚᱶᱟ ᱵᱮᱱᱟᱣ ᱫᱚ ᱥᱟᱦᱟᱨ ᱠᱷᱚᱱ 170 ᱢᱤᱴᱟᱨ (560 ᱯᱷᱩᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱾
ᱟᱵᱩᱡᱟ ᱨᱮ ᱵᱮᱥ ᱠᱤᱪᱷᱩ ᱵᱟᱜᱣᱟᱱ ᱟᱨ ᱦᱟᱹᱨᱭᱟᱹᱲ ᱴᱚᱴᱷᱟ ᱢᱮᱱᱟᱜᱼᱟ, ᱡᱟᱦᱟᱸ ᱢᱩᱫᱽᱨᱮ ᱢᱟᱨᱟᱝ ᱫᱚ ᱦᱩᱭᱩᱜ ᱠᱟᱱᱟ ᱢᱤᱞᱮᱱᱤᱢ ᱯᱟᱨᱠ ᱾
ᱟᱵᱩᱡᱟ ᱫᱚ ᱱᱟᱭᱡᱮᱨᱤᱭᱟ ᱨᱮᱭᱟᱜ ᱢᱤᱫ ᱯᱚᱱᱚᱛ ᱞᱮᱠᱟᱛᱮ ᱦᱚᱸ ᱩᱯᱨᱩᱢᱚᱜᱼᱟ ᱡᱟᱦᱟᱸ ᱫᱚ ᱞᱟᱯᱷᱟᱝ ᱥᱮᱪᱮᱫ ᱛᱟᱭᱚᱢ ᱨᱮ ᱢᱟᱱᱼᱵᱟᱹᱨᱥᱟᱱ ᱥᱮᱪᱮᱫ ᱮ ᱮᱢᱚᱜ ᱠᱟᱱᱟ᱾ ᱥᱚᱨᱠᱟᱨᱤ ᱟᱨ ᱵᱮᱼᱥᱚᱨᱠᱟᱨᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱚ ᱵᱟᱹᱲᱛᱤ ᱛᱟᱦᱮᱸᱱ ᱠᱷᱟᱹᱛᱤᱨ ᱱᱚᱣᱟ ᱫᱚ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱞᱚᱜᱚᱱ ᱢᱤᱫᱴᱟᱝ ᱥᱚᱨᱮᱥ ᱴᱷᱟᱶ ᱨᱮ ᱵᱮᱱᱟᱣ ᱟᱠᱟᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱟᱵᱩᱡᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.