ᱟᱱᱛᱚᱱᱤᱳ ᱢᱟᱱᱩᱭᱮᱞ ᱫᱮ ᱟᱞᱤᱵᱷᱮᱨᱟ ᱜᱩᱛᱮᱨᱮᱥ ᱞᱤᱥᱵᱚᱱᱨᱮᱭ ᱡᱟᱱᱟᱢ ᱟᱠᱟᱱ ᱢᱤᱫ ᱧᱩᱛᱩᱢᱟᱱ ᱯᱚᱨᱛᱩᱜᱤᱡ ᱨᱟᱡᱽᱱᱤᱛᱤ ᱵᱤᱫ ᱠᱟᱱᱟᱭ ᱥᱟᱶ ᱯᱨᱚᱫᱷᱟᱱ ᱢᱚᱱᱛᱨᱤ (ᱢᱟᱺᱧᱦᱤ) ᱮᱭ ᱛᱟᱦᱮ ᱠᱟᱱᱟ᱾ ᱵᱤᱛᱚᱜ-ᱟᱱ ᱚᱠᱛᱚᱨᱮᱮᱚ ᱡᱟᱸᱛᱤ ᱜᱟᱫᱮᱞᱨᱮᱱ ᱢᱚᱦᱟᱥᱚᱪᱤᱵ ᱠᱟᱱᱟᱭ᱾ ᱱᱤᱛᱟᱹ ᱞᱟᱦᱟ ᱡᱩᱱ ᱪᱟᱸᱫᱚ ᱨᱮᱱᱟᱜ ᱒᱐᱐᱕ ᱥᱮᱨᱢᱟ ᱠᱷᱚᱱ, ᱰᱤᱥᱮᱢᱵᱚᱨ ᱒᱐᱑᱕ ᱫᱷᱟᱹᱵᱤᱡᱽ ᱛᱮ ᱡᱟᱹᱛᱤ ᱜᱟᱫᱮᱞ ᱥᱚᱱᱟᱨᱷᱛᱤᱵᱤᱥᱚᱭᱚᱠ ᱠᱚᱢᱩᱥᱚᱱᱟᱨ ᱮᱭ ᱛᱟᱦᱮ ᱠᱟᱱᱟ᱾ ᱚᱠᱴᱚᱵᱚᱨ,᱒᱐᱑᱖ ᱥᱮᱨᱢᱟ ᱡᱟᱹᱛᱤ ᱜᱟᱫᱮᱞ ᱱᱤᱨᱟᱯᱛᱛᱟ ᱯᱚᱨᱤᱥᱚᱫᱽ ᱩᱱᱤ ᱫᱚ ᱡᱟᱹᱛᱤ ᱜᱟᱫᱮᱞ ᱨᱮᱱ ᱛᱟᱭᱚᱢ ᱫᱟᱨᱟᱢ ᱢᱚᱦᱟ ᱥᱚᱪᱤᱵ ᱢᱮᱱᱛᱮᱠᱚ ᱞᱟᱹᱭ ᱯᱟᱥᱱᱟᱣ ᱠᱮᱫᱟ᱾ ᱩᱱᱤ ᱫᱚ ᱟᱨᱦᱚᱸ ᱵᱟᱱ ᱠᱤ ᱢᱩᱱᱮᱨ ᱮᱥᱛᱷᱚᱞᱟᱵᱤᱥᱤᱠᱛᱚᱭ ᱦᱩᱭᱟᱠᱟᱱᱟ᱾ ᱚᱵᱟ ᱵᱮᱜᱚᱨᱦᱚᱸ ᱥᱚᱥᱟᱞᱤᱥᱴ ᱤᱱᱴᱟᱨᱱᱮᱥᱚᱱᱟᱞ ᱨᱮᱱ ᱥᱚᱵᱷᱟᱯᱚᱛᱤ ᱮᱭ ᱛᱟᱦᱮ ᱠᱟᱱᱟ᱾
ᱯᱚᱨᱛᱩᱜᱟᱞ ᱨᱮᱱᱟᱜ ᱨᱟᱡᱽᱫᱷᱟᱱᱤ ᱞᱤᱥᱵᱚᱱ ᱨᱮ ᱓᱐ ᱮᱯᱨᱤᱞ ᱑᱙᱔᱙ ᱥᱮᱨᱢᱟ ᱜᱩᱛᱮᱨᱮᱥ ᱫᱚᱭᱮ ᱡᱟᱱᱟᱢ ᱟᱠᱟᱱᱟ᱾ ᱟᱨ ᱚᱸᱰᱮ ᱜᱮ ᱩᱱᱤ ᱫᱚ ᱠᱟᱹᱴᱤᱡᱽ ᱠᱷᱚᱱᱮ ᱦᱟᱨᱟ-ᱵᱚᱨᱩ ᱦᱟᱠᱟᱱᱟ᱾ ᱟᱡᱽ ᱵᱟᱵᱟ ᱫᱚ 'ᱵᱷᱟᱨᱡᱤᱞᱤᱳ ᱰᱟᱭᱟᱥ ᱜᱩᱛᱮᱨᱮᱥ' ᱟᱨ ᱜᱚᱜᱚ ᱫᱚ 'ᱤᱱᱫᱟ ᱠᱟᱱᱰᱤᱞᱟ ᱫᱮ ᱚᱞᱤᱵᱷᱮᱭᱨᱟ'᱾ ᱧᱤᱛᱩᱢᱟᱱ ᱞᱤᱥᱤᱳ ᱫᱮ ᱠᱮᱢᱚᱥᱮ (ᱱᱤᱛᱚᱜ ᱟᱱᱟ ᱢᱟᱫᱫᱷᱢᱤᱠ ᱵᱤᱫᱫᱟᱞᱚᱭ) ᱨᱮᱭ ᱯᱟᱲᱦᱟᱣ ᱡᱤᱭᱚᱱ ᱫᱚᱭ ᱥᱟᱹᱨᱫᱤᱣ ᱟᱠᱟᱫᱟ᱾ ᱚᱱᱟ ᱛᱟᱭᱚᱢ ᱑᱙᱖᱕ ᱥᱨᱢᱟ ᱨᱮ ᱮᱥᱱᱟᱛᱚᱠ ᱰᱤᱜᱨᱤᱭ ᱦᱟᱢᱮᱴ ᱠᱮᱫᱟ᱾ ᱫᱤᱥᱟᱹᱢ ᱨᱮᱱ ᱥᱮᱨᱟ ᱪᱷᱟᱛᱨᱚ (student) ᱦᱩᱭᱮᱱ ᱠᱟᱠᱷᱨᱟᱛᱮ ᱯᱨᱤᱢᱤᱳ ᱱᱮᱥᱤᱣᱟᱱᱟᱞ ᱫᱳᱥ-ᱮ ᱯᱚᱫᱚᱠ-ᱮ ᱡᱤᱛᱠᱟᱹᱨ ᱦᱟᱛᱟᱣ ᱠᱮᱫᱟ᱾
᱑᱙᱗᱔ ᱥᱮᱨᱢᱟ ᱨᱮ ᱥᱚᱢᱟᱡᱽ ᱛᱚᱱᱛᱚᱨᱚ ᱯᱟᱨᱴᱤ ᱨᱮ ᱥᱮᱞᱮᱫ ᱠᱟᱛᱮᱜ ᱯᱩᱭᱞᱩ ᱨᱟᱡᱽᱱᱤᱛᱤ ᱡᱤᱭᱚᱱ ᱨᱮᱭ ᱛᱟᱲᱟᱢ ᱞᱮᱫᱟ᱾ ᱚᱨᱟ ᱛᱷᱚᱲᱟ ᱫᱤᱱ ᱛᱟᱭᱚᱢ ᱜᱮ ᱚᱫᱷᱟᱯᱚᱱᱟ (ᱚᱫᱷᱟᱯᱚᱠ) ᱪᱟᱠᱨᱤ ᱫᱚᱭ ᱟᱲᱟᱠ ᱠᱮᱫᱟ᱾ ᱟᱨ ᱢᱮᱥᱟᱭ ᱱᱟᱭ ᱨᱟᱡᱽᱱᱤᱛᱤ ᱠᱚᱨᱟᱣ ᱰᱟᱦᱟᱨᱨᱮ᱾
᱑᱙᱙᱕ ᱥᱮᱨᱢᱟ ᱠᱟᱰᱷᱟᱠᱚ ᱥᱤᱞᱵᱷᱟ ᱢᱚᱱᱛᱨᱤ ᱥᱚᱵᱷᱟ ᱨᱮᱱᱟᱜ ᱚᱠᱨᱚᱠᱚ ᱪᱟᱵᱟᱭᱮᱱ ᱛᱟᱭᱚᱢ ᱢᱤᱫ ᱱᱤᱨᱵᱟᱪᱚᱱ ᱦᱩᱭᱞᱮᱱᱟ᱾ ᱚᱱᱟ ᱱᱤᱨᱵᱟᱪᱚᱱ ᱨᱮ ᱥᱚᱥᱟᱞᱤᱥᱴ ᱯᱟᱨᱴᱤ ᱡᱤᱛᱠᱟᱹᱨ ᱨᱮᱱ ᱛᱟᱭᱚᱭ ᱩᱱᱤ ᱫᱚ ᱯᱚᱨᱛᱩᱜᱟᱞ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱥᱮ ᱫᱤᱥᱟᱹᱢ ᱥᱚᱨᱠᱟᱨ ᱵᱟᱝᱛᱮ ᱢᱟᱸᱧᱦᱤ ᱮᱭ ᱦᱩᱭᱮᱱᱟ᱾
ᱢᱮ ᱪᱟᱸᱫᱚ ᱨᱮᱱᱟᱜ ᱒᱐᱐᱕ ᱥᱮᱨᱢᱟ ᱩᱱᱤ ᱫᱚ ᱡᱟᱹᱛᱤ ᱜᱟᱫᱮᱞ ᱨᱮᱱ ᱥᱟᱫᱟᱨᱚᱱ ᱯᱚᱨᱤᱥᱚᱫᱽ ᱠᱷᱚᱱ ᱥᱚᱨᱚᱱᱟᱨᱛᱷᱤ ᱦᱟᱭ ᱠᱚᱢᱤᱥᱚᱱᱟᱨ ᱠᱚ ᱵᱮᱱᱟᱣ ᱟᱠᱟᱫᱤᱭᱟ᱾ ᱦᱟᱭ ᱠᱚᱢᱤᱥᱚᱱᱟᱨ ᱦᱩᱭ ᱛᱟᱭᱚᱢ ᱩᱱᱤ ᱫᱚ ᱡᱮᱜᱮᱛ ᱨᱮᱱᱟᱜ ᱒᱑᱕ ᱜᱚᱴᱟᱝ ᱫᱤᱥᱟᱹᱢ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟᱱᱚᱵᱟᱫᱷᱤᱠᱟᱨ ᱥᱚᱝᱜᱚᱴᱷᱚᱱ-ᱮ ᱱᱮᱛᱨᱤᱛᱚᱣ ᱟᱠᱟᱫᱟ ᱟᱨ ᱠᱟᱹᱢᱤ ᱞᱟᱹᱜᱤᱫ ᱑᱐,᱐᱐᱐ ᱠᱟᱹᱢᱤ ᱠᱚᱭ ᱦᱟᱛᱟᱣ ᱟᱠᱟᱫ ᱠᱚᱣᱟ᱾ ᱚᱱᱟ ᱵᱮᱜᱚᱨ ᱟᱨᱦᱚᱸ ᱨᱟᱥᱴᱨᱚ ᱵᱮᱜᱚᱨ ᱖᱐ ᱢᱤᱞᱤᱭᱚᱱ ᱦᱚᱲᱟᱜ ᱟᱲᱮ ᱨᱮ ᱛᱮᱝᱜᱩ ᱠᱟᱛᱮᱜ ᱚᱱᱠᱩ-ᱠᱚᱣᱟᱜ ᱥᱩᱡᱚᱜᱽ ᱥᱩᱵᱤᱫᱷᱟᱭ ᱮᱢᱟ ᱠᱚᱣᱟᱜ ᱠᱚᱣᱟ᱾
᱒᱙ ᱯᱷᱮᱵᱽᱨᱩᱭᱟᱨᱤ, ᱒᱐᱑᱖ ᱛᱟᱨᱤᱠ ᱩᱱᱤ ᱫᱚ ᱯᱚᱨᱛᱩᱜᱟᱞ ᱨᱮᱱ ᱯᱨᱟᱛᱷᱤ ᱞᱮᱠᱟᱛᱮ ᱦᱟᱹᱛᱤ ᱜᱟᱫᱮᱞ ᱨᱮ ᱢᱚᱱᱚᱭᱚᱱ-ᱮ ᱦᱟᱢᱮᱴ ᱟᱠᱟᱫᱟ᱾ ᱑᱕ ᱥᱚᱫᱚᱥᱥᱚ ᱠᱷᱚᱱ ᱡᱤᱛᱠᱟᱹᱨ ᱠᱟᱛᱮᱜ ᱱᱤᱛᱚᱜ ᱚᱠᱚᱨᱮᱱ ᱡᱟᱹᱛᱤ ᱜᱟᱫᱮᱞ ᱨᱮᱱ ᱢᱚᱦᱟᱥᱚᱪᱤᱵ ᱮᱭ ᱦᱩᱭᱟᱠᱟᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱟᱱᱛᱚᱱᱤᱳ ᱜᱩᱛᱮᱨᱮᱥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.