ᱟᱞᱵᱮᱱᱤᱭᱟᱱ (ᱟᱞᱵᱮᱱᱤᱭᱟᱱ: shqip ᱥᱮ gjuha shqipe) ᱫᱚ ᱢᱤᱫ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱵᱚᱞᱠᱟᱱ ᱴᱚᱴᱷᱟ ᱨᱮᱱ ᱟᱞᱵᱮᱱᱤᱭᱟᱹ ᱦᱚᱲ ᱟᱨ ᱟᱢᱮᱨᱤᱠᱟ, ᱤᱣᱨᱳᱯ ᱟᱨ ᱳᱥᱤᱭᱟᱱᱤᱭᱟ ᱠᱚᱨᱮ ᱢᱮᱱᱟᱜ ᱠᱚ ᱟᱞᱵᱮᱱᱤᱭᱟᱹ ᱦᱚᱲ ᱨᱚᱲᱼᱟ ᱾ ᱡᱮᱜᱮᱛ ᱨᱮ ᱗᱕ ᱞᱟᱠᱷ ᱜᱟᱱ ᱦᱚᱲ ᱱᱚᱶᱟ ᱯᱟᱹᱨᱥᱤ ᱛᱮᱠᱚ ᱨᱚᱲᱼᱟ ᱾ ᱟᱞᱵᱮᱱᱤᱭᱟᱱ ᱯᱟᱹᱨᱥᱤ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱮᱠᱞᱟ ᱯᱷᱩᱨᱜᱟᱹᱞ ᱪᱟᱸᱜᱟ ᱯᱟᱹᱨᱥᱤ ᱠᱟᱱᱟ, ᱱᱚᱶᱟ ᱫᱚ ᱤᱱᱫᱳᱼᱤᱣᱨᱳᱯᱤᱭᱟᱱ ᱜᱷᱟᱨᱚᱸᱡᱽ ᱨᱮᱱᱟᱜ ᱮᱴᱟᱜ ᱪᱟᱸᱜᱟ ᱥᱟᱶ ᱥᱩᱨᱻᱥᱩᱯᱩᱨ ᱥᱟᱹᱜᱟᱹᱭ ᱵᱟᱹᱱᱩᱜᱼᱟ ᱾ ᱑᱘᱕᱔ ᱥᱮᱨᱢᱟ ᱨᱮ ᱯᱷᱨᱟᱧᱡ ᱵᱳᱯ ᱱᱚᱶᱟ ᱯᱟᱹᱨᱥᱤ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱞᱮᱠᱟᱛᱮᱭ ᱪᱤᱱᱦᱟᱹᱯ ᱞᱮᱫᱼᱟ ᱾
ᱟᱞᱵᱮᱱᱤᱭᱟᱱ | |
---|---|
shqip gjuha shqipe | |
ᱨᱟᱹᱲ | ᱪᱷᱟᱸᱪ:IPA-sq |
ᱡᱟᱱᱟᱢ ᱴᱷᱟᱶ | ᱟᱞᱵᱮᱱᱤᱭᱟ, ᱜᱽᱨᱤᱠ, ᱠᱳᱥᱳᱵᱷᱳ, ᱤᱴᱟᱞᱤ, ᱢᱚᱱᱴᱮᱱᱤᱜᱨᱳ, ᱮᱛᱚᱢ ᱢᱮᱥᱤᱰᱳᱱᱤᱭᱟ, ᱥᱟᱨᱵᱤᱭᱟ |
ᱡᱟᱹᱛ | ᱟᱞᱵᱮᱱᱤᱭᱟᱹ |
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ |
|
ᱤᱱᱫᱳᱼᱤᱣᱨᱳᱯᱤᱭᱟᱱ
| |
ᱯᱨᱳᱴᱳᱼᱟᱞᱵᱮᱱᱤᱭᱟᱱ | |
Dialects | |
ᱚᱞ ᱛᱚᱦᱚᱨ | ᱞᱟᱛᱤᱱ (ᱟᱞᱵᱮᱱᱤᱭᱟᱱ ᱪᱤᱠᱤ) ᱟᱞᱵᱮᱱᱤᱭᱟᱱ ᱵᱽᱨᱮᱭᱤᱞ |
ᱥᱚᱨᱠᱟᱨᱤ ᱢᱟᱱᱚᱛ | |
ᱟᱹᱢᱟᱹᱞᱮᱛ ᱯᱟᱹᱨᱥᱤ ᱴᱚᱴᱷᱟ | ᱟᱞᱵᱮᱱᱤᱭᱟ ᱠᱳᱥᱳᱵᱷᱳ ᱮᱛᱚᱢ ᱢᱮᱥᱤᱰᱳᱱᱤᱭᱟ[a] ᱢᱚᱱᱴᱮᱱᱤᱜᱨᱳ[a] |
ᱞᱮᱠᱷᱟᱥᱤᱫ ᱯᱟᱹᱨᱥᱤ ᱢᱟᱹᱱ ᱮᱢᱟᱠᱟᱱ ᱴᱷᱟᱶ | |
ᱥᱟᱢᱵᱽᱲᱟᱣᱤᱭᱟᱹ | Officially by the Social Sciences and Albanological Section of the Academy of Sciences of Albania |
ᱯᱟᱹᱨᱥᱤ ᱠᱳᱰ | |
ISO 639-1 | sq |
ISO 639-2 | alb (B) sqi (T) |
ISO 639-3 | sqi – inclusive codeIndividual codes: aae – Arbëreshaat – Arvanitikaaln – Ghegals – Tosk |
ᱜᱞᱳᱴᱳᱞᱳᱜᱽ | alba1267 |
ᱯᱟᱹᱨᱥᱤ ᱴᱚᱴᱷᱟ | 55-AAA-aaa to 55-AAA-ahe (25 varieties) |
ᱟᱞᱵᱮᱱᱤᱭᱟᱱ ᱯᱟᱹᱨᱥᱤ ᱨᱮᱱᱟᱜ ᱪᱟᱸᱜᱟ ᱯᱟᱹᱨᱥᱤ ᱠᱚ ᱾ (ᱱᱚᱶᱟ ᱢᱮᱯ ᱛᱮ ᱚᱠᱟ ᱨᱮ ᱱᱚᱶᱟ ᱯᱟᱹᱨᱥᱤ ᱞᱮᱠᱷᱟᱥᱤᱫ ᱟᱨ ᱡᱟᱹᱥᱛᱤ ᱠᱚ ᱨᱚᱲᱼᱟ ᱚᱱᱟ ᱫᱚ ᱵᱟᱝ ᱮ ᱩᱫᱩᱜ ᱮᱫᱟ) | |
ᱱᱚᱶᱟ ᱯᱟᱹᱨᱥᱤ ᱫᱚ ᱵᱟᱞᱠᱟᱱ ᱨᱮ ᱖ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱨᱚᱲᱼᱟ ᱾ ᱡᱟᱦᱟᱸ ᱠᱚᱫᱚ ᱟᱞᱵᱮᱱᱤᱭᱟ, ᱠᱚᱥᱳᱵᱚ, ᱮᱛᱚᱢ ᱢᱮᱥᱤᱰᱳᱱᱤᱭᱟ, ᱥᱟᱨᱵᱤᱭᱟ, ᱢᱚᱱᱴᱮᱱᱤᱜᱨᱳ ᱟᱨ ᱜᱨᱤᱥ ᱨᱮ ᱢᱮᱱᱟᱜ ᱠᱚᱣᱟ ᱾ ᱢᱮᱱᱠᱷᱟᱱ, ᱤᱴᱟᱞᱤ ᱨᱮᱱ ᱟᱹᱰᱤ ᱥᱮᱬᱟ ᱜᱟᱶᱛᱟ ᱟᱨ ᱢᱟᱨᱟᱝ ᱟᱞᱵᱮᱱᱤᱭᱟᱱ ᱰᱟᱥᱯᱳᱨᱟ ᱠᱷᱟᱹᱛᱤᱨ, ᱡᱮᱜᱮᱛ ᱡᱟᱠᱟᱛ ᱨᱮ ᱨᱚᱲᱼᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱠᱚᱧᱮ ᱤᱣᱨᱳᱯ ᱨᱮᱱ ᱦᱚᱲ ᱠᱚ ᱠᱷᱚᱱ ᱟᱹᱰᱤ ᱢᱟᱨᱟᱝ ᱜᱮᱭᱟ ᱟᱨ ᱗.᱕ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱨᱚᱲᱼᱟ ᱾
ᱟᱞᱵᱟᱮᱤᱭᱟᱱ ᱫᱚ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱜᱮᱞ ᱢᱤᱫ ᱢᱩᱬᱩᱛ ᱪᱟᱸᱜᱟ ᱯᱟᱹᱨᱥᱤ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ, ᱡᱟᱦᱟᱸ ᱨᱮ ᱱᱚᱶᱟ ᱯᱟᱹᱨᱥᱤ ᱫᱚ ᱟᱱᱩᱵᱷᱟᱜᱟᱱ ᱴᱷᱟᱶ ᱮ ᱟᱢᱮᱴ ᱟᱠᱟᱜᱼᱟ ᱾ ᱑᱘᱕᱔ ᱨᱮ, ᱟᱞᱵᱮᱱᱤᱭᱟᱱ ᱯᱟᱹᱨᱥᱤ ᱫᱚ ᱯᱷᱨᱟᱱᱴᱥ ᱵᱚᱯᱯ ᱯᱷᱤᱞᱳᱞᱳᱡᱤᱥᱴ ᱦᱚᱛᱮᱛᱮ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱢᱮᱱᱛᱮᱭ ᱥᱚᱫᱚᱨ ᱞᱮᱱᱟ ᱾ ᱟᱞᱵᱮᱱᱤᱭᱟᱱ ᱯᱟᱹᱨᱥᱤ ᱫᱚ ᱯᱩᱭᱞᱩ ᱨᱮ ᱡᱟᱨᱢᱟᱱᱤᱠ ᱟᱨ ᱵᱟᱞᱴᱳ-ᱥᱞᱟᱵᱷᱤᱠ ᱯᱟᱹᱨᱥᱤ ᱥᱟᱶ ᱤᱱᱫᱳ-ᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱠᱚ ᱦᱚᱛᱮᱛᱮ ᱥᱚᱢᱟᱱᱚᱜ ᱠᱟᱱ ᱛᱟᱦᱮᱱᱟ, ᱡᱟᱦᱟᱸ ᱫᱚ ᱟᱞᱵᱟᱱᱤᱭᱟᱱ ᱯᱟᱹᱨᱥᱤ ᱥᱟᱶ ᱟᱹᱰᱤ ᱜᱟᱱ ᱥᱚᱢᱟᱱ ᱢᱮᱱᱟᱜᱼᱟ ᱾ ᱮᱴᱟᱜ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱠᱚ ᱫᱚ ᱟᱞᱵᱟᱱᱤᱭᱟᱱ ᱯᱟᱹᱨᱥᱤ ᱫᱚ ᱞᱟᱛᱤᱱ, ᱜᱨᱤᱠ ᱟᱨ ᱟᱨᱢᱮᱱᱤᱭᱟᱱ ᱯᱟᱹᱨᱥᱤ ᱥᱟᱶ ᱡᱩᱲᱟᱹᱭ ᱠᱟᱛᱮ ᱡᱚᱨᱢᱟᱱᱤᱠ ᱟᱨ ᱵᱟᱞᱴᱳ-ᱥᱞᱟᱵᱷᱤᱠ ᱯᱟᱹᱨᱥᱤ ᱫᱚ ᱤᱱᱫᱳ-ᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱨᱮᱱᱟᱜ ᱢᱤᱫᱴᱮᱱ ᱦᱟᱹᱴᱤᱧ ᱨᱮ ᱠᱚ ᱥᱮᱞᱮᱫ ᱟᱠᱟᱫᱟ ᱾ ᱱᱮᱛᱟᱨᱟᱜ ᱥᱟᱬᱮᱥ ᱨᱮ ᱱᱚᱶᱟ ᱨᱮᱱᱟᱜ ᱥᱚᱫᱚᱨ ᱢᱮᱱᱟᱜᱼᱟ ᱡᱮ ᱟᱞᱵᱟᱱᱤᱭᱟᱱ ᱫᱚ ᱜᱨᱤᱠ ᱟᱨ ᱟᱨᱢᱮᱱᱤᱭᱟᱱ ᱥᱟᱶ ᱟᱹᱰᱤ ᱥᱩᱨ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱱᱚᱶᱟ ᱫᱚ ᱢᱤᱫ ᱥᱟᱛᱟᱢ ᱯᱟᱹᱨᱥᱤ ᱠᱟᱱᱟ ᱚᱱᱟ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱫᱚ ᱠᱚᱢ ᱜᱮᱭᱟ ᱾
ᱟᱞᱵᱮᱱᱤᱭᱟᱱ ᱯᱟᱹᱨᱥᱤ ᱨᱮ ᱤᱝᱞᱤᱥ ᱯᱟᱹᱨᱥᱤ ᱟᱨ ᱟᱭᱢᱟ ᱮᱴᱟᱜ ᱤᱱᱫᱳᱼᱤᱣᱨᱳᱯᱤᱭᱟᱱ ᱯᱟᱹᱨᱥᱤ ᱞᱮᱠᱟᱛᱮ SVO (subject-verb-object) ᱨᱮᱱᱟᱜ ᱠᱟᱱᱳᱱᱤᱠ ᱟᱹᱲᱟᱹ ᱦᱟᱹᱴᱤᱧ ᱢᱮᱱᱟᱜᱼᱟ ᱾ ᱟᱞᱵᱟᱱᱤᱭᱟᱱ ᱧᱩᱛᱩᱢ ᱫᱚ ᱜᱟᱲ (ᱢᱩᱥᱞᱤᱱ, ᱯᱷᱮᱢᱤᱱᱤᱱ ᱟᱨ ᱱᱭᱩᱴᱚᱨ) ᱞᱮᱠᱟᱛᱮ ᱛᱷᱚᱠ ᱟᱠᱟᱱᱟ ᱟᱨ ᱱᱚᱢᱵᱚᱨ (ᱥᱮᱱᱜᱩᱞᱟᱨ ᱟᱨ ᱯᱞᱟᱨᱞ) ᱟᱨ ᱠᱮᱥ ᱞᱟᱹᱜᱤᱫ ᱛᱮ ᱵᱚᱫᱚᱞ ᱟᱠᱟᱱᱟ ᱾ ᱰᱤᱠᱞᱮᱱᱥᱚᱱ ᱟᱨ ᱖ ᱜᱚᱴᱟᱝ ᱠᱟᱹᱢᱤ ᱢᱮᱱᱟᱜᱼᱟ (ᱱᱳᱢᱤᱱᱮᱴᱤᱵᱽ, ᱟᱠᱥᱮᱴᱤᱵᱽ, ᱡᱮᱱᱤᱴᱤᱵᱽ, ᱰᱮᱴᱤᱵᱽ, ᱟᱵᱞᱮᱴᱤᱵᱽ ᱟᱨ ᱵᱷᱚᱠᱮᱴᱤᱵᱽ), ᱢᱮᱱᱠᱷᱟᱱ ᱵᱷᱚᱠᱮᱴᱤᱵᱽ ᱫᱚ ᱟᱹᱰᱤ ᱠᱚᱢ ᱜᱟᱱ ᱟᱹᱲᱟᱹ ᱥᱟᱶ ᱜᱮ ᱦᱩᱭᱩᱜᱼᱟ (ᱡᱮᱞᱮᱠᱟ 'ᱵᱤᱨ' ("ᱥᱚᱱᱟ"), ᱵᱷᱚᱠᱮᱴᱤᱵᱽ ᱠᱟᱹᱢᱤ: ᱵᱤᱨᱳ, ᱡᱳᱜᱽ ("ᱵᱤᱨ") ᱵᱷᱚᱠᱮᱴᱤᱵᱽ ᱠᱟᱹᱢᱤ: ᱡᱳᱜᱳ), ᱟᱨ ᱡᱮᱱᱤᱴᱤᱵᱽ ᱟᱨ ᱰᱮᱴᱤᱵᱽ ᱨᱮᱱᱟᱜ ᱟᱹᱨᱩ ᱫᱚ ᱢᱤᱫ ᱞᱮᱠᱟᱱᱟ (ᱡᱮᱱᱤᱴᱤᱵᱽ ᱵᱮᱱᱟᱣ ᱨᱮ ᱰᱮᱴᱤᱵᱽ ᱢᱚᱨᱯᱷᱮᱢ ᱥᱟᱶ ᱤ/ᱮ/ᱴᱮ/ᱥᱮ ᱯᱨᱚᱯᱳᱡᱤᱥᱚᱱ ᱠᱚ ᱵᱮᱵᱷᱟᱨᱚᱜᱼᱟ) ᱾ ᱟᱫᱚᱢ ᱯᱟᱹᱨᱥᱤ ᱠᱚᱨᱮ ᱫᱚ locative case ᱦᱚᱸ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱴᱟᱰᱟᱨᱰ ᱟᱞᱵᱮᱱᱤᱭᱟᱱ ᱯᱟᱹᱨᱥᱤ ᱨᱮ ᱵᱟᱹᱱᱩᱜᱼᱟ (ᱡᱮᱞᱮᱠᱟ "në malt" loc.sg.def) ᱾ ᱱᱩᱠᱩ ᱫᱚ ᱵᱤᱥᱮᱥ ᱟᱨ ᱵᱟᱹᱱᱤᱡ ᱧᱩᱛᱩᱢ ᱵᱟᱱᱟᱨ ᱨᱮᱜᱮ ᱠᱟᱹᱢᱤᱭᱟ, ᱟᱨ ᱥᱤᱱᱠᱨᱮᱴᱤᱥᱢ ᱨᱮᱱᱟᱜ ᱟᱹᱰᱤ ᱜᱟᱱ ᱠᱟᱛᱷᱟ ᱢᱮᱱᱟᱜᱼᱟ ᱾
ᱣᱤᱠᱤᱯᱚᱛᱚᱵ ᱨᱮ ᱱᱚᱣᱟ ᱥᱟᱛᱟᱢ ᱪᱮᱛᱟᱱ ᱟᱨᱦᱚᱸ ᱚᱱᱚᱞ ᱢᱮᱱᱟᱜᱼᱟ: ᱟᱞᱵᱮᱱᱤᱭᱟᱱ ᱯᱟᱹᱨᱥᱤ |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱟᱞᱵᱮᱱᱤᱭᱟᱱ ᱯᱟᱹᱨᱥᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱣᱤᱠᱤᱥᱟᱸᱜᱷᱟᱨ ᱨᱮ ᱟᱞᱵᱮᱱᱤᱭᱟᱱ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
This article uses material from the Wikipedia ᱥᱟᱱᱛᱟᱲᱤ article ᱟᱞᱵᱮᱱᱤᱭᱟᱱ ᱯᱟᱹᱨᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.