ᱜᱟᱱᱫᱷᱤᱱᱚᱜᱚᱨ ᱫᱚ ᱥᱤᱧᱚᱛ ᱨᱮᱭᱟᱜ ᱜᱩᱡᱽᱨᱟᱛ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱨᱮᱭᱟᱜ ᱫᱚᱥᱟᱨ ᱱᱚᱝᱠᱟᱱ ᱱᱟᱜᱟᱨ ᱠᱟᱱᱟ ᱡᱟᱦᱟᱸ ᱫᱚ ᱯᱩᱨᱟᱹ ᱴᱷᱟᱹᱣᱠᱟᱹ ᱠᱟᱛᱮ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾ ᱱᱚᱶᱟ ᱫᱚ 'ᱦᱟᱹᱨᱭᱟᱹᱲ ᱱᱟᱜᱟᱨ' (ᱜᱨᱤᱱ ᱥᱤᱴᱤ) ᱠᱚ ᱢᱮᱛᱟᱜᱼᱟ ᱾ ᱥᱮᱠᱨᱮᱴᱮᱨᱤᱭᱮᱴ ᱟᱨ ᱢᱚᱱᱛᱨᱤ ᱠᱚᱣᱟᱜ ᱵᱟᱥᱟ ᱦᱚᱸ ᱱᱚᱰᱮ ᱢᱮᱱᱟᱜᱼᱟ ᱾
ᱜᱟᱱᱫᱷᱤᱱᱚᱜᱚᱨ Gandhinagar | |
---|---|
ᱨᱟᱡᱽᱜᱟᱲ ᱥᱚᱦᱚᱨ | |
Coordinates: 23°13′23″N 72°39′00″E / 23.223°N 72.650°E 72°39′00″E / 23.223°N 72.650°E | |
ᱫᱤᱥᱚᱢ | ᱥᱤᱧᱚᱛ |
ᱯᱚᱱᱚᱛ | ᱜᱩᱡᱽᱨᱟᱴ |
ᱦᱚᱱᱚᱛ | ᱜᱟᱱᱫᱷᱤ ᱱᱚᱜᱚᱨ |
ᱧᱩᱢ ᱟᱠᱟᱱᱟ | ᱢᱚᱦᱟᱛᱢᱟ ᱜᱟᱱᱫᱷᱤ |
ᱥᱚᱨᱠᱟᱨ | |
• ᱞᱮᱠᱟᱱ | ᱢᱮᱭᱚᱨ ᱠᱟᱶᱱᱥᱤᱞ |
• ᱪᱟᱪᱞᱟᱣ | ᱜᱟᱱᱫᱷᱤ ᱱᱚᱜᱚᱨ ᱢᱩᱱᱤᱥᱤᱯᱟᱞ ᱠᱚᱨᱯᱳᱨᱮᱥᱳᱱ |
• ᱢᱩᱱᱤᱥᱤᱯᱟᱞ ᱠᱚᱢᱤᱥᱳᱱᱚᱨ | ᱮᱥ.ᱮᱞ. ᱟᱢᱨᱟᱱᱤ ᱟᱭᱤ.ᱮ.ᱮᱥ. |
• ᱢᱮᱭᱳᱨ | ᱯᱨᱚᱵᱤᱱ ᱯᱟᱴᱮᱞ |
ᱮᱨᱤᱭᱟ | |
• ᱞᱮᱠᱷᱟᱜᱩᱴ | 177 ᱠᱤᱢᱤ২ (68 ᱜᱟᱺᱴ ᱢᱟᱭᱤᱞ) |
ᱩᱥᱩᱞ | 81 ᱢᱤᱴᱚᱨ (266 ᱯᱷᱩᱴ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
• ᱞᱮᱠᱷᱟᱜᱩᱴ | ᱒᱙᱒,᱑᱖᱗ |
• ᱰᱮᱱᱥᱤᱴᱤ | 1700/ᱠᱤᱢᱤ2 (4300/ᱜᱟᱺᱴ ᱢᱟᱹᱭᱤᱞ) |
ᱯᱟᱹᱨᱥᱤ | |
• ᱟᱹᱢᱟᱹᱞᱤᱭᱟᱹᱛ | ᱜᱩᱡᱽᱨᱟᱛᱤ, ᱦᱤᱱᱫᱤ, ᱟᱨ ᱤᱸᱜᱽᱞᱤᱥ |
IST (ᱭᱩᱴᱤᱥᱤ+᱐᱕:᱓᱐) | |
ᱯᱤᱱ ᱠᱳᱰ | ᱓᱘᱒᱐᱑᱐ |
ᱴᱮᱞᱤᱯᱷᱚᱱ ᱠᱳᱰ | ᱐᱗᱙ |
ᱜᱟᱹᱰᱤ ᱨᱤᱡᱤᱥᱴᱨᱤ | GJ-18 |
ᱣᱮᱵᱽᱥᱟᱭᱤᱴ | gujaratindia |
'ᱢᱚᱦᱟᱛᱢᱟ ᱜᱟᱱᱫᱷᱤ' ᱭᱟᱜ ᱩᱭᱦᱟᱹᱨ ᱞᱮᱠᱟᱛᱮ ᱱᱚᱣᱟ ᱱᱟᱜᱟᱨ ᱨᱮᱭᱟᱜ ᱧᱩᱛᱩᱢ ᱫᱚ ᱜᱟᱱᱫᱷᱤ ᱱᱚᱜᱚᱨ ᱢᱮᱱᱛᱮ ᱫᱚᱦᱚ ᱟᱠᱟᱱᱟ ᱾ ᱱᱚᱰᱮᱱ ᱠᱩᱜ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱦᱚᱲ ᱫᱚ ᱥᱚᱨᱠᱟᱨᱤ ᱟᱨᱵᱟᱝ ᱯᱨᱟᱭᱵᱷᱮᱴ ᱪᱟᱹᱠᱨᱤ ᱠᱚ ᱪᱟᱹᱠᱨᱤᱭᱟᱹ ᱾ ᱱᱚᱰᱮᱱ ᱠᱚ ᱦᱚᱲ ᱫᱚ ᱟᱹᱰᱤ ᱱᱮᱢᱚᱥ ᱥᱟᱹᱱᱛᱤ ᱜᱮᱭᱟ ᱠᱚ ᱾ ᱜᱟᱱᱫᱷᱤᱱᱚᱜᱚᱨ ᱫᱚ ᱚᱦᱢᱚᱫᱟᱵᱟᱫᱽ ᱠᱷᱚᱱ ᱓᱕ ᱠᱤᱞᱚ ᱢᱤᱴᱚᱨ ᱯᱩᱨᱩᱵᱽ ᱯᱟᱦᱴᱟ ᱨᱮ ᱥᱟᱵᱚᱨ ᱢᱚᱛᱤ ᱱᱟᱹᱭ ᱨᱮᱭᱟᱜ ᱡᱚᱡᱚᱢ ᱠᱟᱛᱟ ᱯᱟᱦᱴᱟ ᱨᱮ ᱢᱮᱱᱟᱜᱼᱟ ᱾ ᱥᱟᱵᱚᱨ ᱢᱚᱛᱤ ᱜᱟᱰᱟ ᱨᱮᱭᱟᱜ ᱯᱟᱪᱮ ᱯᱟᱦᱴᱟ ᱥᱮᱫ ᱨᱮ ᱢᱮᱱᱟᱜ ᱜᱩᱡᱽᱨᱟᱴ ᱨᱮᱭᱟᱜ ᱨᱟᱡᱽᱜᱟᱲ ᱜᱟᱱᱫᱷᱤᱱᱚᱜᱚᱨ ᱧᱩᱛᱩᱢ ᱫᱚ ᱨᱟᱥᱴᱨᱚ ᱵᱟᱵᱟ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱧᱩᱛᱩᱢ ᱛᱮ ᱫᱚᱦᱚ ᱟᱠᱟᱱᱟ ᱾ ᱖᱔᱙ ᱥᱠᱚᱭᱟᱨ ᱠᱤᱹᱢᱤᱹ ᱨᱮ ᱯᱟᱥᱱᱟᱣ ᱟᱠᱟᱱ ᱜᱟᱱᱫᱷᱤᱱᱚᱜᱚᱨ ᱫᱚ ᱪᱚᱱᱰᱤᱜᱚᱰ ᱛᱟᱭᱚᱢ ᱜᱟᱱᱫᱷᱤᱱᱚᱜᱚᱨ ᱫᱚ ᱵᱷᱟᱨᱚᱛ ᱨᱮᱭᱟᱜ ᱫᱚᱥᱟᱨ ᱯᱚᱨᱛᱚᱱᱮᱛ ᱱᱟᱜᱟᱨ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱪᱚᱱᱰᱤᱜᱚᱰ ᱮ ᱰᱤᱡᱟᱭᱤᱱ ᱞᱮᱫ ᱯᱷᱨᱮᱸᱪ ᱟᱨᱠᱤᱴᱮᱠ ᱞᱤ ᱠᱚᱨᱵᱩᱥᱤᱭᱟᱱ ᱜᱮ ᱱᱚᱣᱟ ᱱᱟᱜᱟᱨ ᱦᱚᱸᱭ ᱰᱤᱡᱟᱭᱤᱱ ᱟᱠᱟᱫ ᱛᱟᱦᱮᱸᱫ ᱾
ᱨᱟᱡᱽᱦᱚᱨ
ᱚᱦᱢᱚᱫᱟᱵᱟᱫᱽ ᱠᱷᱚᱱ ᱱᱚᱣᱟ ᱫᱚ ᱵᱚᱢᱵᱮᱼᱫᱤᱞᱞᱤ ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱮᱞᱮᱞᱼ᱘ ᱦᱚᱛᱮᱛᱮ ᱡᱩᱲᱟᱭ ᱟᱠᱟᱱᱟ ᱾ ᱑᱙᱖᱕ ᱨᱮ ᱜᱩᱡᱽᱨᱟᱛ ᱨᱮᱭᱟᱜ ᱢᱟᱨᱮ ᱨᱟᱡᱽᱜᱟᱲ ᱚᱦᱢᱚᱫᱟᱵᱟᱫᱽ ᱠᱷᱚᱱ ᱜᱟᱱᱫᱷᱤ ᱱᱚᱜᱚᱨ ᱩᱪᱷᱟᱹᱲ ᱦᱩᱭ ᱮᱱᱟ ᱾ ᱱᱚᱣᱟ ᱫᱚ ᱢᱤᱫ ᱯᱚᱨᱛᱚᱱᱮᱛ ᱱᱟᱜᱟᱨ ᱠᱟᱱᱟ ᱡᱟᱦᱟᱸ ᱫᱚ ᱑᱙᱗᱐ ᱥᱟᱞᱮ ᱨᱮ ᱥᱚᱨᱠᱟᱨ ᱟᱹᱢᱟᱹᱞᱤ ᱦᱮᱡ ᱮᱱ ᱛᱟᱭᱚᱢ ᱪᱩᱦᱩᱞᱟᱹᱣ ᱦᱩᱭ ᱟᱠᱟᱱᱟ ᱾
ᱦᱚᱭᱦᱚᱨ
ᱚᱦᱢᱚᱫᱟᱵᱟᱫᱽ ᱨᱮᱭᱟᱜ ᱥᱚᱨᱫᱟᱨ ᱵᱚᱞᱞᱚᱵᱷ ᱵᱷᱟᱭᱤ ᱯᱚᱴᱮᱞ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱟᱰᱰᱟ ᱜᱟᱱᱫᱷᱤ ᱱᱚᱜᱚᱨ ᱨᱮᱭᱟᱜ ᱥᱩᱨ ᱩᱰᱟᱹᱱ ᱟᱰᱰᱟ ᱠᱟᱱᱟ ᱡᱟᱦᱟᱸ ᱫᱚ ᱦᱚᱱᱚᱛ ᱢᱩᱠᱷᱤᱭᱟᱹᱥᱟᱲᱟ ᱠᱷᱚᱱ ᱥᱩᱯᱩᱨ ᱓᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱨᱮᱞ ᱦᱚᱨ
ᱚᱦᱢᱚᱫᱟᱵᱟᱫᱽ ᱡᱚᱸᱠᱥᱳᱱ ᱜᱟᱹᱱᱫᱷᱤ ᱱᱚᱜᱚᱨ ᱨᱮᱭᱟᱜ ᱥᱩᱨ ᱨᱮᱞ ᱦᱚᱨ ᱥᱴᱮᱥᱳᱱ ᱠᱟᱱᱟ ᱾ ᱱᱚᱣᱟ ᱨᱮᱞᱣᱮ ᱥᱴᱮᱥᱳᱱ ᱫᱚ ᱫᱤᱥᱚᱢ ᱨᱮᱭᱟᱜ ᱟᱹᱰᱤᱜᱟᱱ ᱦᱟᱹᱴᱤᱧ ᱠᱷᱚᱱ ᱟᱹᱰᱤ ᱜᱟᱱ ᱨᱮᱞᱜᱟᱹᱰᱤ ᱦᱚᱛᱮᱛᱮ ᱡᱩᱲᱟᱹᱭ ᱢᱮᱱᱟᱜᱼᱟ ᱾
ᱥᱚᱲᱚᱠ ᱦᱚᱨ
ᱚᱦᱢᱚᱫᱟᱵᱟᱫᱽ ᱟᱨ ᱜᱩᱡᱽᱨᱟᱛ ᱨᱮᱭᱟᱜ ᱢᱟᱨᱟᱝ ᱵᱟᱡᱟᱨ ᱠᱷᱚᱱ ᱫᱤᱱᱟᱹᱢ ᱦᱤᱞᱚᱜ ᱵᱚᱥ ᱜᱟᱱᱫᱷᱤ ᱱᱚᱜᱚᱨ ᱞᱟᱹᱜᱤᱫ ᱪᱟᱹᱞᱩ ᱟᱠᱟ ᱢᱮᱱᱟᱜᱼᱟ ᱾ ᱥᱟᱵᱛᱮ ᱥᱩᱨ ᱯᱚᱱᱚᱛ ᱦᱚᱛᱮᱛᱮ ᱦᱚᱸ ᱜᱟᱱᱫᱷᱤ ᱱᱚᱜᱚᱨ ᱥᱚᱲᱚᱠ ᱦᱚᱨ ᱥᱟᱶ ᱡᱩᱲᱟᱹᱭ ᱢᱮᱱᱟᱜᱼᱟ ᱾
ᱜᱟᱱᱫᱷᱤᱱᱚᱜᱚᱨ ᱫᱚ ᱚᱦᱢᱚᱫᱟᱵᱟᱫᱽ ᱵᱟᱡᱟᱨ ᱠᱷᱚᱱ ᱓᱕ ᱠᱤᱞᱚᱢᱤᱴᱚᱨ ᱥᱟᱢᱟᱝ ᱯᱟᱦᱴᱟ ᱨᱮ ᱥᱟᱵᱚᱨᱢᱚᱛᱤ ᱱᱟᱹᱭ ᱨᱮᱭᱟᱜ ᱡᱚᱡᱚᱢ ᱯᱟᱦᱴᱟ ᱨᱮ ᱢᱮᱱᱟᱜᱼᱟ ᱾ ᱥᱟᱵᱚᱨᱢᱚᱛᱤ ᱱᱟᱹᱭ ᱨᱮᱭᱟᱜ ᱯᱟᱪᱮ ᱯᱟᱦᱴᱟ ᱨᱮ ᱢᱮᱱᱟᱜ ᱜᱩᱡᱽᱨᱟᱴ ᱨᱮᱭᱟᱜ ᱨᱟᱡᱽᱜᱟᱲ ᱜᱟᱱᱫᱷᱤᱱᱚᱜᱚᱨ ᱨᱮᱭᱟᱜ ᱧᱩᱛᱩᱢ ᱫᱚ ᱡᱟᱹᱛᱤᱭᱟᱹᱨᱤ ᱵᱟᱵᱟ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱧᱩᱛᱩᱢ ᱞᱮᱠᱟᱛᱮ ᱫᱚᱦᱚ ᱟᱠᱟᱱᱟ ᱾ ᱖᱔᱙ ᱥᱠᱳᱭᱟᱨ ᱠᱤᱞᱚᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱠᱟᱱ ᱜᱟᱱᱫᱷᱤᱱᱚᱜᱚᱨ ᱫᱚ ᱪᱚᱱᱰᱤᱜᱚᱰ ᱛᱟᱭᱚᱢ ᱥᱤᱧᱚᱛ ᱨᱮᱭᱟᱜ ᱫᱚᱥᱟᱨ ᱯᱚᱨᱛᱚᱱᱮᱛ ᱵᱟᱡᱟᱨ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱨᱮ ᱢᱮᱱᱟᱜᱼᱟ ᱾
ᱜᱟᱱᱫᱷᱤᱱᱚᱜᱚᱨ ᱵᱟᱡᱟᱨ ᱫᱚ ᱪᱤᱯ ᱟᱨᱠᱤᱴᱮᱠ ᱦᱮᱪᱹᱠᱮᱹ ᱢᱮᱣᱚᱰᱟ, ᱡᱟᱦᱟᱸᱭ ᱫᱚ ᱠᱚᱨᱱᱮᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱮᱪᱮᱫ ᱮ ᱟᱢᱮᱴ ᱞᱮᱜᱼᱟ ᱟᱨ ᱟᱡᱤᱡ ᱟᱥᱤᱥᱴᱟᱸᱴ ᱯᱨᱳᱠᱟᱥ ᱮᱢᱹ ᱟᱯᱴᱮ ᱦᱚᱛᱮᱛᱮ ᱯᱚᱨᱛᱚᱱ ᱦᱩᱭ ᱞᱮᱱᱟ ᱾
ᱚᱠᱷᱭᱚᱨᱫᱷᱟᱢ ᱢᱩᱫᱽᱨᱤ ᱺ
ᱜᱟᱱᱫᱷᱤᱱᱚᱜᱚᱨ ᱨᱮᱭᱟᱜ ᱚᱠᱷᱭᱚᱨᱫᱷᱟᱢ ᱢᱩᱫᱽᱨᱤ ᱥᱤᱧᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱩᱫᱽᱨᱤ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱡᱚᱛᱚ ᱥᱮᱨᱢᱟ ᱒᱐ ᱜᱮᱥᱟᱥᱟᱭ ᱠᱷᱚᱱ ᱦᱚᱸ ᱵᱟᱹᱲᱛᱤ ᱦᱚᱲ ᱱᱚᱣᱟ ᱢᱩᱫᱽᱨᱤ ᱛᱮ ᱠᱚ ᱦᱟᱹᱡᱩᱜᱼᱟ ᱾ ᱢᱩᱫᱽᱨᱤ ᱨᱮᱭᱟᱜ ᱢᱟᱨᱟᱝ ᱢᱩᱦᱤᱛ ᱫᱚ ᱥᱣᱟᱢᱤ ᱱᱟᱨᱟᱭᱚᱬ ᱟᱜ ᱜᱮᱞ ᱫᱚᱞᱟᱱ ᱩᱥᱩᱞ ᱥᱳᱱᱟ ᱢᱩᱨᱛᱤ ᱾ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱩᱰᱷᱟᱹᱣ ᱫᱚ ᱓᱐ ᱚᱠᱴᱳᱵᱚᱨ ᱑᱙᱙᱒ ᱨᱮ ᱦᱩᱭ ᱞᱮᱱᱟ ᱾ ᱚᱠᱷᱭᱚᱨ ᱫᱷᱟᱢ ᱢᱩᱫᱽᱨᱤ ᱫᱚ ᱒᱓ ᱮᱠᱚᱨ ᱡᱟᱭᱜᱟ ᱨᱮᱭᱟᱜ ᱛᱟᱞᱢᱟ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱨᱟᱡᱚᱥᱛᱟᱱ ᱠᱷᱚᱱ ᱖,᱐᱐᱐ ᱢᱤᱴᱨᱤᱠ ᱴᱳᱱ ᱜᱩᱞᱟᱹᱯᱤ ᱵᱟᱹᱞᱤ ᱫᱷᱤᱨᱤ ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱚᱠᱷᱭᱚᱨ ᱫᱷᱟᱢ ᱢᱩᱫᱽᱨᱤ ᱨᱮᱭᱟᱜ ᱢᱟᱨᱟᱝ ᱠᱮᱢᱯᱳᱥ ᱫᱚ ᱑᱐᱘ ᱯᱷᱤᱴ ᱩᱥᱩᱞ ᱢᱮᱱᱟᱜᱼᱟ, ᱑᱓᱑ ᱯᱷᱤᱴ ᱚᱥᱟᱨ ᱟᱨ ᱒᱔᱐ ᱯᱷᱤᱴ ᱡᱤᱞᱤᱧ ᱢᱮᱱᱟᱜᱼᱟ ᱾
᱒᱐᱐᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱜᱟᱱᱫᱷᱤᱱᱚᱜᱚᱨ ᱨᱮᱭᱟᱜ ᱦᱚᱲ ᱮᱞᱮᱞ ᱫᱚ ᱑,᱙᱕,᱘᱙᱑ ᱢᱮᱱᱟᱜ ᱠᱚᱣᱟ ᱾
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱜᱟᱱᱫᱷᱤᱱᱚᱜᱚᱨ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱜᱟᱱᱫᱷᱤᱱᱚᱜᱚᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.