ᱚᱣᱨᱚᱝᱜᱟᱵᱟᱫᱽ, ᱢᱚᱦᱟᱨᱟᱥᱴᱨᱚ
ᱚᱣᱨᱚᱝᱜᱟᱵᱟᱫᱽ ᱫᱚ ᱥᱤᱧᱚᱛ ᱨᱮᱱᱟᱜ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱚᱣᱨᱚᱝᱜᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱᱤᱭᱟᱹ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱟᱨ ᱢᱚᱨᱟᱴᱷᱣᱟᱲᱟ ᱴᱚᱴᱷᱟ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱰᱮᱠᱠᱚᱱ ᱴᱨᱮᱯ ᱨᱮ ᱢᱤᱫ ᱵᱩᱨᱩ ᱪᱮᱛᱟᱱ ᱮᱞᱟᱠᱟ ᱨᱮ ᱢᱮᱱᱟᱜ, ᱚᱣᱨᱚᱝᱜᱟᱵᱟᱫᱽ ᱨᱮ ᱑᱑,᱗᱕,᱑᱑᱖ ᱦᱚᱲ ᱮᱞ ᱜᱟᱶ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱢᱚᱬᱮᱭᱟᱜ ᱟᱹᱰᱤ ᱥᱟᱸᱜᱮ ᱮᱞ ᱟᱜ ᱥᱚᱦᱨᱤ ᱴᱚᱴᱷᱟ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱛᱩᱞᱟᱹᱢ ᱞᱩᱜᱽᱲᱤ ᱟᱨ ᱠᱟᱞᱟᱠᱟᱨ ᱨᱮᱥᱢᱤ ᱞᱩᱜᱽᱲᱤ ᱨᱮᱱᱟᱜ ᱢᱩᱬ ᱥᱤᱨᱡᱚᱱ ᱛᱟᱞᱢᱟ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾ ᱰᱨ.
ᱵᱟᱵᱟᱥᱟᱦᱮᱵᱽ ᱟᱢᱵᱮᱰᱠᱚᱨ ᱢᱚᱨᱟᱴᱷᱣᱟᱲᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶᱛᱮ ᱟᱹᱰᱤ ᱜᱟᱱ ᱢᱩᱬ ᱥᱮᱪᱮᱫ ᱥᱚᱸᱥᱛᱷᱟᱱ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱢᱤᱫ ᱧᱩᱛᱩᱢᱟᱱ ᱧᱮᱞᱡᱚᱝ ᱛᱟᱞᱢᱟ ᱦᱚᱸ ᱠᱟᱱᱟ, ᱡᱟᱦᱟᱸ ᱵᱟᱦᱨᱮ ᱮᱞᱟᱠᱟ ᱨᱮ ᱚᱡᱚᱱᱛᱟ ᱟᱨ ᱮᱞᱳᱨᱟ ᱠᱷᱚᱠᱷᱨᱚ ᱞᱮᱠᱟᱱ ᱧᱮᱞᱡᱚᱝ ᱴᱷᱟᱶ ᱢᱮᱱᱟᱜᱼᱟ, ᱵᱟᱱᱟᱨ ᱜᱮ ᱑᱙᱘᱓ ᱥᱟᱞ ᱠᱷᱚᱱ ᱭᱩᱱᱮᱥᱠᱚ ᱨᱮᱱᱟᱜ ᱡᱮᱜᱮᱛ ᱦᱮᱨᱤᱴᱮᱡᱽ ᱴᱷᱟᱶ ᱞᱮᱠᱟᱛᱮ ᱧᱩᱛᱩᱢ ᱟᱠᱟᱱᱟ ᱾ ᱮᱴᱟᱜ ᱧᱮᱞᱡᱚᱝ ᱞᱩᱵᱷᱟᱣ ᱨᱮ ᱚᱣᱨᱚᱝᱜᱟᱵᱟᱫᱽ ᱠᱷᱚᱠᱷᱨᱚ, ᱫᱚᱣᱞᱟᱵᱟᱫᱽ ᱠᱤᱞᱟ, ᱜᱨᱤᱥᱱᱮᱥᱚᱨ ᱢᱩᱫᱽᱨᱤ, ᱡᱟᱢᱟ ᱢᱚᱥᱡᱤᱫᱽ, ᱵᱤᱵᱤ ᱭᱟᱜ ᱢᱚᱠᱵᱚᱨᱟ, ᱦᱤᱢᱟᱭᱚᱛ ᱵᱟᱜᱽ, ᱯᱚᱸᱪᱚᱠᱠᱤ ᱟᱨ ᱥᱚᱞᱤᱢ ᱟᱞᱤ ᱡᱷᱤᱞ ᱥᱮᱞᱮᱫ ᱟᱠᱟᱱᱟ ᱾ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ, ᱚᱠᱚᱭ ᱦᱚᱛᱮᱛᱮ ᱚᱣᱨᱚᱝᱜᱟᱵᱟᱫᱽ ᱫᱚ "ᱫᱩᱣᱟᱹᱨ ᱨᱮᱱᱟᱜ ᱥᱚᱦᱚᱨ" ᱠᱚ ᱢᱮᱛᱟᱜᱼᱟ ᱾ ᱒᱐᱑᱙ ᱥᱟᱞ ᱨᱮ, ᱚᱣᱨᱚᱝᱜᱟᱵᱟᱫᱽ ᱠᱟᱹᱨᱜᱟᱲ ᱥᱚᱦᱚᱨ (AURIC) ᱫᱚ ᱫᱤᱥᱚᱢ ᱨᱮᱱᱟᱜ ᱢᱩᱬ ᱤᱥᱢᱟᱨᱴ ᱥᱚᱦᱚᱨ ᱢᱤᱥᱚᱱ ᱵᱷᱤᱛᱨᱤ ᱨᱮ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱜᱨᱤᱱᱯᱷᱤᱞᱰ ᱠᱟᱹᱨᱜᱟᱲ ᱤᱥᱢᱟᱨᱴ ᱥᱚᱦᱚᱨ ᱵᱮᱱᱟᱣ ᱮᱱᱟ ᱾
| ᱚᱣᱨᱚᱝᱜᱟᱵᱟᱫᱽ | |
|---|---|
| ᱢᱮᱴᱨᱚᱯᱚᱞᱤᱥ | |
From top, then left to right: Skyline featuring Bibi Ka Maqbara, a typical market street (Juna Bazaar), Daulatabad Fort, Grishneshwar Temple, Aurangabad Caves | |
| ᱮᱴᱟᱜ ᱧᱩᱛᱩᱢ: ᱥᱚᱦᱚᱨ ᱨᱮᱱᱟᱜ ᱫᱩᱣᱟᱹᱨ | |
  ᱚᱣᱨᱚᱝᱜᱟᱵᱟᱫᱽ | |
| Coordinates: 19°53′N 75°19′E / 19.88°N 75.32°E 75°19′E / 19.88°N 75.32°E | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱢᱚᱦᱟᱨᱟᱥᱴᱨᱚ |
| ᱴᱚᱴᱷᱟ | ᱢᱚᱨᱟᱴᱷᱣᱟᱲᱟ |
| ᱠᱷᱚᱸᱰ | ᱚᱣᱨᱚᱝᱜᱟᱵᱟᱫᱽ |
| ᱦᱚᱱᱚᱛ | ᱚᱣᱨᱚᱝᱜᱟᱵᱟᱫᱽ |
| ᱛᱷᱟᱯᱚᱱ | ᱑᱖᱑᱐ |
| ᱵᱩᱱᱤᱭᱟᱹᱫᱤᱭᱟᱹ | ᱢᱚᱞᱤᱠ ᱟᱢᱵᱟᱨ |
| ᱧᱩᱢ ᱟᱠᱟᱱᱟ | ᱚᱣᱨᱚᱝᱜᱚᱡᱮᱵᱽ |
| ᱥᱚᱨᱠᱟᱨ | |
| • ᱚᱣᱨᱚᱝᱜᱟᱵᱟᱫᱽ ᱨᱤᱱᱤᱡ ᱰᱤᱵᱤᱡᱚᱱᱟᱞ ᱠᱚᱢᱤᱥᱚᱱᱟᱨ | ᱥᱩᱱᱤᱞ ᱠᱮᱱᱫᱽᱨᱮᱠᱚᱨ (IAS) |
| • ᱚᱣᱨᱚᱝᱜᱟᱵᱟᱫᱽ ᱯᱩᱞᱤᱥ ᱠᱚᱢᱤᱥᱚᱱᱟᱨ | ᱰᱨ ᱱᱤᱠᱷᱤᱞ ᱜᱩᱯᱛᱟ (IPS) |
| • ᱥᱚᱸᱥᱚᱫᱽ | ᱤᱢᱛᱤᱭᱟᱡᱽ ᱡᱟᱞᱤᱞ (AIMIM) |
| • ᱢᱮᱭᱚᱨ | ᱱᱟᱱᱫᱽᱠᱩᱢᱟᱨ ᱜᱷᱳᱰᱮᱞᱮ |
| • ᱵᱤᱫᱷᱟᱭᱚᱠ |
|
| ᱮᱨᱤᱭᱟ | |
| • ᱢᱮᱴᱨᱚᱯᱚᱞᱤᱥ | 139 ᱠᱤᱢᱤ২ (54 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 568 ᱢᱤᱴᱚᱨ (1864 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • ᱢᱮᱴᱨᱚᱯᱚᱞᱤᱥ | ᱑,᱑᱗᱕,᱑᱑᱖ |
| • ᱫᱷᱟᱹᱲ ᱮᱞ | ᱥᱤᱧᱚᱛ: ᱓᱒ ᱟᱱᱟᱜ ᱢᱚᱦᱟᱨᱟᱥᱴᱨᱚ:᱖ ᱟᱱᱟᱜ ᱢᱚᱨᱟᱴᱷᱣᱟᱲᱟ: ᱑ |
| • ᱰᱮᱱᱥᱤᱴᱤ | 8500/ᱠᱤᱢᱤ2 (22000/ᱜᱟᱺᱴ ᱢᱟᱹᱭᱤᱞ) |
| • ᱢᱟᱦᱟᱱᱟᱜᱟᱨ | ᱑,᱑᱙᱓,᱑᱖᱗ |
| • ᱢᱮᱴᱨᱚ ᱨᱮᱸᱠ | ᱔᱓ ᱟᱱᱟᱜ |
| Demonym(s) | ᱚᱣᱨᱚᱝᱜᱟᱵᱟᱫᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱔᱓᱑ ᱐᱐᱑ |
| ᱴᱮᱞᱤᱯᱷᱚᱱ ᱠᱳᱰ ᱐᱒᱔᱐ | ᱐᱒᱔᱐ |
| ᱜᱟᱹᱰᱤ ᱨᱤᱡᱤᱥᱴᱨᱤ | MH 20 |
| ᱥᱚᱨᱠᱟᱨᱤ ᱯᱟᱹᱨᱥᱤ | ᱢᱟᱨᱟᱴᱷᱤ |
.JPG)
ᱱᱟᱜᱟᱢ
ᱠᱷᱟᱠᱤ ᱫᱚ ᱟᱹᱛᱩ ᱨᱮᱱᱟᱜ ᱢᱩᱬ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱚᱦᱢᱚᱫᱽᱱᱚᱜᱚᱨ ᱨᱤᱱᱤᱡ ᱥᱩᱞᱛᱟᱱ ᱢᱩᱨᱛᱚᱡᱟ ᱱᱤᱡᱟᱢ ᱥᱟᱦ ᱫᱚᱥᱟᱨ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱢᱚᱞᱤᱠ ᱚᱢᱵᱚᱨ ᱫᱚ ᱨᱟᱡᱽᱜᱟᱲ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱜᱮᱞ ᱥᱮᱨᱢᱟ ᱵᱷᱤᱛᱤᱨ, ᱠᱷᱟᱠᱤ ᱫᱚ ᱢᱤᱫ ᱦᱚᱲ ᱮᱞ ᱟᱜ ᱟᱨ ᱱᱟᱯᱟᱭ ᱥᱚᱦᱚᱨ ᱨᱮ ᱩᱛᱱᱟᱹᱣ ᱦᱩᱭ ᱮᱱᱟ ᱾ ᱑᱖᱒᱖ ᱥᱟᱞ ᱨᱮ ᱢᱚᱞᱤᱠ ᱚᱢᱵᱚᱨ ᱫᱚ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱟᱡᱤᱡ ᱵᱮᱴᱟ ᱯᱷᱚᱛᱮᱦ ᱠᱷᱟᱱ ᱫᱚ ᱟᱡᱤᱡ ᱥᱟᱠᱥᱤᱰ ᱮ ᱵᱮᱱᱟᱣ ᱮᱱᱟ, ᱡᱟᱦᱟᱸ ᱫᱚ ᱠᱷᱟᱠᱤ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱯᱷᱚᱛᱮᱦᱱᱚᱜᱚᱨ ᱮᱱᱟ ᱾ ᱑᱖᱓᱓ ᱥᱟᱞ ᱨᱮ ᱥᱟᱦᱤ ᱥᱤᱯᱟᱹᱦᱤ ᱦᱚᱛᱮᱛᱮ ᱫᱚᱣᱞᱛᱟᱵᱟᱫᱽ ᱠᱤᱞᱟ ᱨᱮ ᱟᱢᱮᱴ ᱠᱟᱛᱮ ᱥᱟᱶ, ᱯᱷᱚᱛᱮᱦᱱᱚᱜᱚᱨ ᱥᱟᱶᱛᱮ ᱱᱤᱡᱟᱢ ᱥᱟᱦᱤ ᱰᱚᱢᱤᱱᱤᱥᱚᱱ ᱫᱚ ᱢᱩᱜᱚᱞᱟᱜ ᱟᱢᱮᱴ ᱨᱮ ᱦᱮᱡ ᱮᱱᱟ ᱾
᱖᱕᱓ ᱥᱟᱞ ᱨᱮ ᱡᱚᱠᱷᱚᱱ ᱢᱩᱜᱚᱞ ᱨᱟᱡᱽᱠᱩᱢᱟᱨ ᱚᱣᱨᱚᱝᱡᱮᱵᱽ ᱮ ᱫᱚᱥᱟᱨ ᱰᱷᱟᱹᱣ ᱫᱚᱠᱠᱚᱱ ᱨᱤᱱᱤᱡ ᱵᱷᱟᱭᱥᱚᱨᱟᱭ ᱵᱟᱦᱟᱞ ᱮᱱᱟ, ᱟᱫᱚ ᱩᱱᱤᱫᱚ ᱯᱷᱚᱛᱮᱦᱱᱚᱜᱚᱨ ᱫᱚ ᱟᱡᱟᱜ ᱨᱟᱡᱽᱜᱟᱲ ᱵᱮᱱᱟᱣ ᱠᱮᱫᱟ ᱟᱨ ᱚᱱᱟ ᱧᱩᱛᱩᱢ ᱫᱚ ᱵᱚᱫᱚᱞ ᱠᱟᱛᱮ ᱚᱣᱨᱚᱝᱜᱟᱵᱟᱫᱽ ᱠᱮᱫᱟ ᱾ ᱚᱣᱨᱚᱝᱜᱟᱵᱟᱫᱽ ᱫᱚ ᱚᱠᱟ ᱚᱡᱟ ᱡᱷᱚᱦ ᱚᱣᱨᱚᱝᱡᱮᱵᱽ ᱟᱜ ᱥᱟᱥᱚᱱ ᱚᱠᱛᱚ ᱨᱮᱱᱟᱜ ᱱᱟᱜᱟᱢ ᱦᱚᱛᱮᱛᱮ ᱠᱷᱩᱡᱤᱥᱛᱟ ᱵᱚᱱᱭᱟᱫᱽ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]
ᱦᱚᱭᱫᱟᱜ
| ᱚᱣᱨᱚᱝᱜᱟᱵᱟᱫᱽ (ᱚᱣᱨᱚᱝᱜᱟᱵᱟᱫᱽ ᱩᱰᱟᱹᱱ ᱰᱟᱹᱦᱤ) 1981–2010, extremes 1952–2012ᱨᱮᱭᱟᱜ ᱦᱚᱭᱼᱦᱤᱥᱤᱫ ᱵᱟᱵᱚᱛ ᱠᱟᱛᱷᱟ | |||||||||||||
|---|---|---|---|---|---|---|---|---|---|---|---|---|---|
| ᱪᱟᱸᱫᱚ | ᱡᱟᱱ | ᱯᱷᱮᱵᱽ | ᱢᱟᱨᱪ | ᱮᱯᱨᱤᱞ | ᱢᱮᱹ | ᱡᱩᱱ | ᱡᱩᱞᱟᱭ | ᱟᱜᱚᱥᱴ | ᱥᱮᱯ | ᱚᱠᱴᱚ | ᱱᱚᱵᱷᱮ | ᱰᱤᱥᱮ | ᱥᱮᱨᱢᱟ |
| ᱡᱟᱹᱥᱛᱤ ᱨᱮᱠᱳᱨᱰ °ᱥᱮ (°ᱯᱷᱟ) | 34.2 (93.6) | 37.8 (100.0) | 40.6 (105.1) | 43.6 (110.5) | 43.6 (110.5) | 43.0 (109.4) | 37.1 (98.8) | 35.6 (96.1) | 37.0 (98.6) | 37.6 (99.7) | 34.6 (94.3) | 33.6 (92.5) | 43.6 (110.5) |
| ᱮᱵᱷᱚᱨᱮᱡᱽ ᱪᱮᱛᱟᱱ °ᱥᱮ (°ᱯᱷᱟ) | 29.2 (84.6) | 31.8 (89.2) | 35.7 (96.3) | 38.6 (101.5) | 39.4 (102.9) | 34.7 (94.5) | 30.2 (86.4) | 29.0 (84.2) | 30.4 (86.7) | 31.6 (88.9) | 30.2 (86.4) | 28.7 (83.7) | 32.5 (90.5) |
| ᱮᱵᱷᱚᱨᱮᱡᱽ ᱞᱟᱛᱟᱨ °ᱥᱮ (°ᱯᱷᱟ) | 12.2 (54.0) | 14.2 (57.6) | 18.5 (65.3) | 22.4 (72.3) | 24.4 (75.9) | 23.4 (74.1) | 22.2 (72.0) | 21.5 (70.7) | 21.2 (70.2) | 18.5 (65.3) | 14.7 (58.5) | 11.8 (53.2) | 18.8 (65.8) |
| ᱥᱟᱱᱟᱢ ᱠᱷᱚᱱ ᱡᱚᱢ ᱨᱮᱠᱳᱨᱰ °ᱥᱮ (°ᱯᱷᱟ) | 1.2 (34.2) | 1.9 (35.4) | 7.1 (44.8) | 10.2 (50.4) | 14.2 (57.6) | 18.5 (65.3) | 18.4 (65.1) | 17.2 (63.0) | 12.6 (54.7) | 8.3 (46.9) | 1.9 (35.4) | 1.2 (34.2) | 1.2 (34.2) |
| ᱮᱵᱷᱚᱨᱮᱡᱽ ᱫᱟᱜᱼᱡᱟᱹᱲᱤ ᱢᱤᱢᱤ (ᱤᱧᱪᱤ) | 3.3 (0.13) | 2.2 (0.09) | 6.0 (0.24) | 3.9 (0.15) | 19.5 (0.77) | 137.4 (5.41) | 164.8 (6.49) | 170.7 (6.72) | 175.8 (6.92) | 76.8 (3.02) | 19.2 (0.76) | 10.1 (0.40) | 789.7 (31.09) |
| ᱮᱵᱷᱚᱨᱮᱡᱽ ᱫᱟᱜᱼᱡᱟᱹᱲᱤ ᱢᱟᱦᱟᱸ | 0.3 | 0.3 | 0.5 | 0.3 | 1.7 | 7.4 | 10.8 | 10.3 | 8.7 | 4.0 | 1.2 | 0.7 | 46.2 |
| ᱮᱵᱷᱚᱨᱮᱡᱽ relative humidity (%) (at {{{time day}}}) | 37 | 31 | 26 | 25 | 28 | 54 | 70 | 73 | 66 | 48 | 44 | 41 | 45 |
| ᱯᱷᱮᱰᱟᱛ: India Meteorological Department | |||||||||||||
ᱚᱛᱱᱚᱜ
ᱦᱚᱲ ᱮᱞ
| ᱦᱚᱲ ᱮᱞ ᱜᱨᱚᱛᱷ | |||
|---|---|---|---|
| ᱦᱚᱲ ᱞᱮᱠᱷᱟ ᱡᱚᱠᱷᱟ | ᱦᱚᱲ ᱮᱞ | %± | |
| ᱑᱙᱐᱑ | ᱑᱐,᱐᱐᱐ | ||
| ᱑᱙᱑᱑ | ᱓᱔,᱙᱐᱒ | 249.0% | |
| ᱑᱙᱒᱑ | ᱓᱖,᱘᱗᱖ | 5.7% | |
| ᱑᱙᱓᱑ | ᱓᱖,᱘᱗᱐ | 0.0% | |
| ᱑᱙᱔᱑ | ᱕᱐,᱙᱒᱔ | 38.1% | |
| ᱑᱙᱕᱑ | ᱖᱖,᱖᱓᱖ | 30.9% | |
| ᱑᱙᱖᱑ | ᱙᱗,᱗᱐᱑ | 46.6% | |
| ᱑᱙᱗᱑ | ᱑᱖᱕,᱒᱕᱓ | 69.1% | |
| ᱑᱙᱘᱑ | ᱓᱐᱑,᱐᱐᱐ | 82.1% | |
| ᱑᱙᱙᱑ | ᱕᱙᱒,᱐᱐᱐ | 96.7% | |
| ᱒᱐᱐᱑ | ᱙᱐᱒,᱑᱗᱙ | 52.4% | |
| ᱒᱐᱑᱑ | ᱑,᱔᱒᱑,᱘᱗᱙ | 57.6% | |
| Source:Census of India | |||
᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱚᱣᱨᱚᱝᱜᱟᱵᱟᱫᱽ ᱨᱤᱱ ᱦᱚᱲ ᱮᱞ ᱫᱚ ᱑,᱑᱗᱕,᱑᱑᱖ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱸᱰᱮ ᱠᱷᱚᱱ ᱖᱐᱙,᱒᱐᱖ ᱠᱚᱲᱟ ᱟᱨ ᱕᱖᱕,᱙᱑᱐ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱐ ᱠᱷᱚᱱ ᱖ ᱵᱚᱪᱷᱚᱨ ᱩᱢᱚᱨ ᱥᱤᱢᱟᱹ ᱨᱮ ᱦᱚᱲ ᱮᱞ ᱫᱚ ᱑᱕᱘,᱗᱗᱙ ᱢᱮᱱᱟᱜ ᱠᱚᱣᱟ ᱾ ᱚᱣᱨᱚᱝᱜᱟᱵᱟᱫᱽ ᱨᱮ ᱥᱮᱪᱮᱫ ᱜᱩᱴ ᱮᱞ ᱫᱚ ᱗᱘᱙,᱒᱒᱔ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱦᱚᱲ ᱮᱞ ᱨᱮᱱᱟᱜ ᱗᱕.᱖᱗% ᱛᱟᱦᱮᱸ ᱠᱟᱱᱟ, ᱠᱚᱲᱟ ᱥᱮᱪᱮᱫ ᱫᱚ ᱗᱙.᱓᱔% ᱟᱨ ᱛᱤᱨᱞᱟᱹ ᱥᱮᱪᱮᱫ ᱫᱚ ᱗᱑.᱗᱒% ᱛᱟᱦᱮᱸ ᱠᱟᱱᱟ ᱾ ᱚᱣᱨᱚᱝᱜᱟᱵᱟᱫᱽ ᱨᱮᱱᱟᱜ ᱗+ ᱦᱚᱲ ᱮᱞ ᱨᱮᱱᱟᱜ ᱥᱮᱪᱮᱫ ᱫᱚᱨ ᱫᱚ ᱘᱗.᱕% ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮ ᱠᱚᱲᱟ ᱥᱮᱪᱮᱫ ᱫᱚᱨ ᱫᱚ ᱙᱒.᱒% ᱟᱨ ᱛᱤᱨᱞᱟᱹ ᱥᱮᱪᱮᱫ ᱫᱚᱨ ᱫᱚ ᱘᱒.᱕% ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱫᱚ ᱒᱒᱙,᱒᱒᱓ ᱟᱨ ᱟᱹᱫᱤᱵᱟᱹᱥᱤ ᱫᱚ ᱑᱕,᱒᱔᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱒᱐᱑᱑ ᱥᱟᱞ ᱨᱮ ᱚᱣᱨᱚᱝᱜᱟᱵᱟᱫᱽ ᱨᱮ ᱒᱓᱖᱖᱕᱙ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾
ᱯᱟᱹᱨᱥᱤ
ᱢᱟᱨᱟᱴᱷᱤ ᱫᱚ ᱥᱚᱦᱚᱨ ᱨᱮᱱᱟᱜ ᱟᱹᱢᱟᱹᱞᱮᱛ ᱯᱟᱹᱨᱥᱤ ᱠᱟᱱᱟ ᱾ ᱢᱟᱨᱟᱴᱷᱤ ᱦᱚᱸ ᱥᱚᱦᱚᱨ ᱨᱮ ᱟᱹᱰᱤ ᱡᱟᱹᱥᱛᱤ ᱨᱚᱲᱼᱮᱫ ᱯᱟᱹᱨᱥᱤ ᱠᱟᱱᱟ, ᱚᱱᱟ ᱛᱟᱭᱚᱢ ᱫᱚ ᱩᱨᱫᱩ ᱟᱨ ᱦᱤᱱᱫᱤ ᱠᱟᱱᱟ ᱾
ᱫᱷᱚᱨᱚᱢ
ᱚᱣᱨᱚᱝᱜᱟᱵᱟᱫᱽ ᱨᱮ ᱰᱮᱦᱮᱨ ᱛᱮᱫ ᱦᱚᱲ ᱮᱞ ᱫᱚ ᱦᱤᱱᱫᱩ (᱕᱑%) ᱢᱮᱱᱟᱜ ᱠᱚᱣᱟ, ᱚᱱᱟ ᱛᱟᱭᱚᱢ ᱓᱐% ᱫᱚ ᱢᱩᱥᱞᱤᱢ, ᱑᱕.᱒% ᱫᱚ ᱵᱩᱫᱫᱷᱚ ᱟᱨ ᱑.᱖% ᱫᱚ ᱡᱮᱭᱱ ᱢᱮᱱᱟᱜ ᱠᱚᱣᱟ ᱾
ᱠᱟᱹᱣᱰᱤ ᱟᱹᱨᱤ
ᱥᱟᱜᱟᱲᱚᱢ
ᱩᱰᱟᱹᱱ ᱦᱚᱨ
ᱚᱣᱨᱚᱝᱜᱟᱵᱟᱫᱽ ᱩᱰᱟᱹᱱ ᱰᱟᱹᱦᱤ ᱫᱚ ᱥᱚᱦᱚᱨ ᱨᱮᱱᱟᱜ ᱥᱮᱵᱟ ᱦᱟᱜ ᱢᱤᱫ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱟᱨ ᱦᱟᱭᱫᱽᱨᱟᱵᱟᱫᱽ, ᱫᱤᱞᱞᱤ, ᱢᱩᱢᱵᱟᱭ, ᱵᱮᱸᱜᱽᱞᱚᱨ, ᱚᱦᱢᱚᱫᱟᱵᱟᱫᱽ, ᱩᱫᱚᱭᱯᱩᱨ, ᱛᱤᱨᱩᱯᱟᱛᱤ, ᱵᱤᱥᱟᱠᱷᱟᱯᱟᱴᱱᱟᱢ ᱟᱨ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱞᱟᱹᱜᱤᱫ ᱛᱮ ᱡᱚᱲᱟᱣ ᱩᱰᱟᱹᱜ ᱠᱟᱱᱟ ᱾ ᱒᱐᱐᱘ ᱥᱟᱞ ᱨᱮ, ᱦᱟᱡᱽ ᱯᱟᱥᱮᱱᱡᱚᱨ ᱨᱮ ᱦᱮᱡ ᱱᱚᱜ ᱠᱚ ᱦᱚᱲ ᱟᱜ ᱞᱟᱹᱜᱤᱫ ᱛᱮ ᱩᱰᱟᱹᱱ ᱵᱮᱵᱚᱥᱛᱟ ᱦᱩᱭ ᱟᱠᱟᱱᱟ ᱾
ᱨᱮᱞ
ᱚᱣᱨᱚᱝᱜᱟᱵᱟᱫᱽ ᱨᱮᱞᱣᱮ ᱥᱴᱮᱥᱚᱱ ᱫᱚ ᱮᱛᱚᱢ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱱᱟᱱᱫᱮᱲ ᱨᱮᱞᱣᱮ ᱰᱤᱵᱤᱡᱚᱱ ᱵᱷᱤᱛᱤᱨ ᱨᱮ ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱥᱤᱠᱚᱱᱫᱨᱟᱵᱟᱫᱽᱼᱢᱚᱱᱢᱟᱰ ᱠᱷᱚᱸᱰ ᱨᱮ ᱢᱮᱱᱟᱜᱼᱟ ᱟᱨ ᱫᱤᱞᱞᱤ, ᱦᱟᱭᱫᱽᱨᱟᱵᱟᱫᱽ, ᱞᱟᱛᱩᱨ ᱨᱚᱰ, ᱢᱚᱱᱢᱟᱰ, ᱢᱩᱢᱵᱟᱭ, ᱱᱟᱜᱽᱯᱩᱨ, ᱱᱟᱱᱫᱮᱲ, ᱱᱟᱥᱤᱠ ᱨᱚᱰ ᱱᱤᱡᱟᱢᱟᱵᱟᱫᱽ ᱟᱨ ᱯᱩᱱᱮ ᱞᱮᱠᱟᱱ ᱢᱩᱬ ᱥᱚᱦᱚᱨ ᱥᱟᱶ ᱨᱮᱞ ᱡᱩᱲᱟᱹᱣ ᱟᱠᱟᱱᱟ ᱾ ᱚᱣᱨᱚᱝᱜᱟᱵᱟᱫᱽ ᱨᱮ ᱥᱮᱱᱫᱽᱨᱟ ᱟᱨ ᱣᱟᱞᱩᱡᱽ ᱠᱷᱚᱱ ᱢᱮᱴᱨᱚ ᱞᱟᱹᱜᱤᱫ ᱛᱮ ᱰᱤᱯᱤᱟᱨ ᱥᱟᱯᱲᱟᱣ ᱠᱟᱛᱮ ᱠᱟᱹᱢᱤ ᱮᱦᱚᱵ ᱟᱠᱟᱱᱟ ᱾[᱑] ᱢᱩᱢᱵᱟᱭ ᱠᱷᱚᱱ ᱱᱟᱜᱽᱯᱩᱨ ᱫᱷᱟᱹᱵᱤᱡ ᱦᱟᱭ ᱤᱥᱯᱤᱰ ᱨᱮᱞ ᱞᱟᱭᱤᱱ ᱞᱟᱹᱜᱤᱫ ᱛᱮᱦᱚᱸ ᱥᱟᱨᱵᱷᱮ ᱟᱨ ᱰᱤᱯᱤᱟᱨ ᱨᱮᱱᱟᱜ ᱠᱟᱹᱢᱤ ᱮᱦᱚᱵ ᱟᱠᱟᱱᱟ, ᱱᱚᱣᱟ ᱚᱣᱨᱚᱝᱜᱟᱵᱟᱫᱽ ᱨᱮ ᱛᱤᱸᱜᱩᱱᱟ ᱾
ᱥᱚᱲᱚᱠ
MSRTC ᱨᱮᱱᱟᱜ ᱥᱮᱱᱴᱨᱟᱞ ᱵᱟᱥ ᱤᱥᱴᱮᱱᱰ, ᱚᱣᱨᱚᱝᱜᱟᱵᱟᱫᱽ ᱢᱩᱬ ᱫᱤᱥᱩᱣᱟᱹ ᱥᱟᱜᱟᱲᱚᱢ ᱛᱟᱞᱢᱟ ᱠᱟᱱᱟ ᱾ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱡᱚᱛᱚ ᱢᱟᱨᱟᱝ ᱵᱟᱥ ᱰᱤᱯᱳ ᱞᱟᱹᱜᱤᱫ ᱛᱮ ᱵᱟᱥ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮ ᱳᱞᱟ ᱠᱮᱵᱥ ᱥᱮᱵᱟ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱚᱣᱨᱚᱝᱜᱟᱵᱟᱫᱽ ᱨᱮᱱᱟᱜ ᱢᱩᱬ ᱡᱤᱞᱤᱧ ᱰᱟᱦᱟᱨ ᱨᱮᱱᱟᱜ ᱵᱟᱥ ᱒ᱼ᱓ ᱢᱟᱦᱟᱸ ᱨᱮ ᱫᱤᱞᱞᱤ, ᱡᱚᱭᱯᱩᱨ, ᱜᱟᱱᱫᱷᱤᱱᱚᱜᱚᱨ ᱟᱨ ᱦᱟᱭᱫᱽᱨᱟᱵᱟᱫᱽ ᱥᱮᱴᱮᱨᱚᱜᱼᱟ ᱾ MSRTC ᱵᱟᱥ ᱫᱚ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱡᱚᱛᱚ ᱦᱚᱱᱚᱛ ᱟᱨ ᱯᱩᱲᱥᱤ ᱯᱚᱱᱚᱛ ᱨᱮᱱᱟᱜ ᱥᱚᱦᱚᱨ ᱠᱚ ᱡᱮᱞᱮᱠᱟ ᱤᱱᱫᱚᱨ, ᱩᱡᱡᱮᱱ, ᱥᱩᱨᱚᱛ, ᱵᱚᱰᱳᱫᱚᱨᱟ, ᱠᱷᱟᱸᱰᱣᱟ, ᱵᱩᱨᱦᱚᱱᱯᱩᱨ, ᱠᱷᱟᱨᱜᱚᱱ, ᱵᱷᱚᱯᱟᱞ ᱞᱟᱹᱜᱤᱫ ᱛᱮᱦᱚᱸ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱚᱣᱨᱚᱝᱜᱟᱵᱟᱫᱽ ᱨᱮ ᱫᱤᱥᱩᱣᱟᱹ ᱥᱟᱜᱟᱲᱚᱢ ᱨᱮᱱᱟᱜ ᱴᱷᱟᱶ ᱞᱮᱠᱟᱛᱮ ᱚᱣᱨᱚᱝᱜᱟᱵᱟᱫᱽ ᱨᱮ ᱤᱥᱢᱟᱨᱴ ᱥᱚᱦᱚᱨ ᱵᱟᱥ ᱥᱮᱵᱟ ᱢᱮᱱᱟᱜᱼᱟ ᱾
-
ᱚᱣᱨᱚᱝᱜᱟᱵᱟᱫᱽ ᱩᱰᱟᱹᱱ ᱰᱟᱹᱦᱤ -
ᱚᱣᱨᱚᱝᱜᱟᱵᱟᱫᱽ ᱨᱮᱞᱣᱮ ᱥᱴᱮᱥᱚᱱ
ᱥᱮᱪᱮᱫ
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱚᱣᱨᱚᱝᱜᱟᱵᱟᱫᱽ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
ᱚᱣᱨᱚᱝᱜᱟᱵᱟᱫᱽ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ
. Encyclopædia Britannica. Vol. 2 (11th ed.). 1911. p. 922. - Aurangabad District website
- Gazetteer of Aurangabad. Bombay: Times of India. 1884.
This article uses material from the Wikipedia ᱥᱟᱱᱛᱟᱲᱤ article ᱚᱣᱨᱚᱝᱜᱟᱵᱟᱫᱽ, ᱢᱚᱦᱟᱨᱟᱥᱴᱨᱚ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.