ᱞᱤᱭᱚᱱᱮᱞ ᱢᱮᱥᱤ
ᱞᱤᱭᱚᱱᱮᱞ ᱢᱮᱥᱤ ᱫᱚ ᱟᱨᱡᱮᱱᱴᱤᱱᱟ ᱨᱤᱱᱤᱡ ᱩᱫᱟᱹᱢ ᱪᱤᱸᱰᱩ ᱠᱷᱮᱞᱚᱸᱰᱤᱭᱟᱹᱭ ᱠᱟᱱᱟᱭ ᱾ ᱩᱱᱤᱫᱚ ᱟᱨᱡᱮᱱᱴᱤᱱᱟ ᱡᱟᱹᱛᱤᱭᱟᱹᱨᱤ ᱪᱤᱸᱰᱩ ᱫᱚᱞ ᱟᱨ ᱥᱯᱮᱱᱤᱥ ᱞᱟ ᱞᱤᱜᱟ ᱫᱚᱞ ᱵᱟᱨᱥᱤᱞᱚᱱᱟ ᱠᱷᱚᱱᱮ ᱮᱱᱮᱡᱼᱟ ᱾ ᱟᱹᱰᱤ ᱜᱟᱱ ᱦᱚᱲ ᱜᱮ ᱢᱮᱥᱤ ᱫᱚ ᱡᱮᱜᱮᱛ ᱨᱤᱱᱤᱡ ᱢᱤᱫ ᱵᱷᱟᱹᱜᱤ ᱠᱷᱮᱞᱚᱸᱰᱤᱭᱟᱹ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ ᱾ ᱩᱱᱤ ᱫᱚ ᱡᱮᱜᱮᱛ ᱨᱤᱱᱤᱡ ᱢᱤᱫ ᱠᱷᱮᱞᱚᱸᱰᱤᱟᱭᱟᱹ ᱡᱟᱦᱟᱸᱭ ᱫᱚ ᱵᱟᱞᱟᱱ ᱰᱤ ᱚᱨ ᱥᱤᱨᱯᱷᱟᱹ ᱧᱟᱢ ᱟᱠᱟᱫ ᱟᱭ ᱾ ᱩᱱᱤ ᱫᱚ ᱯᱮᱭᱟ ᱤᱣᱨᱚᱯᱤᱭᱟᱱ ᱥᱚᱱᱟ ᱵᱩᱴ ᱮ ᱧᱟᱢ ᱟᱠᱟᱫᱼᱟ ᱾
ᱮᱛᱚᱦᱚᱵ ᱡᱤᱭᱚᱱ
ᱢᱮᱥᱤ ᱒᱔ ᱡᱩᱱ ᱑᱙᱘᱗ ᱥᱟᱞᱮᱨᱮ ᱨᱳᱥᱚᱨᱤᱭᱚ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱥᱮ ᱱᱤᱣᱭᱮᱞ ᱚᱞᱰ ᱵᱚᱭᱮᱡᱽ ᱨᱮ ᱖ ᱥᱟᱞ ᱩᱢᱮᱨ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱚᱸᱰᱮ ᱩᱱᱤ ᱖ ᱥᱮᱨᱢᱟ ᱵᱷᱤᱛᱤᱨ ᱨᱮ ᱜᱮ ᱕᱐᱐ ᱠᱷᱚᱱ ᱵᱟᱹᱲᱛᱤ ᱜᱮ ᱜᱚᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱑᱐ ᱥᱮᱨᱢᱟ ᱵᱚᱭᱚᱥ ᱨᱮ ᱜᱨᱚᱛᱷ ᱦᱚᱨᱢᱚᱱ ᱚᱵᱷᱟᱵᱽ ᱨᱮ ᱧᱩᱨ ᱞᱮᱱ ᱛᱟᱦᱮᱸᱫ ᱾ ᱱᱤᱣᱭᱮᱞ ᱚᱞᱰ ᱵᱚᱭᱮᱡᱽ ᱢᱮᱥᱤᱭᱟᱜ ᱟᱡᱟᱨ ᱵᱮᱥ ᱞᱟᱹᱜᱤᱫ ᱜᱚᱲᱚᱭ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱨᱤᱵᱷᱚᱨ ᱯᱞᱮᱴ ᱢᱮᱥᱤ ᱠᱮ ᱟᱡᱟᱜ ᱫᱚᱞ ᱨᱮ ᱥᱮᱞᱮᱫ ᱞᱟᱹᱜᱤᱫ ᱮ ᱨᱤᱠᱟᱹ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱟᱡᱟᱜ ᱟᱡᱟᱨ ᱵᱮᱥ ᱫᱚ ᱵᱟᱭ ᱜᱚᱲᱚ ᱫᱟᱲᱮᱭᱟᱫ ᱫᱮ ᱛᱟᱦᱮᱸᱫ, ᱪᱮᱫᱟᱜ ᱥᱮ ᱩᱱ ᱚᱠᱛᱚ ᱟᱡ ᱟᱹᱰᱤ ᱡᱩᱨ ᱠᱟᱣᱰᱤ ᱨᱮᱱᱟᱜᱼᱮ ᱟᱱᱟᱴ ᱞᱮᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱜᱨᱚᱛᱷ ᱦᱚᱨᱢᱚᱱ ᱟᱡᱟᱨ ᱵᱩᱜᱤᱭᱮᱱ ᱛᱟᱭᱚᱢ ᱵᱟᱨᱥᱮᱞᱚᱱᱟ ᱨᱤᱱᱤᱡ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮ ᱛᱟᱦᱮᱸᱭᱮᱱᱟᱭ ᱾
ᱜᱷᱟᱨᱚᱡ
ᱢᱮᱥᱤ ᱭᱤᱡ ᱜᱷᱟᱨᱚᱡᱽ ᱥᱚᱦᱮᱫ ᱡᱤᱣᱤ ᱡᱩᱨᱤ ᱫᱚ ᱟᱱᱴᱚᱱᱤᱞᱟ ᱨᱚᱠᱩᱡᱚ ᱧᱩᱛᱩᱢ ᱟᱭᱟ ᱟᱨ ᱟᱹᱠᱤᱱ ᱨᱤᱱ ᱫᱚ ᱯᱮᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱾ ᱩᱱᱠᱩᱣᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱛᱷᱤᱭᱟᱜᱚ ᱢᱮᱥᱤ, ᱢᱟᱴᱮᱭᱚ ᱢᱮᱥᱤ ᱟᱨ ᱠᱟᱭᱨᱚ ᱢᱮᱥᱤ ᱾ ᱛᱷᱤᱭᱟᱜᱚ ᱫᱚ ᱒ ᱱᱚᱵᱷᱮᱢᱵᱚᱨ ᱒᱐᱑᱒ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ, ᱢᱟᱴᱤᱭᱚ ᱫᱚ ᱑᱑ ᱥᱮᱯᱴᱮᱢᱵᱚᱨ ᱒᱐᱑᱕ ᱨᱮ ᱟᱨ ᱠᱟᱭᱨᱚ ᱫᱚ ᱑᱐ ᱢᱟᱨᱪ ᱒᱐᱑᱘ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱢᱮᱥᱤ ᱟᱨ ᱟᱱᱴᱚᱱᱮᱞᱟ ᱫᱚ ᱡᱩᱱ ᱒᱐᱑᱗ ᱨᱮ ᱠᱤᱱ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱞᱤᱭᱚᱱᱮᱞ ᱢᱮᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.