उपसर्गः सम्

१ सम्यक्त्वे – सम्प्रयच्छति । २ समन्तत्वे – सैन्या: सम्पतन्ति । सम्राट् । ३ श्लेषे – संयोगः । सङ्गमः । ४ कूजने – शकटानि सङ्क्रीडन्ति । ५ वर्तने – संयाति प्रास्थिकी स्थाली । ६ सहभावे – सङ्घः । सम्भूय यानम् । ७ स्मृतौ – सङ्कल्पः । ८ क्रोधे – संरभते । ९ वृद्धौ – सम्पत् । १० वाचिके – सन्दिशति । ११ ढौकने – समाहरति । समूहते । १२ अनिश्चये – सन्देहः । १३ गुणाधाने – सस्करोति । १४ प्रतिज्ञायाम् – संजानीते । १५ त्यागे – सन्न्यसति । १६ सेवने – संवाहति । १७ क्रियान्ते – समाप्तिः । १८ नियमे – संयमः । १९ विमर्शे – संपृच्छते । २० गणनायाम् – सङ्कलयति । २१ क्षये – संहरति । २२ नैकट्ये – सन्निकृष्टः । समीपम् । २३ अनुकृतौ – पद्मसङ्काशः । २४ प्रीतौ – सम्भाषते । २५ स्वीकारे – सङ्गृह्णाति । २६ उत्पत्तौ – गर्भः सम्भवति । २७ वर्जने – सञ्चक्षा खलाः । २८ आभिमुख्ये – सम्मुखः । २९ परिचये – सम्पृच्छते । ३० काले – समयः । ३१ अल्पे – समर्घः । ३२ परिहारे – समाधीयते ।