Штаты Сша

state — една з 50 административно-териториалных единиць федерации, котры складують Споены Штаты Америкы.

Тоты штаты суть: одокремлены Аляска, Гавай, и 48 штатох на монолитной територии меджи Канадов и Мексиком.

Четыре штаты суть во своих официалных назвах означены не як штат, але як сполоченство.

Принцип федерации
Окрем общого роздѣлѣня влады Конштитуция роздѣлила правомочности меджи централну владу и влады штатох, створивши федералну систему державного ряджѣня. Америчане, операючи ся на свои повдругасторочны практикы живота в окремых колониях и штатох, твердо сокотили прерогативы мѣстной влады. Они держали принцип федерализма найпервов гаранциев од деспотизма централной влады и лишили той владѣ лем ограничены владны правомочности, передавши вшиткы зосталы владам штатох и мѣстным администрациям — тото шпециално зафиксоване в 10. амендментѣ (оправѣ) ку Конштитуции.

Влада в штатах
Влада в штатах, як и федерална роздѣлена на три конарѣ законодарна (двохкоморовый парламент); судова влада и выконна влада, ведена губернатором, выбераным на четыри рокы. Штаты дѣлять ся на округы, а правомочность окружной влады мать значны вариации, зависимо од штата. Влада в городах, селищах и селах мать значну автономию в дѣлах школства, пожарной безпекы, охраны порядка, водозастачаня и др., звязаных з каждоденным животом.

• СОЕДИНЕННЫЕ ШТАТЫ АМЕРИКИ, США / ОСНОВНЫЕ ПРИНЦИПЫ КОНСТИТУЦИИ (по русскы). Энциклопедия «Кругосвет». https://www.krugosvet.ru/enc/strany_mira/SOEDINENNIE_SHTATI_AMERIKI.html. [перевірено 2019-10-25]. 

 

Вікісклад має мултімедіалны дата на тему:

Штаты США