Триумвират

Член триумвирата называв ся триумвир.

В узшом и найвеце познатом смыслѣ иде о сполочне владнутя трьох вплывных политичных або военскых особ. В истории Старовѣкого Рима были два такы триумвираты. Оба были створены в добѣ кризы републикы, неофициално, з оминутьом сенату, котрый тым способом утрачав свою прерогативу.

Триумвират Гней Помпей Великый (106-48 до н. е.) — Марк Лициний Красс (114-53 до н. е.) — Гай Юлий Цезарь (100-44 до н. е.). Быв створеный в року 60 до н. е. Роспав ся в року 49 до н. е. по загыбели Красса (53 до н. е.) и збройном конфликтѣ меджи Цезарьом и Помпеем.

Триумвират Октавиан Август (63 до н. е.-14) — Марк Антоний (83-30 до н. е.) — Марк Емил Лепид (89-13 до н. е.). Быв створеный в року 43 до н. е. Роспав ся в року 36 до н. е. по тому, як быв Лепид з триумвирата одстраненый, а 31. децембра 33 до н. е. закончив ся термин триумвирату и обое позосталы тото потвердили.

В Старовѣком Римѣ было вецей официалных триумвиратох. Напримѣр, дакотры з такых:

• tresviri agro dando — мав функцию роздѣльованя новозавойованых земель фармером;
• tresviri capitales — одповѣдав за арешты и арештантох;
• tresviri monetales — мав функцию ражѣня монет.

• Триумвир на сайтѣ Livius.org англ.
• Римскы триумвираты. //Портал Imperium Romanum поль.