Намык Кемаль, тур. Namik Kemal, р. 21. децембер, 1840, Текирдаг, Османска империя, – ум. 2. децембер 1888, Сакиз (дн. Хиос, Греция) — турецкый писатель и сполоченскый дѣятель.
Намык Кемал | |
---|---|
Уроджѣня | Mehmed Namık Kemal децембра 21, 1840 Текирдаг, Османска империя |
Умертя | децембра 2, 1888 (48 р.) Сакиз (дн. Хиос, Греция) |
Погреб | Болайир |
Занятя | поет, новинарь, писатель, політік, історік, прозаїк, драматик, перекладатель |
Горожанство | Османска империя |
Вызначны роботы | Vatan yahnut Silistre (Отечество або Силистрия) |
VIAF:90717347; GND:118985299; LCCN:n50043721; FAST:15078; BNF:12055384c; NLKR/NLC:js2015890413; OL:OL174673A, OL1669658A; |
Походив з аристократичной родины. Быв школованый приватно, выштудовав персийскый, арабскый и французскый язык и в роках 1857–1858 працовав яко товмач про османску владу. Спознав ся з найлѣпшыма поетами свого часу и зачав писати поезии в класичном османском духу. Позднѣйше, в роках 1861–1862 спознав ся з Ибрагимом Шинаси, под вплывом котрого ся припоив ку руху за вестернизацию Османской империи.
По утѣку Ибрагима Шинаси до Франции перебрав од року 1865 выдаваня новинкы Tasvir-i Efkâr (Обзор идей) и пропаговав ширѣня в Турции конштитучной системы влады и европейской ориентации в културѣ. Быв меджи организаторами и проводниками общества Молоды османы, што хотѣли либералны реформы, аж и через палатскый переворот. По их роскрытю емигровав и выдавав в Лондонѣ опозичну новинку Hürriyet (Слобода, 1868).
Коли Молоды османы были амнестованы и вернули ся (1871), Кемал продовжив свою револучну публицистику, теперь уже в Константинополю яко редактор новинкы İbret (Варованя), а пак ту написав свою перву и найвеце славну драму Vatan yahut Silistre (Отечество або Силистрия, 1873), де была остра критика влады. Османска влада драму заказала, а ей автора послала до арешту на 38 мѣсяци на Кипр.
Помилованый в року 1876, быв участный на выпрацованю первой турецкой уставы, але уже на другый рок быв высланый на административны уряды окупованых Османской империев грецкых островох, без права вернути ся до Константинополю. Послѣдный его уряд — губернатор Хиоса (1888).
Намык Кемал мав огромный вплыв на формованя турецкой народностной идентичности. Основатель нынѣшной Турции Мустафа Кемал Ататюрк часто зазначав, же быв яко молодый чоловѣк под моцным вплывом творбы Намыка Кемала, и она зостала жерелом его иншпирации при формованю турецкой влады и штату.
This article uses material from the Wikipedia Русиньскый article Намык Кемал, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.