Козмонавтика

В англозычных жерелах хоснують еквивалентный тому термин астронавтика, англ. astronautics.

Зачатком козмонавтикы быв штарт первого штучного сателита Земли 4. октобра 1957 (СССР).

Козмонавтика тѣсно звязана з аеронавтиков (воздухоплавбов ), або авиатиков, уже прото, же выход земного козмичного апарата в козмос и его навернѣня на Землю подлягають законам аеродинамикы. Подобно до аеронавтикы, в козмонавтицѣ строгы ограничѣня масы, екстремны теплоты и вонкашны силы выжадують шпециалны рѣшѣня, але в козмичном летѣ, што ся одбывать за границями атмосферы, аппарат и обсада мусять еще пережити высокый вакуум, козмичне зарѣня, иншы небезпечности. З того выплывать, же кандидаты на козмонавтох суть найчастѣйше выбираны з числа пилотох бойовой авиации.

Главныма проблемами, котры рѣшать козмонавтика, суть:

• теории козмичных летох — вырахункы траекторий тай инше;
• конштруованя ракет, ракетовых моторох, палубных систем ряджѣня;
• конштруованя автоматичных станиць и козмичных лоди, научных пристройох;
• переведжѣня траекторных мѣрянь, организация и забезпечѣня орбит, станиць и апаратуры;
• вывой медицинско-биологичных палубных систем про животны потребы обсады, компензация неприязнивых факторох про людскый организм (многократне затяжѣня, безваговость, зарѣня и др.);
• меджинародне правне регулованя проблем хоснованя козмичного простору и планет;
• козмодромы, поземны службы.

Дякуючи вывою козмонавтикы:

• люде достали новы знаня о планетах и вселеной;
• козмичны администрации отворили вельо новых робочых мѣст и прислужили ся розвою наук и технологий;
• вывинуты сателиты про мониторинг поземных явох, военску безпечность, глобалну навигацию, телекомуникацию, метеорологию.

• Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0.
• What is Astronautics? //WiseGeek англ.

 

Вікісклад має мултімедіалны дата на тему:

Козмонавтика