Иннсбрук

Иннсбрук
	Герб
Штат	Австрия
Федерална земля	Тирол
Округ	Иннсбрук
Координаты	47°16′00″ с. ш. 11°23′00″ в. д. / 47.266667° с. ш. 11.383333° в. д. (G) (O) (Я)
Розлога	104,91 км²
Надморска вышка	574 м
Обывательство	132 493 особ (2018-01-01)
Часова зона	UTC+1, влѣтѣ UTC+2
Телефонный код	+0512
Поштовый индекс	6010–6080
Официалный сайт	[1] многоязычный
	Иннсбрук

История

Первый раз упомянутый под роком 1180 як торговичне мѣстечко, быв маетком баварского грофского рода Андекс и скоро ся розвивав вдякы свому стратегичному положѣню на великых торговых путях через Алпы. Назва его означать мост (Brücke) над рѣков Инн, бо ту од зачатку переходили тоты транспортны потокы и то зафиксовала не лем назва города, але и его герб. Иннсбрук достав варошскы права в року 1239, перешов под юрисдикцию Габсбургох в року 1363, а в року1420 став ся главным городом Тирола. В року 1905 Наполеон Бонапарт передав цѣлу землю Тирол Баварии, але в року 1809 тиролскы повстанцѣ розбили франко-баварске войско, а Вѣденьскый конгрес (1814–1815) обновив юрисдикцию Австрии.

Шпорт

Иннсбрук — еден з найпопуларнѣйшых туристичных и рекреачных центрох переважно в зимушных шпортах в Середньой Европѣ. Двараз ту ся одограли Зимушны Олимпийскы бавища: 1964 и 1976. Тото привело ку значному росширѣню границь города в роках 1960–1970.

Наука, култура

Центром наукы зоставать найстарша универзита Леополда-Франца (од 1669), котра мать найвекшу библиотеку Австрии и вецеро научно-выгледовных инштитутох. Козерватория (од 1817), розличны музеи, концертовы сцены. Каждорочны меджинародны музичны и хореографичны конкурзы, фестивалы.

Економика

Основа економикы — службы (ту заняты 95% робочой силы): банково-финанчны, организация меджинародных выставок и торговиць. Ту суть головны офисы великых компаний: Westbeach (шпортово-рекреачне облечиво), Swarovski (кришталь), Kranebitter (бутор), Orad Hi-Tech Systems (мултимедийны и компютерны технологии), ILF Consulting Engineers (конзултованя и проектованя), Geo Ville (аерокосмичне фото). В промыслѣ переважають дробны и середнѣ выробнѣ, их продукция — текстилны выробкы (окреме облечиво из товстого полотна), обув, пиво и музичны инштрументы; обробка дерева и металох, потравины. Од конця XX. стороча даколько компаний зачали з выробов прецизного електричного обладунку и електроникы.

Жерела и одказы

Innsbruck. Encyclopedia Britannica. 11 Jun. 2015. https://www.britannica.com/place/Innsbruck. [перевірено 2021-03-30]. англ.
Einwohnerzahl 1.1.2018 nach Gemeinden mit Status, Gebietsstand 1.1.2018. Statistics Austria. 1.1.2018. https://www.statistik.at/web_de/klassifikationen/regionale_gliederungen/gemeinden/index.html. [перевірено 2021-03-30]. нѣм.
Е. В. Котова, Л. А. Полётова, В. Н. Стрелецкий (2007). ИНСБРУК. // Большая российская энциклопедия. Электронная версия: 2020. https://old.bigenc.ru/world_history/text/5598264. [перевірено 30.03.2021]. русс.

Референции

Панорама Иннсбрука

This article uses material from the Wikipedia Русиньскый article Иннсбрук, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.