Innsbruck is de heufdstad van de Oostnriekse deelstaat Tirool.
t Is noa Weenn, Graz, Linz en Salzburg de greutste stad van Oostnriek. In 2006 har de stad 117.342 inwonners. De gemeante Innsbruck, ne zölfstandige stad (ok wal Statutarstadt neumd in Oostnriek), hef ne öppervlakte van 104,91 veerkaante kilometer.
De stad is ongeveer 800 joar oald en lig aan de riviere de Inn. De naam Innsbruck kömp oet t Latien. Vrogger hetn de stad Oeni pons of Oenipontum, woarbiej Oenus stun vuur wat now Inn het; pons is t Latiense woord vuur brugge. De brugge oaver de Inn was vrogger van groot belang vuur de handel vanoet Italiën en Zwitserlaand noar Duutslaand. Doarduur stoat der in de stad nog völle Middeleeuwse gebouwn, woaroonder de Fraanciskaanse Hofkirche en de Fürstenburg, n kasteel met n balkon met n goaldn dak.
De Olympiese Winterspeeln wördn tweemoal in Innsbruck hooldn, in 1964 en in 1976, doo de stad de organisasie oavernam van de Amerikaanse stad Denver.
This article uses material from the Wikipedia Nedersaksisch article Innsbruck, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.