Баффало Билл, властным йменом Виллиам Фредерик Коди, анґл.
фебруар">26. фебруар 1846, округ Скотт, Айова – †10. януар 1917, Денвер, Колорадо — америцкый войсковый розвѣдач, ловець бизонох, гонець експрес-пошты, найвецей познатый як свѣтовой славы циркусовый шоумен, продуцент представ о фактох и духу Дикого Запада.
Баффало Билл | |
---|---|
Виллиам Фредерик Коди | |
Прозывка | Buffalo Bill |
William F. Cody (aka) "Buffalo Bill", 1911 | |
Чинность | ловець, ковбой, подузятник, шоумен |
Горожанство | США |
Уроджѣня | фебруара 26, 1846 |
Територия Айова (дн. округ Скотт, Айова) | |
Упокоеня | януара 10, 1917 (70 р.) Денвер, Колорадо |
Причина смерти | поруха покруток |
Похованя | Lookout Mountain 211 |
Участь | Обчаньска война в США |
Отець | Isaac Cody |
Мати | Mary Ann Bonsell Laycock |
Брат, сестра | Helen Cody |
Діти | (4) |
Награды | |
медаль Пошани | |
Язык творов | анґліцькый |
Баффало Билл на Вікіскладѣ VIAF:315943449; GND:118517244; LCCN:n80024458; FAST:50896; BNF:11957544k; NLKR/NLC:jn19981000357; OL:OL404522A; |
Походив з родины фармера Айзека Коди з околиць Торонта, котрый ся з родинов раз переселив на лѣпшы землѣ до Айовы, а пак продав газдовство и перешов ещи дале на юг, на новоосвоеваны землѣ до Канзасу, де справовав пункт торговлѣ з Индианами. В том часѣ в Канзасу ся запалила локална домова война меджи старобывателями, прихылниками рабства, и его противниками, новыма осадниками з сѣвера. В едной потычцѣ в року 1854 Айзек Коди быв тяжко раненый, наслѣдком чого в року 1857 умер. Его сын, Виллиам, уж од девятьрочного вѣку мусѣв заробляти, жебы спомочи родину. Быв шиковный ѣздець и наяв ся до фирмы Расселл, Мейджорс и Уодделл, котра переганяла череды быдла. Яко еденадцятьрочный добыв собѣ славу наймолодшого бойовника з Индианами, коли застрѣлив едного Индиана з атаковавшых их череду. В роках 1860–1861 доправляв курьерску пошту про наступницку компанию Расселла Пони Експресс через небезпечны индианскы територии. В часѣ домовой войны (1861–1865) служив розвѣдачом и конником во войску сѣверянох, а по войнѣ еще до рока 1867 зоставав на службѣ розвѣдача. В роках (1867–1868) мав контракт на застачаня мяса бизонох про роботникох на ставбѣ желѣзницѣ Union Pacific Railroad и забив около 4200 голов, чим зыскав собѣ далшу славу найвекшого ловця бизонох и прозывку "Buffalo Bill" (Бизон Билл). Мав надзвычайну память з пройденых ним територий и добру зналость индианскых обычайох, зашто и дале быв коли-неколи ангажованый войском про шпециалны ризиковы мисии, за котры ся не брав нитко иншый. В цѣлому знати за его участь в 16 боях з Индианами. В року 1872, коли президент Улисс Грант организовав ловы на бизонох про Великого князя Алексея Александровича, за проводника быв позваный Баффало Билл. 26. апрѣля 1872 Бафало Билл быв за свои службы про войско вызнаменаный Медалиев Чести (в року 1916 была одкликана, понеже быв по року 1867 цивилиста, але в року 1989 была му посмертно навернута).
Геройства и слава Баффало Билла стали ся лакомым материалом про газетных репортерох и писательох шунд-литературы, котры зробили з него героя америцкого фолклора. Писатель Нед Бантлайн написав драму Розвѣдачѣ прерий и в року 1872 пересвѣдчив Баффало Билла, жебы он заграв самого себе. Тото стало ся зачатком его 45-рочной карьеры театралного актера. Хоть ани драма, ани его актерство не были идеалны, видовня все стрѣчала го з величезным запалом. Од року 1883 выступовав зо своим властным Шоу з Дикого Запада — великов театралнов забавов под голым небом зоз сотками участникох, котры стрѣляють, бетярьско скачуть на коньох, ошалѣло гойкають, указуючи сцены ловох на бизоны, захвачѣня поштовых кочох и подобны. Зоз тым шоу обышов з великым успѣхом Америку и Европу, в року 1887 выступовав на Золотом юбилею кралицѣ Виктории, а в конци стороча быв меджи найспознаванѣйшыма людми во свѣтѣ.
This article uses material from the Wikipedia Русиньскый article Баффало Билл, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.