Понеже земна ось нахылена односно еклиптикы о 23,5° (приблизно) Сонце бывать раз в року в зенитѣ на зворотнику Рака (точка лѣтнього сонцестояня), а другый раз — на зворотнику Козорога (точка зимушного сонцестояня), котры мають приблизно тоту географичну широкость на сѣвер и на юг од земного екватора. Перва точка досягать ся 20–21. юна, друга — 21–22. децембра. Тоты точкы поважують зачатком лѣта и зимы. Часова неточность спричинена тым, же тропичный рок и рок григорианского календаря суть не цѣлком еднакы, а тыж суть нерегуларности в руху Землѣ.
Етимология и обсервация
Кедь в указаный час будеме даколькы днѣ по собѣ позоровати, як высоко подниме ся Сонце в полудне (углова величина), увидиме, же вышка каждый день росте, пак на день-два стане, аж наконець зачне малѣти. Од того станя в кулминачной точцѣ походить назва сонцестояня. Около 21. юна в середных широкостях сѣверной полукулѣ день найдовжый, а около 21. децембра — найкуртшый (на южной полукули обернено).
В обрядах
Около точок сонцестояня находять ся свята Рождества Христова (взимѣ) и Рождество Иоанна Крестителя, Ивандень/Яна, Русаля (влѣтѣ).
Жерела и одказы
Климишин І.А., Корсунь А.О. (ред.) Астрономічний енциклопедичний словник — Львів : Голов. астроном. обсерваторія НАН України : Львів. нац. ун-т ім. Івана Франка, 2003. — 548 c. ISBN 966-613-263-Xукр.
Жаров В. Е.: Солнцестояние. // Большая российская энциклопедия. Том 30. Москва, 2015, с. 660. [1][2]русс.
ЭСБЕ/Солнцестояния //Энциклопедический словарь Брокгауза и Ефрона, т. XXXa (1900): Слюз — София Палеолог, с. 779/ [3]русс.
Референции
This article uses material from the Wikipedia Русиньскый article Сонцестояня, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.