Дисертация

Приготовлена на публичне посуджѣня дисертация мусить обсяговати поданы змагательом научно обгрунтованы теоретичны або експерименталны резултаты, научны тверджѣня, котры доказують його персоналный вклад до наукы. Дисертация, котра мать ужитковый хосен, окрем основного тексту, мать обсяговати податкы и документы, што потверджують практичне поужитя добытых змагательом резултатох.

Темы
Темы дисертаций суть обычайно звязаны з напрямами основных научных выгледовань универзит, инштитутох або выгледовных организаций и схвалены ученыма радами про каждого едного змагателя окреме. Научный конзултант (при докторской дисертации) або научный ведучый (при кандидатской) таксамо ся схвалюе ученов радов.
Публикации
Материалы и резултаты, котры будуть в дисертации, мусять быти перед тым представляны на научных конференциях, конгресах, симпозиумах, семинарах. Основны резултати дисертации, котры указують персоналный вклад змагателя до наукы, мусять бути опубликованы во формѣ монографии, порадника або статей в дакотрых фаховых выданях.

• Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0
• Андрусишин Б. І. (2007). Дисертація. //Енциклопедія сучасної України (онлайн) (по украинскы). http://esu.com.ua/search_articles.php?id=24365.