Давид Гилберт
Да́вид Ги́лберт, нѣм.
януар">23. януар 1862, Кенигсберг, Кральовство Пруссия — †14. фебруар 1943, Геттинген, Третий райх — нѣмецкый математик XX. стороча, котрый зробив значный принос в развой многых сфер математикы. Член вельох академий наук, як Берлинской, Геттингенской, Лондонского кральовского общества, заграничный честный член Академии наук СССР (1934) ай иншых. В роках 1910–1920, по смерти Анри Пуанкаре, быв вызнаваным свѣтовым лидером математикох.
| Давид Гилберт | |
|---|---|
| David Hilbert нѣм. | |
 Портрет од Анны Горбан, 2018 | |
| Познатый як | математік, викладач університету, филозоф, фізік |
| Горожанство | Кральовство Пруссия, Нѣмецке цѣсарство, Веймарська республіка, Націстічне Нїмецько |
| Уроджѣня | януара 23, 1862 |
| Кенигсберг, Кральовство Пруссия | |
| Упокоеня | фебруара 14, 1943 (81 р.) |
| Геттинген, Третий райх | |
| Похованя | Геттінгенське міське кладовище |
| Научна робота | |
| Сферы наук | математика |
| Ученый ступень | архітектура |
| Alma mater | Кенигсбергска универзита |
| Главны роботы | Geometry and the Imagination, Теорема Гільберта про базис |
| Узнаня | |
| Членство в | Лондонске кральовске общество (21 юній 1928), Геттингенска академия наук, Академия наук СССР |
| Одзнакы | |
| Давид Гилберт на Викискладѣ VIAF:46779749; GND:11855090X; LCCN:n50034850; FAST:11803; BNF:120531861; OL:OL20862A; | |
Биография
Научна карьера Гилберта ся зачала на Кенигсбергской универзитѣ, де в року 1885 зыскав ступень доктора филозофии (Ph.D.) и дале там працовав яко приватдоцент (лектор ци преподаватель, 1886–1892), екстраординарий (помочный професор, 1892–1893) и ординарий (професор, 1893–1895). В року 1892 году оженив ся з Кете Йерош (Käthe Jerosch), и мали едного дѣтвака, Франца. Од року 1895 Гилберт — професор математикы Геттингенской универзиты, в котрой зостав до конця живота.
Научна робота
Научна чинность Гилберта ся роздѣлять на окремы периоды, коли ся занимав даяков еднов сферов математикы:
| Рокы | Математичны проблемы |
|---|---|
| 1885–1893 | теория инвариантох |
| 1893–1898 | теория алгебраичных чисел |
| 1898–1902 | заклады геометрии |
| 1900–1906 | принцип Дирихле, вариачный рахунок, диференциалны ровницѣ |
| 1908–1909 | проблема Варинга и теория чисел |
| 1900–1910 | интегралны ровницѣ |
| 1910–1922 | основы математичной физикы |
| 1922–1939 | логичны заклады математикы |
Гилберт зредуковав геометрию на ряд аксиом и дале усиловав ся выпрацовати формалистичны основы математикы.
Од року 1922 працовав подля едного обсяжного плана обоснованя вшиткой математикы через ей повну формализацию. В сполуавторствѣ з нѣмецкым математиком П. Бернайсом выдав два томы Закладох математикы, в котрых тоту концепцию подробно вывинув (1934 и 1939). Але его зачаточны надѣи в той сферѣ ся не справдили: створити непротиворечивы формализованы математичны теории указало ся тяжше, як он тото гадав.
Великой славы достав его реферат Проблемы математикы, з котрым выступив в року 1900 на Меджинародном математичном конгресѣ в Парижу. В том рефератѣ сформуловав 23 математичны проблемы, котры, подля него, будуть мати велику вагу про математику XX. стороча. Одтогды многы проблемы были рѣшены, и кажде рѣшѣня было значнов подѣов.
Жерела и одказы
- Kaplansky, Irving (10 Feb. 2022). David Hilbert. Encyclopedia Britannica. https://www.britannica.com/biography/David-Hilbert. [перевірено 2022-03-23].англ.
- ГИЛЬБЕРТ. // Большая российская энциклопедия. Москва, 2007. Том 7, стр. 123-124. https://old.bigenc.ru/mathematics/text/2359875. русс.
Референции
This article uses material from the Wikipedia Русиньскый article Давид Гилберт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.