დავიდ ჰილბერტი (გერმ.
23 ღურთუთა, 1862, კენიგსბერგი, პრუსიაშ ომაფე — ღ. 14 ფურთუთა, 1943, გეტინგენი, გერმანია) — გერმანალი მათემატიკოსი. გურაფულენდჷ კენიგსბერგიშ უნივერსიტეტის, სოდეთ თხილუ ოდოქტორე დისერტაცია 1885 წანას, ფერდინანდ ფონ ლინდემანიშ ხემანჯღვერობათ. გურაფაშ თებაშ უკულ მუშენდჷ კენიგსბერგიშ უნივერსიტეტის 1886-1895 წანეფს. 1895 წანას ჰილბერტიქ ომუშებუშა გეგნორთჷ გეტინგენიშ უნივერსიტეტიშა. ჸათე პერიოდიშ გეტინგენიშ უნივერსიტეტი რდჷ მათემატიკური რკვიებეფიშ ლიდერი ინსტიტუტი ევროპას დო მოსოფელს. დავიდ ჰილბერტიქ მიშეღჷ დიდი მენცარული კონტრიბუცია მათემატიკაშ შხვადოშხვა დარგეფიშ ინვარიანტული თეორიაშ, კომუტატური ალგებრაშ, რიცხუეფიშ ალგებრული თეორიაშ, დიფირენციალური განტოლებეფიშ, ინტეგრალური განტოლებეფიშ თეორიაშ, მათემატიკური ფიზიკაშ დო შხვეფიშ გოვითარაფაშა. დავიდ ჰილბერტი რდჷ გეომეტრიაშ დო მათემატიკური ლოგიკაშ ართ-ართი დუმარსხუაფალი. 1900 წანას ჰილბერტიქ პარიზის, მათემატიკოსეფიშ საირქიანო კონგრესის წჷმარინუ მუში შინელი მათემატიკური პრობლემეფი, ნამუეფი ჸათე პერიოდიშო ვარდჷ გინოჭყვადილი. ჸათე პრობლემეფს უკულ გიარსხუ XX ოშწანურაშ მათემატიკური რკვიებეფიშ კურსიქ. ჰილბერტი რდჷ შხვადოშხვა პრემიეფიშ დო ჯილდოეფიშ ლაურეატი. 1903 წანას მიპალუ ლობაჩევსკიშ პრემია, 1910 წანას ბოიაიშ პრემია დო კოტენიუსიშ მენდალი. რდჷ ლონდონიშ ომაფე ჯარალუაშ მაკათური. დავიდ ჰილბერტი მერჩქინელი რე XIX დო XX ოშწანურეფიშ ართ-ართ უდიდაშ მათემატიკოსო.
დავიდ ჰილბერტი | |
გერმ. David Hilbert | |
დავიდ ჰილბერტი 1912 წანას | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: | ფურთუთა 14, 1943 (81 წანერი) |
ღურაშ აბანი: | გეტინგენი, გერმანია |
მენოღალობა: | გერმანია |
ომენცარე სფერო: | |
სამუშაშ აბანი : | კენიგსბერგიშ უნივერსიტეტი |
ალმა-მატერი: | კენიგსბერგიშ უნივერსიტეტი |
ომენცარე ხემანჯღვერი: | ფერდინანდ ფონ ლინდემანი |
ჯოხოშინელი მოგურაფეეფი: | ვილჰელმ აკერმანი |
ჯილდოეფი დო პრემიეფი: | პონსელეშ პრემია (1903) |
This article uses material from the Wikipedia მარგალური (Margaluri) article დავიდ ჰილბერტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.