Interlingua

Interlingua è in linguatg auxiliar internaziunal che dovra in stgazi da pleds che sa chatta era en la plipart da las linguas da l'Europa occidentala. Ella è vegnida inventada da l'International Auxiliary Language Association (IALA), ina gruppa da persunas (il pli enconuschent era Alexander Gode) che han lavurà vi dad ella per dapli che 20 onns. Els han finì e publitgà l'emprim dicziunari l'onn 1951. Interlingua è vegnida creada sin la basa dal vocabulari da las linguas englais, franzos, spagnol, portugais e talian.

Il num da la lingua è cumponì da duas parts, numnadamain inter che signifitga "tranter" e lingua. Ils sviluppaders èn sa decidì per quel num perquai ch'els vulevan che la lingua vegn applitgada per facilitar la communicaziun tranter persunas da divers pajais. Perquai che Interlingua è vegnida creada artifizialmain per esser ina lingua facila, èsi pli facil dad emprender ella ch'ina natirala.

Dapli che 1'000 persunas pudain duvrar Interlingua, e ses pledaders affirmeschan che milliuns da carstgauns chapeschan la lingua (pudain leger texts ed tadlar conversaziuns en Interlingua) senza ch'els han emprendì ella.

I dat duas autras linguas artifizialas cun dapli che 1'000 pledaders – Esperanto ed Ido – che omaduas èn vegnidas creadas avant Interlingua. Insaquants pensan che Esperanto ed Ido sajan pli facils dad emprender perquai che questas linguas n'han betg "excepziuns" (pleds che n'observan betg las reglas), ma auters pensan che Interlingua saja pli facila perquai ch'ils sviluppaders han elegì tut il pleds ch'èn facil da chapir per persunas che savain englais, franzos, spagnol, portugais u talian, ma era linguas sco rumantsch, occitan ed autras linguas ch'èn sa sviluppadas ord il latin.

Dal rest affirmeschan ils pledaders dad Interlingua che sia lingua represchenta in latin nov, be pli simpel e "modernisà".

Texts dad exempel

Lingua natural e musical de parolas international e un grammatica minimal. Comprensibile facilemente per personas intelligente. Le medio de communication adequate pro le solution del confusion de Babylon.

Il Babnoss en Interlingua

Nostre Patre, qui es in le celos,
que tu nomine sia sanctificate;
que tu regno veni;
que tu voluntate sia facite
super le terra como etiam in le celo.
Da nos hodie nostre pan quotidian,
e pardona a nos nostre debitas
como nos pardona a nostre debitores,
e non duce nos in tentation,
sed libera nos del mal.

I dat era ina Vichipedia per Interlingua.

Lingua interslava, in'Interlingua per Slavs