جزیرہ نما عرب
جزیرہ نما عرب یا عربستان (عربی: شبه الجزيرة العربية، انگریزی: Arabian Peninsula) مغربی ایشیا وچ افریقا تے ایشیا دے سنگم اُتے واقع اک جزیرہ نما اے جیہدا زیادہ تر حِصہ صحرائی اے۔ جزیرہ نما عرب مشرق وسطی دا اہم ترین حصہ اے تے تیل تے گیس دے وسیع ذخائر دے باعث خِطے وچ اہم کردار ادا کردا اے۔
.png) | |
| رقبہ | 3,237,500 کلومیٹر2 (1,250,000 میل²) |
|---|---|
| آبادی | 86,222,000 |
| دیس |  بحرین  کویت  عمان  قطر  سعودی عرب  متحدہ عرب امارات  یمن |
جزیرہ نما عرب وچ شامل ممالک
مندرجہ ذیل ممالک جزیرہ نما عرب دا حصہ سمجھے جاندے نیں:
- ۔ بحرین (جزیرہ نما عرب نالوں زمینی طور تے الگ اک جزیرہ اے)
- ۔ کویت
- ۔ عمان
- ۔ سعودی عرب
- ۔ متحدہ عرب امارات
- ۔ قطر
- ۔ یمن
جغرافیا
جزیرہ نما عرب دا ساحل مغرب وچ لال سمندر تے خلیج عقبہ، جنوب مشرق وچ عرب سمندر تے شمال مشرق وچ خلیج عمان، آبنائے ہرمز تے خلیج فارس نال ملدا اے۔
شمال وچ جزیرہ نما عرب دیاں حداں کوہ زاگرس تک جا کے مُک جاندیاں نیں۔ بغیر کِسے واضع علامت دے ایہ جغرافیائی طور تے صحرائے شام نال جا ملدا اے۔ سیاسی طور تے جزیرہ نما عرب سعودی عرب تے کویت دیاں شمالی سرحداں دے نال ختم ہو جاندا اے۔
نک سک
جزیرہ نما عرب دا بوہتا حصہ سعودی عرب وچ شامل اے تے آبادی دی وڈی گݨتی وی سعودی عرب تے یمن وچ رہندی اے۔ جزیرہ نما عرب وچ جگ دے سَبھ توں بوہتے تیل دے ذخیرے پائے جاندے نیں۔ مسلماناں دے مقدس مذہبی تھاں مکہ تے مدینہ وی ایتھے نیں۔ معاشی طور تے سعودی عرب تے متحدہ عرب امارات خِطے دے امیر مُلک نیں۔ عرب دنیا دا ٹیلی ویژن چینل الجزیرہ وی ایسے جزیرہ نما دے اک مُلک قطر توں چلایا جاندا اے۔
حوالے
| وکیمیڈیا کامنز چ مورتاں: جزیرہ نما عرب |
This article uses material from the Wikipedia شاہ مکھی پنجابی (Shāhmukhī Pañjābī) article جزیرہ نما عرب, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.