میونسپل کارپوریشن
میونسپل کارپوریشن (Municipal corporation)، شہر دے بلدیاتی معاملات دا انتظامی ادارہ ہُندا اے۔ پاکستان، امریکا، بھارت، کینیڈا تے آئرلینڈ سمیت بہت سارے مُلکاں چ میونسپل کارپوریشن دا ادارہ موجود اے۔
میونسپل کارپوریشن دا کم
میونسپل کارپوریشن دیاں بنیادی ذُمے داریاں وچ صاف پاݨی دی فراہمی، سیوریج، گٹر، نالیاں، گلیاں تے سڑکاں، قبرستاناں، پارکاں، دوجیاں سیرگاہواں، لاری اڈےآں، مویشی منڈیاں، غلا منڈیاں تے سبزی منڈیاں دی دیکھ بھال، تعمیر و مرمت تے تجاوزات دے خاتما اے۔
میونسپل کارپوریشن دے ملازم تے افسر
میونسپل کارپوریشن وچ وکھ وکھ کھیتراں چ بہت سارے ملازم کم کر دے نیں۔ میونسپل کارپوریشن دا سبھ توں وڈا افسر چیف آفیسر ہُندا اے تے اوہدی معاونت لئی ڈِپٹی چیف آفیسر وی ہُندا اے۔
میونسپل کارپوریشن دے مِمبرز تے میئر
میونسپل کارپوریشن دے معاملات وچ لوکاں دی رݪت تے اوہناں نوں سانجھے دار بݨاوݨ لئی کارپوریشن وچ نمائندگی لئی شہر وچوں مِمبرز تے اک میئر چُݨیا جاندا اے۔ میئر توں تھلے ڈپٹی میئر ہُندا اے۔ میئر میونسپل کارپوریشن دا سبھ توں وڈا منتخب عہدے دار ہُندا اے۔
ہور دیکھو
This article uses material from the Wikipedia شاہ مکھی پنجابی (Shāhmukhī Pañjābī) article میونسپل کارپوریشن, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.