پنجابی رہتل دیہاڑ

پنجابی رہتل دیہاڑ
پنجابی رہتل
مناؤن والے	پنجاب سمیت دُنیا بَھر دے پنجابی
اہمیت	پنجابی وِرثے تے پنجابی رہتل دا آدر
تریخ	14 مارچ (پنجابی سال دا پہلا دن - پہلی چیت)
۲۰۲۴ دی تریخ	--> -->
چکر	سالوار

پنجابیاں تے پنجابی ڈائسپورا ولوں پنجابی تہذیب و ثقافت ناݪ جُڑت دا پَھرپُور مظاہرہ کیتا جان٘دا اے۔

جشن

ایس دن پنجابی اپݨی رہتل نوں اجاگر کرن دا خصوصی اہتمام کردے نیں تے روایتی پنجابی لباس وچ ملبوس ہوکے ثقافتی تقریبات دا انعقاد کردے نیں۔ پنجابی رہتل دیہاڑ تے پنجابی رہتل میلے پنجاب سمیت پوری دُنیا وچ وَسدے پنجابی جوش و خروش ناݪ مناؤندے نیں جیہدے وچ پنجابی نیاݨے، جوان، سواݨیاں، بزُرگ سَبھ شامل ہُندے نیں۔

پنجابی رہتل دیہاڑ اُتے پنجابی لوک گیت، پنجابی لوک ناچ، پنجابی ناٹک، میلا مویشیاں، نمائش، فِلمی میلےآں، پنجابی پکواناں تے روائتی پنجابی پہناویاں دا دکھاݪا کیتا جاندا اے تے سٹالز لائے جاندے نیں تاکہ نوِیں پیڑھی نوں پنجابی تہذیب و ثقافت دیاں قدراں تے تہذیبی وِرثے ناݪ روشناس کرایا جاسکے۔ وَکھ وَکھ پروگرامز وچ قومی پدھر اُتے پیار تے ششٹاچار نوں متحرک کرن دے مقصد دے تحت فائِن آرٹس دے کھیتر وچ ماسٹراں نوں شردھانجلی دتی جاندی اے۔ پنجابی رہتل دیہاڑ اُتے سکولاں، کالجاں، یونیورسٹیاں، سرکاری دفتراں تے آرٹس کونسلاں وچ خصوصی پنجابی پروگرامز منعقد کیتے جاندے نیں۔ اس دن دی مناسبت ناݪ پڑھیار اپݨے سکولاں، کالجاں تے یونیورسٹیاں وچ تے ملازمین اپݨے دفاتر وچ پنجابی لباس پا کے آؤندے نیں تے خاص طور تے افسران اس دن اپݨے دفتراں وچ سر اُتے شِملے آݪی پنجابی پَگ رکھدے نیں۔

وزیر اعلا پنجاب تے گورنر پنجاب پنجابی رہتل دیہاڑ اُتے مبارکبادی پیغامات جاری کردے نیں۔ وزیر اعلا تے وزراء پنجابی سبھیاچار دے سٹالز دا معائنہ کردے نیں تے پنجابی میلےآں وچ بطور مہمان خصوصی شریک ہُندے نیں۔

مورتاں

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

ہور دیکھو

• وساکھی
• لوہڑی

باہرلے جوڑ

حوالے