سپیس دوڑ
سپیس دوڑ 20ویں صدی وچ امریکہ تے سوویت یونین دے وشکار سپیس کمن دا اک مقابلہ سی۔ 1957 توں 1975 تک، دوویں دیس سپیس پھرن وچ ہر پہلا کم کرن پچھے لگے سی، اس دی وجہ اے سی کہ دوجے دیس توں اگے رینا اس دیس دا سوچ تے ٹیکنالوجی وچ چنگا ہونا ثابت کردا اے۔ سپیس ریس وچ پہلی وار سپیس وچ سیٹلائٹ پیجنا، زمین دے مدار وچ بندہ پیجنا تے چن تے پیر رکھن دی دوواں دیساں دے وشکار دوڑ سی۔ سپیس دوڑ 4 اکتوبر 1957 نوں ٹر پئی جدوں سوویت یونین نے پہلی سیٹلائٹ، سپٹنک 1، زمین دے مدار وچ پیجی تے اے دوڑ جولائی 1975 وچ مکی جدوں دوویں دیساں نے، امریکہ تے سوویت یونین، اک سپیس مشن اکھٹیاں کیتا: اپولو-سویوز ٹیسٹ منصوبہ۔ اس مشن نے امریکہ تے سوویت یونین دے تعلقات وچ سختی نوں وی کم کیتا۔
_(cropped).jpg)
سپیس دوڑ شروع چ سوویت یونین تے امریکہ دی میزائل ریس توں نکلی سی۔ دوجی وڈی جنگ دے بعد دوویں دیساں نے جرمن میزائل گروواں نوں پکڑیا تے اونھاں کولوں جرمن میزائل ٹیکنالوجی دی مدد لئی تے اپنے میزائل بناۓ۔
سپیس دوڑ دا دوویں دیساں نوں اک وڈا فیدہ ہویا: سپیس دوڑ دی وجہ توں دوویں دیساں دے بجٹ وچ پڑھائی لکھائی تے ریسرچ ٹیکنالوجی نوں وڈا حصہ لبیا جیدے توں کئی اور ٹیکنالوجیاں تے سینسی ترقیاں ہوئیاں۔ اسی دوڑ وچ سپیس توں زمین دیاں کئی فوٹواں کچھیاں گئیاں جیدے توں کئی لوکاں وچ احساس پیدا ہویا کہ زمین کائنات دا اک زرہ اے تے اینوں سمبھال کے رکھنا چائیدا اے، اس توں ماحول نوں بچان دے بارے چ کئی تحریکاں ٹر پئیاں۔
سپیس دوڑ دے مشہور مشن تے سپیس پروباں دے ناں اے نیں: سپٹنک 1، ایکسپلورر 1، واسٹک 1، مارینر 2، رینجر 7، لونا 9، الویٹ 1، اپولو 8 تے اپولو 11۔
This article uses material from the Wikipedia شاہ مکھی پنجابی (Shāhmukhī Pañjābī) article سپیس دوڑ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.