سائبیریا (روسی بولی چ سیبیر) بوہت وسیع علاقے اے جس چ تقریبا سارا اتلا ایشیاء شامل اے ۔ اج کل روس دا وسطی تے چڑھدا وڈا علاقہ سائبیریا تے مشتمل اے ، استوں پہلے سائبیریا سویت یونین دا ودا حصہ بناندا سی ۔ سائبیریا 16ویں صدی عیسوی دے اخیر دے سالاں توں روسی سلطنت چ شامل اے ، جدوں روسیاں نے خانان سائبیریا دے آخری خان کوچم خان نوں شکست دے کے اس علاقے تے مل ماریا سی ۔
اس چ یوریشیائی گیاہستان دی ودا حصہ شامل اے تے ایہہ یورال توں شروع ہو کے چڑھدے چ بحر الکاہل تے وڈا سمندر آرکٹک وچکار آبنائے بیرنگ تک پھیلیا ہویا اے ، تے دکھن ول ایہہ وڈا سمندر آرکٹک توں شروع ہو کے اتلے گھبلے قازقستان دیاں پہاڑیاں تے منگولیا تے چین دیاں سرحداں تک پھیلیا ہویا اے ۔
ایہہ روس دے کل رقبے دا 77 فیصد (1 کروڑ 31 لکھ مربع کلومیٹر ) اے تے روس دی آبادی دا 25 فیصد (3 کروڑ 60 لکھ) ایتھے رہندا اے ۔
کجھ زریعاں موجب ایہہ ترک بولیاں دا لفظ اے جسدا مطلب ستی بھوئیں اے ۔ اک دوجا خیال ایہہ وے کہ سیبیلا ناں دے قبیلے توں نکلیا اے ، جہڑا اک ترک خانہ بدوش قبیلہ جہڑا بعد چ سائبیریائی تاتاریاں چ ضم ہو گیا ۔ اک ہور دعوی کیتا جاندا اے کہ سائبیریا دے ناں دا تعلق سابیر لوکاں نال اے ۔ روسی بولی چ اس ناں دی نویں ورتوں روس دی سائبیریا دی فتح تے خانان سائبیریا تے روسی سلطنت دے مل دے مگروں آئی ۔
وکیمیڈیا کامنز چ مورتاں: Siberia |
This article uses material from the Wikipedia شاہ مکھی پنجابی (Shāhmukhī Pañjābī) article سائبیریا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.