سپیس شٹل دوبارہ استعمال دے قابل امریکی خلا دے وچ جان والا جہاز اے۔ ایہنوں مہنگے راکٹاں دے بدل دے طور تے بنایا گیا سی کیوں جے راکٹ اک واری سیٹلائٹ نوں مدار وچ پا کے دوبارہ کم نہیں کر سکدے جدوں کہ اک سپیس شٹل واپس زمین دے اُتے آسکدی اے۔
ایہنوں 5 یا 7 بندے اڈاندے نیں۔ ایہہ 22700 کلوگرام دا سامان زمین دے نچلے مدار وچ لے جاسکدا اے۔ ایہہ خلا وچ جان لئی دو راکٹاں دی مدد لیندا اے تے اوہ راکٹ وی دوبارہ استعمال کیتے جاسکدے نیں۔ ایہہ واپسی تے کسے قسم دی طاقت دا استعمال نہیں کردا بلکہ گلائیڈ کردا ہویا رن وے تے اُتردا اے۔ ناسا دے مطابق اک سپیس شٹل دی قیمت 1.7 بلین ڈالر ہوندی اے تے اک شٹل دی اک اڈان تے 450 ملین ڈالر لگدے نیں۔
پہلی چار ٹیسٹ اڈاریاں 1981 وچ ہوئیاں جس دے بعد 1982 وچ خلائی مشن ٹر پۓ۔ 5 خلائی شٹلاں بنائیاں گئیاں جیناں نوں 1981 توں 2011 تک 135 مشناں وچ ورتیا گیا۔اے سارے مشن کینیڈی سپیس سنٹر، فلوریڈا توں اڈاۓ گۓ سن۔ ایناں مشناں وچ سیٹلائٹاں مدار چ پہنچائیاں گئیاں، دوجے سیاریاں تہ پروباں پیجیاں گئیاں، ہبل خلائی ٹیلیسکوپ پیجی گئی تے انٹرنیشنل خلائی سٹیشن دے ٹوٹے مدار پہنچاۓ گۓ تے اودی مرمت دے کم کیتے گۓ۔
This article uses material from the Wikipedia شاہ مکھی پنجابی (Shāhmukhī Pañjābī) article خلائی شٹل, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.