آسمان ، فلک ، گگن ، امبر ، آکاش ، (انگریزی: Sky) ، خلا دا حِصا اے جو کِسے وی فلکیاتی جسم دی سطح توں نظر آوندا اے ۔ کئی وجوہات دی بناء تے ایہدی صحیح تعریف ممکن نئیں ۔ زمین توں آسمان، ہوا دا سورج دی روشنی نوں منتشر کرن دی وجہ توں دِن دے وقت گوڑھا نیلا نظر آوندا اے ۔ رات دے وقت ایہ کالا نظر آوندا اے کیوںکہ سورج دی روشنی نئیں ہُندی ۔
چِٹی روشنی حقیقت وچ سَت رنگاں دا مرکب ہُندی اے یعݨی لال، کھٹا، پیلا، ہرا، نیلا، کاہی تے جامنی ۔ ایہ اوہی رنگ نیں جو قوس قزح وچ نظر آوندے نیں ۔ جَد ایہ رنگ آپس وچ مل جاندے نیں تاں چٹا رنگ بَݨ جاندا اے ۔
سورج دی روشنی وی ایہناں ای سَت رنگاں اُتے مُشتمل اے ۔ ایہی وجہ اے کہ جَد روشنی شیشے یا صاف پاݨی اُتے پیندی اے تاں انعطاف دی وجہ نال ستو رنگ الگ الگ نظر آوندے نیں ۔
فضا وچ بے شمار ننھے ننھے ذرات ہر وقت موجود رہندے نیں ۔ گرد دے ایہ ذرات کچھ تاں زمین دی ای پیداور ہُندے نیں تے کچھ خلا دے وی ہُندے نیں ۔ جَد سورج دیاں کِرناں ایہناں ذرےآں اُتے پیندیاں نیں تاں نیلے رنگ دیاں شعاعیں ایہناں نال ٹکر کے دوسرے رنگاں دی نِسبت زیادہ تعداد وچ نِکلدیاں نیں ۔ جیہدی وجہ نال آسمان نیلا نظر آوندا اے ۔
This article uses material from the Wikipedia شاہ مکھی پنجابی (Shāhmukhī Pañjābī) article آسمان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.