ਬੁਰਜ ਅਲ ਅਰਬ (Arabic: برج العرب, ਅਰਬਾਂ ਦਾ ਟਾਵਰ ) ਦੁਬਈ, ਸੰਯੁਕਤ ਅਰਬ ਅਮੀਰਾਤ ਵਿੱਚ ਸਥਿਤ ਇੱਕ 7-ਤਾਰਾ ਲਗਜ਼ਰੀ ਹੋਟਲ ਹੈ। ਇਹ ਦੁਨੀਆ ਦਾ ਤੀਜਾ ਸਭ ਤੋਂ ਉੱਚਾ ਹੋਟਲ ਹੈ (ਹਾਲਾਂਕਿ ਇਸਦੀ ਕੁੱਲ ਉਚਾਈ ਦਾ 39% ਗੈਰ-ਵਪਾਰਕ ਸਥਾਨ ਤੋਂ ਬਣਿਆ ਹੈ)। ਬੁਰਜ ਅਲ ਅਰਬ ਜੁਮੀਰਾਹ ਬੀਚ ਤੋਂ 280 ਮੀਟਰ (920 ਫੁੱਟ) ਦੂਰ ਇੱਕ ਨਕਲੀ ਟਾਪੂ ਤੇ ਬਣਿਆ ਹੋਇਆ ਹੈ ਅਤੇ ਇਹ ਇੱਕ ਪ੍ਰਾਈਵੇਟ ਕਰਵਿੰਗ ਬ੍ਰਿਜ ਦੁਆਰਾ ਮੇਨਲੈਂਡ ਨਾਲ ਜੁੜਿਆ ਹੋਇਆ ਹੈ। ਢਾਂਚੇ ਦੀ ਸ਼ਕਲ ਜਹਾਜ਼ ਦੇ ਬਾਦਬਾਨ ਦੇ ਰੂਪ ਵਿੱਚ ਤਿਆਰ ਕੀਤੀ ਗਈ ਹੈ। ਇਸਦੀ ਛੱਤ ਦੇ ਕੋਲ 210 ਮੀਟਰ (689 ਫੁੱਟ) ਦੀ ਉਚਾਈ ਤੇ ਇੱਕ ਹੈਲੀਪੈਡ ਹੈ।
ਬੁਰਜ ਅਲ ਅਰਬ برج العرب | |
---|---|
ਆਮ ਜਾਣਕਾਰੀ | |
ਰੁਤਬਾ | ਸੰਪੂਰਨ |
ਕਿਸਮ | ਲਗਜ਼ਰੀ ਹੋਟਲ |
ਆਰਕੀਟੈਕਚਰ ਸ਼ੈਲੀ | ਹਾਈ-ਟੈਕ |
ਜਗ੍ਹਾ | ਦੁਬਈ, ਸੰਯੁਕਤ ਅਰਬ ਅਮੀਰਾਤ |
ਨਿਰਮਾਣ ਆਰੰਭ | 1994 |
ਮੁਕੰਮਲ | 1999 |
ਖੁੱਲਿਆ | ਦਸੰਬਰ 1999 |
ਲਾਗਤ | US$1 billion |
ਉਚਾਈ | |
ਆਰਕੀਟੈਕਚਰਲ | 321 m (1,053 ft) |
ਸਿਖਰ ਮੰਜ਼ਿਲ | 197.5 m (648 ft) |
ਤਕਨੀਕੀ ਜਾਣਕਾਰੀ | |
ਮੰਜ਼ਿਲ ਦੀ ਗਿਣਤੀ | 56 (3 ਗਰਾਊਂਡ ਥੱਲੇ) |
ਲਿਫਟਾਂ/ਐਲੀਵੇਟਰ | 18 |
ਡਿਜ਼ਾਈਨ ਅਤੇ ਉਸਾਰੀ | |
ਆਰਕੀਟੈਕਟ | ਟੌਮ ਰਾਈਟ, ਡਬਲਯੂ ਕੇ ਕੇ ਆਰਕੀਟੈਕਟ |
ਵਿਕਾਸਕਾਰ | ਜੁਮੀਰਾਹ |
ਸਟ੍ਰਕਚਰਲ ਇੰਜੀਨੀਅਰ | ਅਟਕਿੰਸ |
ਹੋਰ ਜਾਣਕਾਰੀ | |
ਕਮਰਿਆਂ ਦੀ ਗਿਣਤੀ | 202 |
ਵੈੱਬਸਾਈਟ | |
burj-al-arab.com | |
ਹਵਾਲੇ | |
ਬੀਚਫਰੰਟ ਏਰੀਆ ਜਿੱਥੇ ਬੁਰਜ ਅਲ ਅਰਬ ਅਤੇ ਜੁਮੀਰਾਹਾ ਬੀਚ ਹੋਟਲ ਸਥਿਤ ਹੈ, ਪਹਿਲਾਂ ਇਸ ਨੂੰ ਮਿਆਮੀ ਬੀਚ ਕਿਹਾ ਜਾਂਦਾ ਸੀ। ਇਹ ਹੋਟਲ, ਪੂਰਬਲੇ ਸ਼ਿਕਾਗੋ ਬੀਚ ਹੋਟਲ ਦੇ ਸਮੁੰਦਰੀ ਤੱਟ ਤੋਂ 280 ਮੀਟਰ ਦੂਰੀ ਤੇ ਸਥਿਤ ਹੈ। ਜਗਾਹ ਦੇ ਨਾਮ ਦਾ ਮੂਲ ਸ਼ਿਕਾਗੋ ਬ੍ਰਿਜ ਐਂਡ ਆਇਰਨ ਕੰਪਨੀ ਵਿੱਚ ਸੀ, ਜੋ ਇੱਕ ਸਮੇਂ ਤੇ ਵਿਸ਼ਾਲ ਫਲੋਟਿੰਗ ਤੇਲ ਸਟੋਰੇਜ਼ ਟੈਂਕਾਂ ਨੂੰ ਵੇਲਡ ਕਰਦੀ ਹੁੰਦੀ ਸੀ, ਜਿਸ ਨੂੰ ਸਥਾਨਕ ਤੌਰ 'ਤੇ ਸਾਈਟ ਤੇ ਕਾਜ਼ਾਨ ਵਜੋਂ ਜਾਣਿਆ ਜਾਂਦਾ ਸੀ।
1997 ਵਿੱਚ ਜਦੋਂ ਪੁਰਾਣਾ ਹੋਟਲ ਢਾਹ ਦਿੱਤਾ ਗਿਆ ਸੀ, ਇਸਦਾ ਪੁਰਾਣਾ ਨਾਮ ਬਰਕਰਾਰ ਰਿਹਾ। ਬੁਰਜ ਅਲ ਅਰਬ ਹੋਟਲ ਦੇ ਨਿਰਮਾਣ ਦੇ ਪੜਾਅ ਲਈ ਪਬਲਿਕ ਪ੍ਰੋਜੈਕਟ ਦੇ ਨਾਮ ਦੇ ਰੂਪ ਵਿੱਚ ਦੁਬਈ ਸ਼ਿਕਾਗੋ ਬੀਚ ਹੋਟਲ ਚੱਲਦਾ ਰਿਹਾ ਜਦੋਂ ਤੱਕ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਨੇ ਨਵਾਂ ਨਾਮ ਨਹੀਂ ਐਲਾਨਿਆ।
ਬੁਰਜ ਅਲ ਅਰਬ ਨੂੰ ਆਰਕੀਟੈਕਟ ਟੌਮ ਰਾਈਟ ਦੀ ਅਗਵਾਈ ਵਿੱਚ ਬਹੁ-ਪੱਖੀ ਸਲਾਹ-ਮਸ਼ਵਰੇ ਵਾਲੇ ਅਦਾਰੇ ਅਟਕਿੰਸ ਨੇ ਡਿਜ਼ਾਇਨ ਕੀਤਾ ਸੀ। ਟੌਮ ਰਾਈਟ ਬਾਅਦ ਵਿੱਚ ਡਬਲਯੂ ਕੇ ਕੇ ਆਰਕੀਟੈਕਚਰ ਦਾ ਸਹਿ-ਸੰਸਥਾਪਕ ਬਣਿਆ। ਡਿਜ਼ਾਇਨ ਅਤੇ ਉਸਾਰੀ ਦਾ ਪ੍ਰਬੰਧ ਕੈਨੇਡੀਅਨ ਇੰਜੀਨੀਅਰ ਰਿਕ ਗ੍ਰੈਗਰੀ ਨੇ ਕੀਤਾ ਸੀ, ਡਬਲਿਊ ਐਸ ਅਟਕਿੰਸ ਦੀ ਵੀ ਭਾਗੀਦਾਰੀ ਸੀ। ਇਹ ਪੁਰਤਗਾਲ ਦੇ ਲਿਸਬਨ ਵਿੱਚ ਵਾਸਕੋ ਡੀ ਗਾਮਾ ਟਾਵਰ ਨਾਲ ਮਿਲਦਾ-ਜੁਲਦਾ ਹੈ। ਟਾਪੂ ਦੀ ਉਸਾਰੀ ਦਾ ਕਾਰਜ 1994 ਵਿੱਚ ਸ਼ੁਰੂ ਹੋਇਆ ਸੀ ਅਤੇ ਸਿਖਰਲੇ ਨਿਰਮਾਣ ਦੇ ਦੌਰਾਨ 2,000 ਨਿਰਮਾਣ ਵਰਕਰ ਇਸ ਵਿੱਚ ਸ਼ਾਮਲ ਸੀ। ਇਹ ਇੱਕ ਜੇ-ਕਲਾਸ ਯੌਟ ਦੇ ਹਵਾ ਨਾਲ ਭਰੇ ਹੋਏ ਬਾਦਬਾਨ ਨਾਲ ਮੇਲ ਖਾਂਦੀ ਹੈ। ਦੋ "ਖੰਭ" ਇੱਕ ਵਿਸ਼ਾਲ "ਮਸਤੂਲ" ਬਣਾਉਣ ਲਈ ਇੱਕ V ਦੀ ਸ਼ਕਲ ਵਿੱਚ ਫੈਲਦੇ ਹਨ, ਜਦੋਂ ਕਿ ਉਹਨਾਂ ਦੇ ਵਿਚਕਾਰਲਾ ਸਪੇਸ ਵੱਡਾ ਐਟਰੀਅਮ ਬਣਿਆ ਹੋਇਆ ਹੈ। ਆਰਕੀਟੈਕਟ ਟੌਮ ਰਾਈਟ ਨੇ ਕਿਹਾ ਸੀ, "ਕਲਾਇੰਟ ਦੀ ਇਛਾ ਐਸੀ ਇਮਾਰਤ ਦੀ ਸੀ ਜੋ ਦੁਬਈ ਲਈ ਇੱਕ ਪ੍ਰਤੀਕ ਜਾਂ ਸੰਕੇਤਕ ਬਿਆਨ ਬਣ ਜਾਵੇ, ਇਹ ਸਿਡਨੀ ਦੇ ਆਪਣੇ ਓਪੇਰਾ ਹਾਊਸ, ਲੰਡਨ ਦੇ ਨਾਲ ਬਿਗ ਬੇਨ, ਜਾਂ ਪੈਰਿਸ ਵਿੱਚ ਆਈਫਲ ਟਾਵਰ ਨਾਲ ਮਿਲਦਾ ਹੋਵੇ। ਇਮਾਰਤ ਉਸ ਦੇਸ਼ ਦੇ ਨਾਮ ਦੀ ਸਮਾਰਥੀ ਬਣਨੀ ਚਾਹੀਦੀ ਹੈ।"[not in citation given]
This article uses material from the Wikipedia ਪੰਜਾਬੀ article ਬੁਰਜ ਅਲ ਅਰਬ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ਇਹ ਸਮੱਗਰੀ CC BY-SA 4.0 ਹੇਠ ਮੌਜੂਦ ਹੈ। ਅਜਿਹਾ ਨਾ ਹੋਣ ਉੱਤੇ ਵਿਸ਼ੇਸ਼ ਤੌਰ ਉੱਤੇ ਦੱਸਿਆ ਜਾਵੇਗਾ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ਪੰਜਾਬੀ (DUHOCTRUNGQUOC.VN) is an independent company and has no affiliation with Wiki Foundation.