ਪਯਾਮ ਫੇਇਲੀ

ਪਯਾਮ ਫੇਇਲੀ ਦਾ ਜਨਮ 1985 ਵਿੱਚ ਇਰਾਨ ਦੇ ਕੇਰਮਨਸ਼ਾਹ ਵਿਖੇ ਹੋਇਆ ਸੀ। ਉਸਨੇ ਆਪਣੇ ਜਵਾਨੀ ਦੇ ਮੁੱਢਲੇ ਸਾਲਾਂ ਵਿੱਚ ਲਿਖਣਾ ਸ਼ੁਰੂ ਕੀਤਾ। ਫੇਇਲੀ ਨੇ ਆਪਣੀ ਪਹਿਲੀ ਕਿਤਾਬ - ਦ ਸਨ'ਜ ਪਲੇਟਫਾਰਮ 2005 ਵਿੱਚ 19 ਸਾਲਾਂ ਦੀ ਉਮਰ ਵਿੱਚ ਪ੍ਰਕਾਸ਼ਤ ਕੀਤੀ ਸੀ। ਕਿਤਾਬ ਨੂੰ ਸੰਸਕ੍ਰਿਤੀ ਅਤੇ ਇਸਲਾਮਿਕ ਗਾਈਡੈਂਸ ਮੰਤਰਾਲੇ ਦੁਆਰਾ ਸੈਂਸਰ ਕੀਤਾ ਗਿਆ ਸੀ। ਉਸ ਤੋਂ ਬਾਅਦ ਪਯਾਮ ਫੇਇਲੀ ਦੇ ਕੰਮਾਂ ਨੂੰ ਈਰਾਨ ਵਿੱਚ ਪ੍ਰਕਾਸ਼ਤ ਕਰਨ 'ਤੇ ਪਾਬੰਦੀ ਲਗਾ ਦਿੱਤੀ ਗਈ। ਉਸਦਾ ਪਹਿਲਾ ਨਾਵਲ - ਟਾਵਰ ਐਂਡ ਪੋਂਡ ਦੇ ਨਾਲ ਨਾਲ ਛੋਟੇ ਲੇਖਾਂ ਦਾ ਸੰਗ੍ਰਿਹ ਕਰਾਈਮਸਨ ਐਮਪਟੀਨੇਸ ਅਤੇ ਟਾਕਿੰਗ ਵਾਟਰਜ਼ ਸੰਯੁਕਤ ਰਾਜ ਵਿੱਚ ਲੂਲੂ ਦੁਆਰਾ ਪ੍ਰਕਾਸ਼ਤ ਕੀਤਾ ਗਿਆ ਸੀ। ਕਿਤਾਬ ਫ਼ਾਰਸੀ ਵਿੱਚ ਪ੍ਰਕਾਸ਼ਤ ਹੋਈ ਸੀ। ਉਸ ਦੀ ਦੂਜੀ ਕਿਤਾਬ - ਆਈ ਵਿਲ ਗ੍ਰੋ, ਆਈ ਵਿਲ ਫਰੂਟ. . . ਫਿਗਜ ਗਾਰਡਨ ਪਬਲਿਸ਼ਰਜ਼ ਦੁਆਰਾ ਜਰਮਨੀ ਵਿੱਚ ਪ੍ਰਕਾਸ਼ਤ ਕੀਤੀ ਗਈ ਸੀ। ਈਰਾਨ ਦੇ ਬਾਹਰ ਨਾਵਲ ਸੋਨ ਆਫ ਦ ਕਲਾਉਡੀ ਈਅਰਜ਼ ਅਤੇ ਕਵਿਤਾਵਾਂ ਦਾ ਸੰਗ੍ਰਹਿ ਸਮੇਤ ਹੋਰ ਰਚਨਾਵਾਂ ਪ੍ਰਕਾਸ਼ਤ ਹੋਈਆਂ। ਉਸਨੂੰ ਈਰਾਨ ਵਿੱਚ ਨਾ ਸਿਰਫ ਉਸਦੇ ਕੰਮ ਕਰਕੇ ਬਲੈਕਲਿਸਟ ਕੀਤਾ ਗਿਆ ਹੈ, ਬਲਕਿ ਇਸ ਲਈ ਵੀ ਕਿ ਉਹ ਖੁੱਲ੍ਹੇਆਮ ਗੇਅ ਹੈ। ਉਹ ਤੁਰਕੀ ਵਿੱਚ ਦੇਸ ਨਿਕਾਲੇ ਵਿੱਚ ਰਹਿੰਦਾ ਹੈ।

2015 ਦੇ ਅੰਤ ਵਿੱਚ ਫੇਇਲੀ ਨੇ ਇਜ਼ਰਾਈਲ ਦੇ ਸਭਿਆਚਾਰਕ ਮੰਤਰਾਲੇ ਦੇ ਮਹਿਮਾਨ ਵਜੋਂ ਇਜ਼ਰਾਈਲ ਦਾ ਦੌਰਾ ਕੀਤਾ। ਇਹ ਦੌਰਾ ਸਭਿਆਚਾਰ ਅਤੇ ਖੇਡ ਮੰਤਰੀ ਮੀਰੀ ਰੇਗੇਵ ਅਤੇ ਗ੍ਰਹਿ ਮੰਤਰੀ ਸਿਲਵਾਨ ਸ਼ਾਲੋਮ ਦੀ ਮਦਦ ਨਾਲ ਆਯੋਜਿਤ ਕੀਤਾ ਗਿਆ ਸੀ, ਜਿਨ੍ਹਾਂ ਨੇ ਈਰਾਨ ਦੇ ਨਾਗਰਿਕਾਂ ਦੇ ਦਾਖਲੇ 'ਤੇ ਯਾਤਰਾ ਦੀਆਂ ਪਾਬੰਦੀਆਂ ਕਾਰਨ ਇੱਕ ਵਿਸ਼ੇਸ਼ ਪਰਮਿਟ ਜਾਰੀ ਕੀਤਾ ਸੀ।

2016 ਵਿੱਚ ਫੇਇਲੀ ਨੇ ਇਜ਼ਰਾਈਲ ਵਿੱਚ ਪਨਾਹ ਲਈ ਅਰਜ਼ੀ ਦਿੱਤੀ, ਜਿਸ ਨੂੰ ਉਸਨੇ ਇੱਕ "ਦਿਲਚਸਪ, ਸੁੰਦਰ ਅਤੇ ਹੈਰਾਨੀਜਨਕ" ਜਗ੍ਹਾ ਦੱਸਿਆ। ਉਹ ਕਹਿੰਦਾ ਹੈ ਕਿ ਇਜ਼ਰਾਈਲ '' ਸਿਰਫ ਇੱਕ ਹੋਰ ਦੇਸ਼ ਨਹੀਂ ਹੈ। ਮੇਰੇ ਲਈ ਇਹ ਇੱਕ ਪੁਰਾਣੀ ਜਗ੍ਹਾ ਵਰਗਾ ਹੈ।” ਮਾਰਚ 2016 ਵਿੱਚ ਫ਼ੇਇਲੀ ਦੇ ਵੀਜ਼ਾ ਵਿੱਚ ਵਾਧਾ ਕੀਤਾ ਗਿਆ ਸੀ ਤਾਂ ਜੋ ਉਸ ਨੂੰ ਰਹਿਣ ਦਿੱਤਾ ਜਾ ਸਕੇ, ਜਦੋਂ ਕਿ ਪਨਾਹ ਲਈ ਬੇਨਤੀ ਕੀਤੀ ਜਾ ਰਹੀ ਸੀ।

• ਪੋਇਟ ਆਫ ਦ ਮੰਥ. ਦ ਮਿਸਿੰਗ ਸਲੇਟ ਮੈਗਜ਼ੀਨ।