Camp D'auschwitz-Birkenau
Lo camp d'Auschwitz-Birkenau èra un complèx, administrat per la SS, de dos camps camps de concentracion (Auschwitz-I e Auschwitz-III), d'un camp d'exterminacion (Auschwitz-II ò Birkenau) e de divèrsei camps segondaris bastits en Polonha per leis Alemands dins lo corrent de la Segonda Guèrra Mondiala.
Es situat sus lo territòri dei localitats d'Oświęcim (Auschwitz en alemand) e de Brzezinka (Birkenau en alemand), anexadas au Reich (província de Silesia) après l'invasion de Polonha. Foncionèt dau 27 d'abriu de 1940 a sa liberacion lo 27 de genier de 1945 per lei fòrças sovieticas. Èra lo camp d'exterminacion pus important dau Tresen Reich e es vengut un simbòl major dei crimes dau nazisme e d'Adolf Hitler. Au mens 1,1 milions de personas, principalament de judieus, i foguèron assassinats.
En causa de son importància istorica, foguèt inscrich au Patrimòni Mondiau de l'Umanitat de l'UNESCO en 1979.
Liames intèrnes
Bibliografia
Nòtas e referéncias
This article uses material from the Wikipedia Occitan article Camp d'Auschwitz-Birkenau, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.