Armada Roja

Creada en 1917 après la Revolucion d'Octòbre per combatre leis armadas còntra-revolucionàrias durant la Guèrra Civila Russa, foguèt implicada dins plusors conflictes majors dau sègle XX coma la Guèrra d'Ivèrn, la Segonda Guèrra Mondiala, l'Invasion de Manchoria e la Premiera Guèrra d'Afganistan. Durant aqueu periòde, fasiá partida dei fòrças armadas pus poderosas e pus modèrnas de la planeta e son ròtle centrau dins la victòria còntra lo III^en Reich li donèt un prestigi fòrça important. En 1992, après la disparicion de l'Union Sovietica, sei tropas foguèron transferidas a seis Estats successors. La màger part, compres la totalitat de l'arsenau nuclear, foguèt recuperada per la Federacion de Russia.

• Guèrra Freja.
• URSS.