Brussels
Brussels (Braselozi) ndi dera lalikulu limene muli mizinda ingapo komanso tawuni yayikulu ya Brussels, imene ili likulu la dziko la Belgium.
Brussels ndi dera limene muli anthu ambiri ku Belgium komanso ndi lolemela kuposa madera onse mudzikoli.
Brussels inakula kuchokera kudera laling'ono limene linali midzi yokha pa mtsinje wotchedwa Senne kufika kukhala tawuni yofunikila mu Ulaya. Kufikila nthawi yomwe nkhondo yadziko lonse yachiwiri inatha, mzindawu wakhala wofunika kwambiri pankhani za ndale ndipo ma bungwe ambiri anakhazikitsa likulu lawo kumeneko. Brussels ndi likulu la bungwe la European Union.
Brussels linali dera loyankhula chiDutch (chidatchi) koma linasintha kukhala dera loyankhula chiFrench (chifrenchi). Mudera limene muli likukulu mu tawuni ya Brussels, anthu amayankhula chidatchi ndi chifrenchi chomwe, ngakhale anthu ambiri padakali pano amayankhula chifrenchi. Chingerezi chimayankhulidwa ngati chiyankhulo chachiwiri komaso anthu ambiri obwera kudzagwira ntchito mderali amayankhula chingerezi.
Brussels imadziwika ndi zakudya zokoma zimene zimaphikidwa kudelali komanso nyumba zomangidwa bwino; ndipo nyumba zambiri ndizotetezedwa ndi a Unesco. Malo omwe ali okongola kukawona ndi grand place, Manneken Pis, Atomium ndi manyumba owonetsa mbiri ya dzikoli ndi ntchito zaluso.
Dziko : Belgium
Anthu opezeka ku Brussels: achiFrenchi ndi chiFlemish
chiwerengerero cha wanthu : 1,208,542
kukula kwa dera : 162.4 km2
This article uses material from the Wikipedia Chichewa article Brussels, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Chichewa (DUHOCTRUNGQUOC.VN) is an independent company and has no affiliation with Wiki Foundation.