Saturn Award (norsk: Saturn-prisen) er ei utmerking som blir utdelt årleg av den frivillige organisasjonen Academy of Science Fiction, Fantasy & Horror Films i USA.
Utmerkinga skal heidra dei gjevaste verka innan sjangrane science fiction, fantasy og grøssar både i kinofilm, fjernsyn og heimevideo. I byrjinga vart utmerkinga laust referert til som Golden Scroll, og det skjer stundom enno.
Saturn Awards blei skipa av Dr. Donald A. Reed i 1972. Den fysiske utmerkinga er ein statuett av planeten Saturn, der ringane består av film. Det er medlemmar i det nemnte akademiet som røystar fram prisvinnarane.
Sjølv om ein først og fremst nominerer film og fjernsynsproduksjonar innanfor sjangrane sci-fi, fantasy og grøssar, har ein også gitt prisar til "vanlege" dramatiske sjangrar. Den førtiande utdelinga av Saturn Awards blei halden den 26. juni 2014 i California.
Saturn Awards har ofte blitt kritisert for brei og inkonsistent sjangerdefinisjon i tillegg til nominasjon og tildeling av prisen til filmar som ikkje har noko med korkje sci-fi, fantasy eller grøssar å gjera.
This article uses material from the Wikipedia Nynorsk article Saturn Award, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.