Parimarjan Negi
Parimarjan Negi (fødd 9.
februar">9. februar 1993) er eit sjakk-vedunderbarn frå India. Den 1. juli 2006, i ein alder av 13 år, 4 månader og 22 dagar klarte han å kvalifisere seg til tittelen Stormeister i sjakk. Han vart med dette den nest yngste som nokon gong har klart krava til å bli stormeister.
| Parimarjan Negi | |
 | |
| Statsborgarskap | India |
| Fødd | 9. februar 1993 (31 år) New Delhi |
| Yrke | sjakkspelar |
| Parimarjan Negi på Commons | |
Parimarjan Negi er berre slått av Sergej Karjakin, Ukraina, som klarte å bli stormeister då han var 12 år og 7 månader gammal. Og Negi kom med dette framom Magnus Carlsen, Noreg, som klarte å bli stormeister då han var 13 år 4 månader og 27 dagar gammal.
Allereie i juli 2005, i ein alder av 12 år, klarte Negi å kvalifisere seg til tittelen Internasjonal meister i sjakk ved å ta sitt tredje napp i tittelen i ei opa internasjonal sjakkturnering i Sort, Spania.
Stormeister-tittelen kvalifiserte han seg for ved mellom anna ein 16-plass i Hastings Chess Congress avslutta den 6. januar 2006, med 6 poeng på 10 rundar og ein ratingprestasjon på 2568. Dette var det andre stormeister-nappet av dei tre naudsynte. Det tredje nappet kom i sjakkturneringa Tsjeljabinsk oblast Superfinale-meisterskap i Satka i Russland, der han avslutta med ein remis i siste runde mot trenaren sin, stormeister Ruslan Sjerbakov, noko som var nok til å klare kravet, 6 poeng på 9 rundar i den turneringa.
Negi sin FIDE-rating var i januar 2009 på 2600.
Parimarjan Negi var elev ved Amity International School i India, og vann fleire turneringar der. Seinare byrja han studere i USA og trekte seg frå profesjonell sjakkspeling.
Turneringssigrar
Negi vann den sterke turneringa Philadelphia International Open Tournament i juni 2008 med 7 poeng på 9 rundar, utan tap.
Kjelder
Bakgrunnsstoff
- Intervju med Stormeister Parimarjan Negi ved LatestChess.com, 10. juni 2007
- Parimarjan Negi sitt ratingkort hos Verdssjakkforbundet FIDE
- Parimarjan Negi sine beste sjakkparti hos Chessgames.com
- Intervju Arkivert 2006-05-06 ved Wayback Machine.
- «Negi is world's youngest GM» Arkivert 2007-10-01 ved Wayback Machine., The Hindu
- Rating data hos chess.vrsac.com
This article uses material from the Wikipedia Nynorsk article Parimarjan Negi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.