Ottar Brox: Norsk professor og politikar
Ottar Brox (30.
august">30. august 1932–16. februar 2024) var ein norsk samfunnsforskar og politikar for Sosialistisk Venstreparti, fødd i Torsken. Han var professor i sosiologi ved UiT 1972-1984 og stortingsrepresentant for Troms 1973-1977. Brox blir også rekna som ein av føregangsfolk bak opprettinga av Universitetet i Tromsø.
| Ottar Brox | |||
| Fødd | 30. august 1932 Torsken | ||
|---|---|---|---|
| Død | 16. februar 2024 | ||
| Nasjonalitet | Noreg | ||
| Yrke | politikar, sosiolog | ||
| Institusjonar | Universitetet i Tromsø – Noregs arktiske universitet | ||
| Alma mater | Norges landbrukshøgskole | ||
| Medlem | Det Norske Videnskaps-Akademi | ||
Liv og virke
Ottar Brox studerte ved Troms landbruksskole i 1948-1949 og blei utdanna sivilagronom ved Norges Landbrukshøgskole i 1957.
Brox er kjend for boka Hva skjer i Nord-Norge? frå 1966. Denne boka vart inspirasjonskjelde for nordnorsk regionalisme og oppvurdering av sjarkfisket si økonomiske betydning. Temaet i denne boka vart i 1984 vidareført i boka Nord-Norge: Fra allmenning til koloni.
Brox var professor i sosiologi ved Universitetet i Tromsø frå 1972 til 1984, seinare professor II, mens han var forskingsleiar ved Norsk institutt for by- og regionforskning.
Politikk
Brox var stortingsrepresentant for SV for Troms i perioden 1973–1977. Han har skrive mange populærfaglege bøker og artiklar, og vore aktiv i den offentlege debatten.
Prisar og utmerkingar
- 2000 - Norsk sosiologforenings hederspris
- 2002 - Fritt Ords honnør
- 2003 - Æresdoktor ved Universitetet i Tromsø
- 2005 - Årets bok - Klassekampens litteraturpris
- 2019 - Æresdoktor ved Noregs mijø- og biovitenskapelige universitet
Verkliste
- 1957: Norsk landbrukspresse fram til omkring 1840 / Ottar Brox. Vollebekk : Norges landbrukshøgskole. Hovedoppgåve ved Norges landbrukshøgskole.
- 1966: Hva skjer i Nord-Norge? : en studie i norsk utkantpolitikk. Pax-bøkene ; 39 Oslo : Pax
- 1972: Newfoundland fishermen in the age of industry : a sociology of economic dualism. Newfoundland social and economic studies ; 9. St. John's : Institute of Social and Economic Research, Memorial University of Newfoundland.
- 1989: Praktisk samfunnsvitenskap. Universitetsforlagets metodebibliotek. Oslo : Universitetsforlaget.
- 1995: Dit vi ikke vil. Ikke-utopisk planlegging for neste århundre. Halden: Exil
- 2005: Arbeidskraftimport : velferdsstatens redning - eller undergang?. Oslo : Pax.
- 2016: På vei mot et postindustrielt klassesamfunn? Oslo : Pax.
Kjelder
This article uses material from the Wikipedia Nynorsk article Ottar Brox, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.