Opiat

Stoff som allereie finst i safta til opiumsvalmuen - morfin, kodein, tebain, noskapin og papaverin - er rekna som naturlege opiat. Stoff som er danna frå desse i laboratorium, som heroin, etylmorfin, oksykodon og buprenorfin, er semisyntetiske opiat.

Opiat har vore brukt i fleire tusen år innan folkemedisin for å lindre smerte, i religiøse samanhengar og som rusmiddel. I dag kan ein framstilla alle dei naturlege opiata syntetisk, utan bruk av valmuar. «Opiat» er dermed rekna som eit avleggs omgrep innan medisinen, og i staden bruker ein nemninga «opioid».