Michel Preud'homme: Belgisk fotballspelar

januar">24. januar 1959) er ein belgisk fotballspelar og seinare -trenar frå Ougree. Han var ei framifrå målvakt som særleg utmerkte seg med sine refleksredningar. Etter VM i fotball 1994 vart han kåra til turneringas beste målvakt og same året vart han tildelt Jasjin-prisen som verdas beste fotballmålvakt.

Michel Preud'homme

Personleg informasjon
Fullt namn	Michel Georges Jean Ghislain Preud'homme
Fødselsdato	24. januar 1959 (65 år)
Fødestad	Ougrée, Belgia
Høgd	183 cm
Posisjon	Målvakt
Klubbinformasjon
Noverande lag	Standard Liège (trenar)
Seniorkarriere*
År	Lag	Kampar	(Mål)
1977-1986	Standard Liège	240	(0)
1986-1994	Mechelen	263	(0)
1994-1999	Benfica	147	(0)
Totalt		650	(0)
Landslag
1979-1994	Belgia	58	(0)
Trenar for
2001-2002	Standard Liège
2006-2008	Standard Liège
2008-2010	Gent
2010-2011	Twente
2011-2013	Al-Shabab
2013-2017	Club Brugge
2018-	Standard Liège
* Seniorklubbkampar og mål berre telt for nasjonal liga

Klubbspel

Preud'homme var aktiv i Standard Liège frå 1977 til-86. Med Standard vann han den nasjonale cupfinalen i 1981 og den belgiske toppserien i 1982 og 1983. Sommaren 1986 gjekk han over til KV Mechelen, der han i 1987 vart nasjonal cupmeister for andre gong. I 1988 var Preud'homme med å vinne cupvinnarcupen etter å ha slått nederlandske Ajax 1-0, året etter vart han belgisk seriemeister for tredje gong. Sommaren 1994 vart han overført til SL Benfica, ein klubb han vann den portugisiske cupen 1996 med. Preud'homme la opp i 1999, 40 år gammal.

Landslagsspel

Preud'homme fekk sin landslagsdebut i mai 1979, men fekk få kampar for Belgia ettersom Jean-Marie Pfaff var det klare fyrstevalet som landslagsmålvakt til og med Fotball-VM 1986 i Mexico. Frå 1987 og til 1994 hadde Preud'homme hevd på målvaktsplassen i landslaget og deltok både i verdsmeisterskapane 1990 og 1994. Opp til desember 1994 vakta han Belgias mål i 58 landskampar.

Merittar

• Vinnar av UEFA-cupen: 1988 med KV Mechelen
• Belgisk seriemeister: 1982 og 1983 med Standard Liège og 1989 med KV Mechelen
• Belgisk cupmeister: 1981 med Standard Liège og 1987 med KV Mechelen

Trenar

Tida 2007-16 hadde Preud'homme stor suksess som klubbtrenar. Han sanka pokalar både med Standard Liège, KAA Gent og Club Brugge i heimlandet, så vel som med nederlandske Twente og saudiarabiske Al-Shabab.

• eu-football