Melodi Grand Prix Junior Nordic (MGP jr.
Nordic) er ei musikktevling for born mellom 8 og 15 år i dei nordiske landa. Ho vert arrangert på omgang av NRK, DR, SVT og YLE. Det er berre Finland som enno ikkje har arrangert tevlinga. Den danske musikktevlinga Dansk Melodi Grand Prix Junior vart arrangert fyrste gong i 2000 i Danmark, og suksessen vart gjentatt i 2001. I 2002 hadde idéen slått så godt an at han vart utvida til heile Norden, og Melodi Grand Prix Junior Nordic vart arrangert som eit samarbeid mellom Noreg, Sverige og Danmark. I 2007 vart Finland òg med i tevlinga.
Kvart deltakarland vel ut to (tidlegare tre) songar til tevlinga, som vert vist på direktesendt TV. Det blir så arrangert ei avstemming der kvart land kan stemme på songane frå dei andre songar for å kåre ein vinnar. Kvart deltakarland deltar gjennom ein nasjonal fjernsynskanal, som har ansvar for å velje ut kva artistar og songar som skal delta i konkurransen.
Fire land har deltatt minst ein gong i konkurransen. Her er ei oversikt over desse landa etter kva år dei debuterte:
År | Land som debuterte i konkurransen |
2002 | Danmark, Noreg, Sverige |
2007 | Finland |
År | Vertsby | Vinnarland | Vinnarsong | Artist | Språk |
2002 | København | Danmark | «Kickflipper» | Razz | Dansk |
2006 | Stockholm | Danmark | «Tro på os to» | SEB | Dansk |
2007 | Oslo | Noreg | «Bæstevænna» | Celine Helgemo | Norsk |
2008 | Århus | Noreg | «Oro jaska beana» | The BlackSheeps | Norsk, samisk |
2009 | Stockholm | Sverige | «En vanlig dag» | Ulrik Munther | Svensk |
This article uses material from the Wikipedia Nynorsk article MGP Nordic, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.