Andreas Kristian Andersen Grimsø (12.
oktober">12. oktober 1850–30. juli 1927) var ein norsk gardbrukar og stortingsmann frå Burøya i Steigen. På Stortinget representerte han Venstre og var ein av dei leiande i partiet i dei femten fyrste åra etter 1905.
Kristian Andersen Grimsø | |
Statsborgarskap | Noreg |
Fødd | 12. oktober 1850 |
Død | |
Yrke | politikar, bonde |
Språk | norsk |
Politisk parti | Venstre |
Kristian Andersen Grimsø på Commons |
Grimsø var son til ein lærar. I yngre år dreiv han fiskeri, og var båtførar og kjentmann i kystfart. Frå 1881 var han gardbrukar på Grimsøy i Vega. Han var medlem av heradsstyret i Vega frå 1885, ordførar frå 1887 til 1904. Dessutan var han medlem av forlikskommisjonen 1890-93 og frå 1896, styreformann i sparebanken frå 1893.
Grimsø møtte første gongen på Stortinget i juli 1895, og på ny frå 13. mars 1897, begge gongane som varamann for Nordlands amt. Åra 1898-1906 representerte han amtet på Stortinget. Han heldt fram på tinget som Søndre Helgeland krins sin representant frå 1906 til -21. 1898-1903 var han medlem av Lagtinget. Frå 1913 til -21 var han president i Lagtinget. Han var med i næringskomite nr 1 frå 1898 til 1912, åra 1903-06 som sekretær, 1906-08 og 1910-21 som formann. Elles medlem av valkomiteen 1900-21, fullmaktskomiteen 1913-21 og utanrikskomiteen 1916-21. I 1903 deltok han i Stortinget sin deputasjon til opninga av Ofotbanen, og 1905 i deputasjonen som forhandla i København om ein dansk prins skulle kunne overta den norske trona.
Grimsø var medlem av Lofotkommisjonen av 1891, kyrkjekommisjonen av 1908 og utanrikskommisjonen 1912. Frå 1907 til -26 var han medlem av Hypotekbanken sitt råd, 1911-26 var han medlem i Riksskattestyret. Under og etter fyrste verdskrigen var han med i fleire sentrale, statlege komitear.
Han gav i 1927 ut boka Erindringer fra mine 25 aar paa Stortinget.
This article uses material from the Wikipedia Nynorsk article Kristian Andersen Grimsø, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.